ኡኩንሳ 2

1 ሴስ የስካቤ፤ ዋድማን ዘርቦንካቤካ ሐማንተ ይት ይጴተና (ካያሞተና) የዳው፤ 2 ኮኜን ጋለፍንሶ ዋድማን ዘርቦንካ ካንታጰንተ፤ ፎላሮጎን ደሀን ካንታና (ሜሽና) ካንታንካ ዘርቦናናተ ደሀናናተቤ ታካሞ ባሪያናተ ኤኤ (ታዝዝምና) ኤና ዘራ ዋድሚያ ካንታያ ዘርቦናተ ኤአጋ ሀንተና የዳው፡፡ 3 ፓይላ ዋደ ካላካ ወሳ ቃቦም ዋድማ ዋድሜት ጎንዎ ጫግተና ወይው ኤናለማ ክንካና ወደው፤ ናና ዋን አሽድና ግያና ወደው፡፡ 4 ኮደንካሞ ሴሶንም ጋርቶንካ ጰስይሀ ባሪያ ዋናተ ክስዶን ናሽማካ ሀማንተ፤ 5 ዋድማን ዘርቦን ካያንተ (ጀንተ ወይሀካ) ናስ ይሳ የሱስ ክርስቶካ ወምካም ደጰንባራካ ጵአሺድናቃደ ኖካሞ ክሻ ናሲማካና፡፡ 6 ክርስጾሽ ለማ ክንካ ባሪያ ጵስድና፤ ፎላን ራቅሮጎ ወም የሱስ ክርስቶ ለማ ክን ወም ውድድና፤ 7 ኦጎኖካሞ ቦንን ናአካ የሱስ ክርስቶስ ገዛምንም፤ ጌያ ጌያ ክለማ ክንካን የክጵያ ኤድ ኮቆልሞንምቤ ናሽማንሳ ጰለቅም (ጎይም) ክጵውካናትና፤ 8 ገንጵባ ናሺማካ ጵቅድና ይት ኦጎኖካ ሐርተ ባሪያሳ እምንቶና (ስጦታና) ኮደንካሞ የባራካ ትማሞ፤ 9 ኤድን ካላከሞ ክፎካሬ ዋድማካ ትማሞ፤ 10 ሐርተ ሀጵና ባሪያ ብራንተ ጋዛኖ ወናተ ክዋድ ማደኖ ዋድማ ወዋድሜካናተ የሱስ ክርስቶስካ ግስጰደኖው ባሪያሳ እንስ ዋድማና ውት፡፡ 11 ኮደንካም ይትካሞ አና ብራንተ አጵማሮጎካ ባሪያም ጵስማም፤ ብሺሮካሞ ኤድሳ ኦንካ አሽከጵደካ ሐማንተ፤ ወንካም ታካጳደና ሀማያ ጎይካ "ታካጵምና" ሐንጴያካሞ ቃብማቴ 12 ዋደን ኦጎካ (ቦንን ኦጎካ) ክርስቶስ ካለንካ ዕድማንቴ፣ ፍግንጵንቴ እስራኤል ኤና ካለንካ ቃልን ኬስ ካለካሞ ፍግጵንተ፣ ኜን ጋለፍን ኮግደሪካሞ የሪ ጵስማኖ፤ ባሪያለማ ክንካ የደድሞንካሞ ቃብማቴ፡፡ 13 ታሀ ኮደን ይትካሞ አናብራንተ ፍግጵንተና የደው፤ የሱስ ክርስቶስካ ደሀንተ ክርስቶስሳ ማቃ ስንካ ሐማንተ ክድምድና፡፡ 14 ካላ ሐያደሀ ለማ ውለም፤ ዕደያ ኡሮንሳ ማሎንም ቁንጣደሀ ናሽማንስ ዕምባ ይጵር ኖና፤ 15 ደብንቤ፣ ትዕዛዝንቤ፤ ይንታን ዋድማንቤም ይጵር ኖ ይባራንካ ልልድና፡፡ ቃቦኖ ክስካሞ ለማ ውልግደርካ ሐል ካላ ይጵር አሽካንተ ኤድ ሞንም ባአናተና 16 ኡሮን ደስደሀ መሰቃላባራንካ ለማ ውልም ኦጎታር ብሺ ካለካ ባሪያ ለማ ክንካ ቃሺድና፡፡ 17 ክካላ ናዴ ኜግጵይሐናተ የናተ ክካላን ፅደይሐና ናናተ ኬናተ ፀለምንም ታማርስድና፤ 17 ክካላ ናዴ ኜግጵይሐናተ የናተ ክካላን ፅደይሐና ናናተ ኬናተ ፀለምንም ታማርስድና፤ 18 ክንካ ሐማንተ ውት ፋይላ ውሊ ወይለም ካለካ አባዘራ ፀደጵንም ደንደያና ወደንደያይ፡፡ 19 ጎይና (ዋድማና) እማናካ ሐማንተ ይትካሞ ኤና ጋዛናለ ክንካ ኜካለስ ኤድ፣ ባሪያ ኤናሳ ኤድና ኮያማን አይታላካ ካሪስንተ ሴሶ ኤድቤ ቹችቤ ትማሞ ይት፡፡ 20 ባሪያሳ ይዕስድናቤ ባሪያሳ አፎንም ጰለቃይና ጎይንካ ጫረግምድና ይት ኦኖሳ ጎልንሳ ሱና የሱስ ክርስቶስ ይጰር ኖና፡፡ 21 ኦኖን ክኖካ ሐማንተ ውት ፓይላ ክዛራ ቹቻጵድና ገጰካ ጋዛስካ ባሪያስ ታቦትን ይንግዶሪ ወደጵይኖ ኦኖኖ ወማተካናተ ሐያና ክያያይ፡፡ 22 ኮደንካሞ ይት ባሪያሳ ኡስኖ ጋዘኖ የኔግዶ ኮደይኖ ውጵንታ ራቅ የማተካናተቤ ክንካ ክም ናሽንተ የዳካናተና፡፡