1 ገጰካ ሐሚንተ ናናቶ ሐምባ ሐናቤናተ ታዝዝማተ (ኤሪጎን ችማተ) አጎ ጎይ ጋዛና፡፡ 2 ሐሚባቤ፣ ሐናቤም አካቢሪማ ሐማይና ጰላቅና ብሪናሳ እሮጎን ይሐና ቃቦና 3 ጳል ኮይናተ፤ ኜሮጎ ቦንኖ ከጉድጴካናተ ሐማያነ፡፡ 4 ይትካሞ ውባናቶ ናና የስካሞ ዩፐግናኖ፤ ኮንሞ ገጰሳ ክልማካ ኬካሞ ክላንተ ገጰስማተ፡፡ 5 ዋድማን ኤናቶ ክርስቶስ ናተ ያዝዚያ ግያ፤ ገጰና ኜሮጎን ደሀናናተ ጎቢታ ካቢታ፣ ኩርታሞ ካቤ፤ ወይለም ጋዛሞካቤ ታዝዝማተ 6 ሼደጵካናተ ክርስቶስካላ ጎሺህ ሐፍናተቤ ጋራንተ ክርስቶስሳ ዋድማን አድግያ ባሪያሳ ቃቦንም ዋይለም የሳይ አሽካናተ ታዝዝማተ፡፡ 7 ኤድሚ ጋራንተ ገጰናተ የዋድሚያግያ ማታንታ ወይካም ገዘካ ዋድማተ ክናተ 8 ኮደንካ ዋድማን ኤናካሞ ካይሌና ሱን ኤድካሞ ይአሽካናተ ፓይለ የሪ ገዛ ውል ሽልማትኖ ገጰባራንካ ቻጵይንካ ጵስድና፡፡ 9 ገጰና ይትካሞ ዋድማን ኤናናተ ውል አሽክማተ ኬንታካሞ፣ የንታካሞ፣ ገጴታን ደሀ ፎላሮጎ ኮደንም፤ ኤስ ውትም ሻይሐንተ ጋይ ክዋድሞንካሞ ይት የጵስደሁን ታካ የኩሪትሳናኖ፡፡ 10 ታካሞ ኮደን ገጰቤ ካንታቴ ይሐቤካሳ ካንታንካ ዋቻድማተ፡፡ 11 ጂካማን ዋድማን ሜሽናሳ የደንደየካናተቤ ባንቆን ኮይና ውልም ባሪያሳ ኦሪስማተ፡፡ 12 ሐርቴ ኦጎኖካ ሐጵና ኦኖሮ (ማሺኖኖ) ዋቤ፤ ማቃኪላማ ክን ትማሞ ኮኜን ጳፍን ኮሳ ገጰናቤ፣ ቦሪብቶን ኤናቤ፣ ካንታናለማ ኮደንካሞ ፎላን ራቅሮን ይሐና ካንታን ዘሪቦንካ ደሀና ቤሮናሳ ፓሎስና ለማ ክንካና፡፡ 13 ዋደ ዘሪቦካም ኮንና የደንደዬካናተ ባሪያሳ ውል ቦንቆን ኮይንናም አሪሲማተ ውልካሞ የአሽክና (የዋድሚና) ፓይላ ካንታጰንተ ወያንካሞ ደንደያና የደንደያይ፡፡ 14 አጋታካ ጋሪናን የስካም ምስኮን ቃልሺንካ ጰክማቴ ይንካን የጰቃይን በቆንካሞ አሪስማተ 15 ፀልን ወንጌልንሳ ሸክማንካ ሪሓና የስካሞ ኩፍ ሐያንተ ወይማተ፡፡ 16 ፓይ ካለማ ክንካ ውእሳናን ዋደን ዘርቦንስ ሴሶንም ፓይለ ካይሳናተ ይንካን የድንደያን ምስኮንሳ ሎጋን ጰስማተ 17 ጳቆሳ ትሪ ሐይማተ፤ ኡስን ጋዘንሳካም ሀልፓንም የድተ ኖካሞ ባሪያስ ጵላቅና፡፡ 18 ጎይ ፓይለ ውልካ ግስምንቤ፣ ምስካቤ፣ የሪ ሐሞንታ ሐማ ኮይሐናካ ባሪያስ ካንታን ግስማተ ቃባንተ ኦጎካሞ ፍካጵማተ ጋዘናተን ካሞ ፓየይላ ካልተጰንተ ምስኮንም አስይማተ፡፡ 19 ምስጥርን ወንጌልንሳ ገያናተ አፎንም የቡለን ዋደሀንካ ሮሮ ውል ማን ማታንተ እጵሌቀካ ጰለቅንም ጌይጵይንም እደንደየካ ግስማተ፡፡ 20 ስንስሌትን ጵካጰደሀ ኤሪጎ ኤድን ማታደሓና ኦጎናተና፡፡ አጋ ታካ ጵላቃናተካሞ እዘጋደም አጵላቀካናተ ግስማተ፡፡ 21 ደንታ ሐምንታ ሀማግዶሪ እደንም ሐር እታካይንም የጵስካናተ ነሸጰ እና ናስቤ ገጵ ጎይንካ ጋዘስ ዋድማ ኤድን ማታተን ደሐ ቲኪቆስ የሪ ፓይ ውልም ጌያና ክጌያ፡፡ 22 ደንታን ዋስካሞ ይጵስካናተቤ ወይም የስካ ከካታካ አጋናተ ሐማንተ የዘራ የዕስድ እንታ፡፡ 23 ወንባ ባሪያ ባራንካቤ፣ ገጰ የሱስ ክርስቶባራ ናሽማ (ፀለሞ)ለ ናሺማ እምነት ለማ ክንካ እናናትን ኮደ፡፡ 24 ገጰ የሱስ ክርስቶስ ካያን ጵስሞን ናሽማኖ አናሻይ ፓይለ ውል ናተ እምቶኖ ኮዲ፡፡