ኡኩንሳ 2

1 የቤ በሎደቅያ ግደር ደናቤናንቴ ሐያንቴ የሣ ብሽምካም ደያፋና ካም የም ደጴስሞንታካ ካለካም ጋርማም ፋይለ ውሊካም ሐምንታቴ ኪምዴስቴኬደ አጋታካ የጴሴካናንቴ ዘጋና እዘጋዱ 2 ሐያንቴካም ወይለም ኬሣ ከሌሜካናንቴቤ ናሽማካ ኬም ዬዴካናንቴ ለደን ደያካም ኤሳራናንቴ ጌጵንታ ሐፋንቴ ባርያሣ ምስጥርቴ ደምካም ኢየስስ ክርስቶስም ኬጴሴካናንቴ አሽገና እአሽካይ 3 ካያደን ሐማምንቤ ኡቀትንቤም ዎድማምንቤም ፋይለ ሐፋጰደይኖ ኪንካ ሐማንቴና፡፡ 4 ሐውካም ሐሣዎናም ዳፂንሣንቴ ኪያ ሣውናካም የምታደሣና እናምካም የናንቴ ጌያና እጌያይ፡፡ 5 ሐውካም የካለንካ ፌግንጰንቴ ይደናካም መንፈስን ይሣካ የለማ ኪንካና ኪደይ ፃሊንካ ኬዳም ካም ኢየሱስለማ ኪንካ ኬደም እምናትን ኬሣካም ሐፋቴ እደና እናንቴ ባሽና፡፡ 6 ሐያንቴካም ጌጰ ኢየሱስ ክርስቶስም የቻዳግያ አገዛራ ኪለማኪንካ ደማቴ፡፡ 7 ኪንካ ሐማንቴ ዎያንቴ ዎቻጳንቴ የታማሪዳግያ እምነት የሣካ ዎቻጰንቴ ኪዛራ ማታንቴ ጎሽን እሚቴ ደሀማቴ፡፡ 8 ኢየሱስ ክርስቶስ ሳራ ትማም ኤናሣ ዎድማ ሐያንቴ ፌንኮሮ ደጰደን ደንብንዛራ ሼደንቴ ፋሊስፋናና አፎ ጉሮ ሐውንካም የደቴ ያአን ኬገሬ ፀሊዎዶማቴ፡፡ 9 መለከትንካ ያፃኖ ፋይለ ውሊካም ደሣብሽካ ኪንካና ኬደደ፡፡ 10 ይት የሽንደኖካ ጌጰምኖ ውሊካም የንትቴ ደኖካም ኢየሱስ ክርስቶስካ ሐማንቴይት ካለማትድና፡፡ 11 ኪንካ ደንቴ አንካ አሽካጲማ የርካም ታካጰንቴ ካም ክርስቶስካ የታካጰደኖ ብሽን የሣሣ ሴሦንሣ ዴንታንካም ይት ቡሊስድው 12 ጥምቀትንካካም ኪለማ ኪንካ ዱካጰንቴ ኪም ካም ዴንጵንባራካ ጰሣደ ባርያሣ ካታናም አምናንቴ ኪለማ ኪንካካም ሐያንቴ የጰጰደ፡፡ 13 ይትካም እም ጩቅድና ብሽን የሣ ሴሶን ጋይንካ አጎካ የሽጰድሞንታካ ጀደናካም የሐፋማ ባርያቤ ክርስቶስቤ ለማ ኪንካ ለይ ኬዴካናንቴ ሐያንቴ ሴሦን የሣካም ፋፋላምካም ከሸጴዎማደ፡፡ 14 ዋጭምቴቤ ቤርንስቴ ዳና ባዛን ፃፋይና ኬዴሣደ መስቀሊንካዘራካም ኬም ሐያንቴ ዶደሮካም ኬም ቡሊድና፡፡ 15 አሌቃናቤ ብትናቤሣ ማርግንካም ቻንቴካም መስቀሊንሣ ዎዘኖና ሐማንቴ ኬም ጎደሮጎ ሽርሽቴ ኬሼደጴካናንቴ ከሐያደ፡፡ 16 ሐያንቴካም የእሣይሮካም የውጫይሮካም አረፋ ባአሊን ገንታሮካም ማባቻ ሐንደንቤ ሰንበትንቤም አኪብራናንቴ ኤድ ካለዛራካም ብቶን ታካጲማም፡፡ 17 ኪና ታሀ ናአንቴንዳና የራካም ሹፎና ኬሄብሽኖ ኬዳካም ፉር ክርስቶስገንትና፡፡ 18 ዴንታ ካሎን ፃሊቤ ኤርጎን ኤናሣ ምስኮን ናሽደና ኤድ ሐውካም ይደናካም ኬም ዎደሣን ኬጋሬ የም ማንኪማቴ ይንታ ሐማያ ኤድ እያፈደንታካ ራእኖካም ካሎን ሣግ ኪም ከታከደንታካ ሜቴ ብሽንጋይንካ ቃበ ሱን ሐማካ ያፃንቴና ኪደ ሐማንቴና ትንቢትኖ ከጌያይ፡፡ 19 ኤያ አጋ ብሽኖ ኬሣ ፋይለ ዛያንቤ ሙራናቤካ ኡሮን ደምቴ ደኣኖንካም ችቴ ባሪያሣ ኪናንቴ እማጳደን ጌጵንታናም ይንካይጌጰንናም ይግያንደ ለማካም ኪንካ ኬራ ኪሣ ቆሊማም፡፡ 20 ፌንኮሣ ዴንታቴ ደሀ ኢየሱስ ክርስቶስለማ ኪነክካ የደደና ታሀ ሐርናንቴቴ አጎንታ ሐምን ፌንሣ ኤና ደንብንሣ ቾባራ ሐርናንቴ ኬዴ፡፡ 21 ሐየድናኖ ሐቃምስናኖ ሐለስናኖ አጎንታ ሐይማይኖ ዴንታኖ ደይድና 22 እግና ፋይለ ኤድናሦሣ ትዛዝቤ ታማርዘራቤ ሐያንቴ ኬደንታካ ጎንጴዛራ ሐያንንቴ ካም ካይድና ዎካለንካ፡፡ 23 የራ ኪናምካም ይማለ ዶሣ ብሽዛራ ሱንን ቡሊጰይና ምስከና ስሜትቤ ዴንታ ካሎን ደጰያ ብሽ ይሣም ሴሣናንቴ ሐማንቴ ጎንጴ ሐማምንካ ደናምና ኬታካዶ የር ካለፋር ብሽንከሣ ዴንታን ዛሪቦናም ማንካናንቴ የሣ ካለካም ዎጋ ቆሊማም፡፡