ኡኩንሳ 1

1 ቃቦንካ ባሪያሳቤ የሱስ ክርስቶሳ ለማን ክንካን ዶሐ ሐዋሪያው ጳውሎስ፤ ባሪያስ ናሐስ የሱስ ክርስቶ ለማን ክንካን ደሀናቤ፤ ክም አምናደሀና፤ ኤፌሶን ግዶሪ ደሀና ገዛና፤ 2 ወንባ ባሪያቤካበ፣ ገጰ የሱስ ክርስቶስሳ ናሺማቤ፣ ገዛምቤ የናተ ኮዴ፡፡ 3 ፎላን ራቅን ባራንካ ሻዬን ጋዛንባራካ ፓይለ ክርስቶስካ ወም ጎሻዶሃ ገጰ የሱስ ክርስቶ ገጰምቤ አምባቤ ናተ ጎሸህኖ ኮዴ 4 ገዛና ውትሮጎ ክሳ ዘርቦ ከቆልሞን ግያ ኜን ጋላፍን ኮሚ ፍጀጵማ ብራንተ ክንካና ወም ካንጰይ፡፡ ናሺማካ፤ 5 ወይካናተ የሱስ ክርስቶስ ይጵሪ ወም ቡራንተና ክናሻደው፤ 6 ኦጎኖካሞ ወም ናሽያባራንካ ክንካ ሀማነተ ሱን ወናተ እንጵደን ጎብንታ ይሆን ነሽማንም ወዮሪሻካተና፡፡ 7 ክንካ ባሪያግያ ማታንተ ናሽማንቤ ውድማሞንቤም ወፓደግያ ማአስንካ ወናተን እንጰደን ብዘን፤ ሴሶንም ግሪታንሳ ጎይንካም ሐፍድና ውት፤ 8 ናሽማንካም ፍልጵንተቤ፣ ቃባንተቤ ፓይላ ወአስድና፡፡ 9 ቃባጵደን ክርስቶስካም ቃቦንስ ጎይን ቃቦን ጋዘንካ ቃቦ ክስም ወጰስካናተ ሀይድና፡፡ 10 ኜንሳ ቱንስኖ ኮደ ሐማንተ ክሪያዶኖ ቃቦኖ ኜሮጎቤ፤ ፎላሮጎቤ የራ ይሐና ፓይለ ገጰ (ሜታ)ክርስቶስ ዘራ ፑጭ ካያሜካናተና፡፡ 11 ቃበቤ፤ ክልማቤካ፣ ፓይላ ክዋድማይንም ቃበ ክስካ ብራንተ ታካጰደን ወትካሞ ኮን ክንካ ካንጰይና፤ 12 ኦጎኖ ካሞ ክርስቶስ ዘራ ቃም ጰባንተ ብራና ውት ገጰሞን ክስ ጎሻንተ ወምስካካ ናተና፡፡ 13 ይት ካሞ ፌሪ ቃላ (ጵላቃ) ጋዘስ አጋካሞ ጵቆን ጎይን ሜሪሜራ የኤሳሪዶን ዋይንካ ክርሰቶ ዘራና የም ካጰደው ምስካንተካም፤ ክንካ የደን ቃቦንካ እንጰደንካ ካንታን ጋዛንሳ ማኃተምንካ አሽካጰድና 14 ክጎሽይንናተ ጎሽክኖ ክናተ ኮዴ ከደንካም ባሪያ ጋንት ወይናም ኮሳ ኬራፓጵዘራ ክንካ (ክናተ) ወድማ እማያ ኮይስማትማቴ (ክናተ ዋድማቴ) 15 ታሀ ገጰ የሱስካ የይን ምስኮንካ፤ ፓይለ ኤና ጋዘናናተ (ባሪያም ምስካይናናተ) የስ ደኖ ናሽማንካ ዋደን እስራደንካ ካሪስንተ፤ 16 ምስኮንካ ቃብቴ እደምንቤ የናተ ሐማንቴ እጎሻይንም አንታ ዋልማሞ (ቱማሞ)፡፡ 17 ጎሽንሳ እምባታ ደሀ ገጰ የሱስ ክርስቶስ ገጰ ገጰካ የጵስካናተና፤ ዘለምቤ፤ ሀፍንታቤምቤካ ኣንታንም እጰካናተ ታክንስ ቆልማ ምስካና እምስካይ፡፡ 18 ኮደንካም ክንካ ግስጰደሀና ቃቦንካ ይሀና ኦጎኖካሞ ኤና ጋዘናባራ ይሀም ጎብንታንቤ ወንጌልንካ ጵቆንም ሐሞንታ ኮንም የጵስካናተ ወይለም የሳሳ ቃቦም (አፎም) ኮሮጵካናተ 19 ውት ምስካይናናተ ፓይላ ጰባራ ካንታ ገጰቴ ደሀም ካንታሰም የጵስካናተ ምስካና እምስካይ፡፡ ካንታ አጋካም ክማያ ማታንተ ወድማ ዋች ዋድማ፡፡ 20 ይጰንባራን ክጰሳይን ክርስቶስ ፎሳሮጎካሞ ምዛቅባራንካ ክወይየንካም ሐፍታና ደጰደው፡፡ 21 ዶቃዶናካሞ ገጰሞሮካቤ፣ ብታምሮካቤ፣ ካንታምሮካቤ፣ ብታሞካቤ ኮደንካሞ ታሀ ቦንን ታንጋንካው ሰጎትማሞ ቦንን ናአካሞ ኮደንካሞ ወደናተን ደንዳ ይጰን ፍለንም ፓይላ ጰካራካና፡፡ 22 ውልም ፓይላ ባሪያ ሪሳ ቹባራ ወድድና ባሪዮን ኦኖሮቤ ፓይለ የሮውሊ ግዶር ይም ጰባራ ሀያንተ ገጰስድና፡፡ 23 ኦኖካሞ ፓይለ ውሊሳ ራቅር ጦጣያ ክሳ ብሽንካ ጰስግሞተን ዶኖ ብሺ ክስና፡፡