ኡኩንሳ 3

1 እንታ ጳውሎስ ምክንያታ አጋካ ሐማንተ የናተቤ፣ ኤና ባሪያም ጵስምናናተቤ የሱስ ክርስቶስ ጵንን ኤድ ማትድና፡፡ 2 ጥቅሚን የያፍይ የኖናተ ሐማንተ ባሪያ ባራን ካን እንታን እንጵድ ግስምንም (ቃልን ታማሪስን) ጎይን ልክካ ፅለሞንም (ዋዘንም) 3 በራንተ ጠድሰንተ እዳፍካናተ፤ እያፍካናተ የጰስካናተ ውድንጰደሐ ምስጥራስ ካንታስ አጋና (ባሐና) 4 ኮደንካም ክም የአብብና፤ ሐሞንታታ ምስጥርኖ ክርስቶስ፣ ሐስ ሀያንተታ እቃቤ ሐሞንታታ ራደንም እደንይዬ፡፡ 5 ምስጥራ ካካሞ ጋዛና ሐዋሪያትናቤ፤ ባሪያስ አፎን ጵለቃይና ናተቤ፤ ጵውጴዶ ጎያካ ቦንን ሳጋይሐናካ ኤና ደሀናናተ ጵውጵድማሞ 6 ምስጥራ አጋካሞ ኤና ባሪያም ጵስምና ወንጌልንካ ሐማንተ ክንካ እስራኤል ለማ ጵላይና፤ ክንካ ብሊካላ ከማተካናተ የሱስ ክርስቶስ ቃላ አሮደጵይካ ሐማንተ ከሽማያ ማታኖ ኬስና፡፡ 7 ካንታንሳ ዋድማንካ እንታካሞ እንታን እንጵድን ዋድማንካ ባሪያሳ ስጦታንካ ወንጌልሳ ዋድማ ኤድ ማትድና፡፡ 8 እንታካሞ ኮደን ኤና ጋዘና ካለን ፓይለ ሽል (ቶካ) እይናካም ማርማርጲሞኖ ክርስቶስ ገጰሞሞ አይዘብና (ባሪያም ጵስምና) ኤናም እመታማሪስካናተ ገጰሞን እና እንጵድና፡፡ 9 ኮደንካሞ ፓይላ ውልም ፍጀደካ ባሪያካ ቦና ስጋደናናተ ታካጰደሀናም ምስጥርናም ዋድን ፓይለ ውልናተ እጌየካናተ እናተ ጵውጵድና፡፡ 10 ቃቦናካሞ ታሀ ወደን ኮካ ኤና ባሪያም ምስካይና ሐማንተ ዋድማስ ጎይኖካሞ ኮጠጣይንካ ባሪያሳ ዋድማንስ አባራ ፎላጎን ደሀና ብት (ገጰናቡ) ቦርኮቶን ብትን ኬጵስካናተና፡፡ 11 ኦጎኖካሞ ገጰ የሱስ ክርስቶስ ክአሽካደን ይንካን በይን ደሀጵን እቅድን ጎይንካና፡፡ 12 ክቤ፣ ክዘራቤካ ወካ ደን ምስኮን ጎይንካ፣ ገዛምቤካ፤ ወይለም ካንታምቤካ ባሪያዘራ ጣደጵን ደንታደያና ወደንደያይ፡፡ 13 ኮደንካሞ ወሳ ጎሽን ደሀካ የናተ ሐማንተ የስካደን ጋሎን ቡይዘራ ሺጵን የጋሬካናተ እንታ የም ሚስክድና፡፡ 14 ጎያ አጋካ ሐማንተ አባሳ ውትሮጎ ኮንጳርሳና ወኮንጳርሳይ፣ 15 ክካለንካ ካም ኜሮጎቤ፣ ፎላሮጎን ደሀና ኤዶሀና ፍይላ ሞጋሞን ሐፍና ኬያፍይ፡፡ 16 ብሺህን የሰ እጋይንካሞ ከዋቸጰካናት፤ ጵስዶ ገጰ ኡስን ይሳካ ካንታ ክእምናካተ ምስካና እምስካይ፤ 17 ኦጎኖካሞ ገንጵባ ክርስቶስ ወይለምሮጎ የሳ ከደካናተና፡፡ ኮንካሞ ጫጭ በለንተቤ፤ ናሽማን አሪስንተቤ፣ 18 ናሽማን ክርስቶስ ጀጋንተቤ፣ ጉዱጰሞንቤ፣ ዙዝንቤ፣ ጠራሞንቤም፤ ሐሞንታ ኮደንም ፓይለ ኤና ጋዛናለማ ቃቦንሳ ካንታንም ያፍካናተና፡፡ 19 ባሪያሳ ገጰሞን ዘራ ፓይላ ልክ የስካንተ የጦግካናተቤ፣ ጰስታንሳካ ጵባራ ደሀ ክርስቶስሳ ናሽማንካሞ የጵስካናተና፡፡ 20 ኮደንካሞ ወግደር አሽካጵያግያ ካንታስ ይንታካ ወምስካይንስ ወይሞ ወቃባንሳ ጰባራ ፓይላ ጎንጵባ ሳሲካንቴ ዋድማንም ደንደያያ፤ 21 ባሪዮን ኦኖሮጎቤ ኮደንሞ የሱስ ክርስቶስ፤ ቦና ግዶር ፓይላ ላይ ቱንስዘራ ክናተ ጎሽይኖ ኮዴ፣ አሜን፡፡