ኡኩንሳ 1

1 ባሪያሣ ደቃድካ ኢየሱስ ክርስቶስሳ ዎድማና ኤያ ጳውሎስ ባራንካ እነደናሣ ጢሞንቶስናንቴ፡፡ 2 ውልሰይ ግደር ደና ኢየሱስ ክርስቶስንና ጫራንግናቤ ገዛናቤናንቴ ሐርያናኬሣ ባርያ ዎንባሣ ፅገቤ ፃሊንቤ የናንቴ ከዴና ኬሐማደ፡፡ 3 የናንቴ ሮሮውሊ ዎፃልየያ ዎዳስካ ጌጰ ዎሣ ኢየሱስ ክርስቶስሣ እንባ ባርያም ሮሮውሊ ጎሽቴና ዎደ፡፡ 4 አጋታካ ኢየሱስ ክርስቶስለማ የደንታካ እምናትን የሣቤ ጫራንግና ፋይለ ውሊ የደንም ናሽማን የሣም ውት ኤሣርድና፡፡ 5 ኦጎኖካም ይንታ ኮደኖካም ጳሀ ፎለሮጎ የናንቴ አሽከጰኋ ደንዛራ ቃም የቁንፃካናንቴ ሐማንቴና አጋታካ ወንጌሊን ዘራቃም ቁንፃንቴ ቃሊን ጎንጴናም ብርካ ይት ኤሣርድው፡፡ 6 ኦጎኖካም የዛራ የስኪድው ወንጌሊን ኦጎምካም የኤሣራደ ባካካቤ ባርያሣ ፀጋናም ጎንጴካ ፃሊ የኤሣርደና የራካ ካርሣንቴ ፌን ከሮ ፋይለ አሽኪቴ ከደን ፋይላ የንካሀ ሐማንቴካም ኤድ ሐሊ ሐፋቴ ጌጵቴና ከደ፡፡ 7 አጎምካም ዎናንቴ ሐማንቴ ኢየሱስ ክርስቶስሣ ዎድማን ኤያ ገዛስ ሐንጰያ ዎለማ ኪንካ ሀያንቴ ዎድማሮ ቶዛጰደ ናሽጰያ ኤጰፋራ የም ታማርስድው፡፡ 8 ሐያንቴ ካም ባረርያሣ ካንታንካ የደንታካ ናሽማንሣ የርም፡፡ 9 ኪናካ ሐማንቴ ውትካም እግናም ዎኤሣራዳ ሮራካ ካርሣንቴ ባርሳ ናሽጵደም ኡቃትንካሞ ካንታንከቤ ሐማምንቤካ ሐማንቴ የም ፋይለውሊም ኪኬለ ሼካናንቴ ሐማንቴ ፃሊዶቴቤ ምስኪቴቤ ውት ሐዩ ካለካም ጋርማም፡፡ 10 ዎፃሊያዶኖካም ዴጰናንቴ ከአርዴካናንቴ ሐማንቴቤ ደንካ የዴካናንቴ ሐማንቴ ፋይለ የርውሊካ የዎዝንጰካ ናንቴ ሐማንቴና ዎድማን ባሽንኮም ውሊ ጌጵሳንቴ ባርያም ዴሣንቴ ኪለማ ኪንካ የጌጴካናንቴ ሐማንቴና፡፡ 11 ቃቦ ጌድቤ የር ደንሽቤ የለማ ኮዴካናንቴ ሐማንቴ ኪሳ ኪብርንካ ሐማንቴ ካንታን ኪሣካ ፋይላ ውሊ ፋካሊጳንቴቤ ዎዝጳንቴ የዴካናንቴና፡፡ 12 ጫራግናሣ ዎድማንካ ሐማንቴ ፃሊን ሐፋናንቴ ዎዴ ጌጰም ዎሼካናንቴና፡፡ 13 ኖካም ዎም የዛርቦንባራካና ኪጰአሽ ደናሽያ ናሳ አኖንዛራካም ዎም ኪሣካደ፡፡ 14 ኪምካም ማአስንኪሣ ሐማንቴ ውት ኪም ሐፋድና ሴሦን አጎምካም ዎሣ ከሼጴ ሐምድና፡፡ 15 ኖካም ሐፋንጲማ ባርዩ ሐማንቴና ዎደጰደ ፌሮጎ ወደጰና ሐንጰደንሣ ብራስና ኖሆ፡፡ 16 የርውሊ ኪንካ ሐማንቴ አሽካጲና ፌንቤ ፎለሮቤ ደሀና ሐሚቴን ጌይጰደና ሐፋጰንቴቤ ሐፋንዲና ፎራሮጎ ኬደና ወይካም ካንታናካም ሽናንቴ እደና ወይካም ጌጵናካም የርውሊም ኪቤ ኪናንቴቤናንቴ አሽካጲና፡፡ 17 ኖካም ውሊሣ በራሮና ኪደ የርውሊካም ኪንካ ሐማንቴ ዎቻጰንቴ ኪሚ የደንቴ ኬደኖ ኪናንቴና፡፡ 18 ኪሣ ብሽንሣ ባካላቴ ደኖ ባርዩን ኦኖኖ ሦጎና የርውሊግደርካም ኪሣ ጌጳም ከደንካ ሐማንቴ ኖካም ጀይናሣ ባኪሮጎ ብራስና ኬደይ፡፡ 19 ባርያሣ ፃፂንቶኖ ውሊኮሣ ፋይለ ኪንካ ሐማንቴ ኮደንታካ ዎም ናሽድና፡፡ 20 መስቀሊን ዛራካም ደንቅማደኖ ማአስኖካም ፃሊን አሽካናንቴ ፎለሮጎካም ከዴ ፌየካም ኮደናካም የርውሊ ፋይለ ኪባራን ኪለማ ኪሚ ኪቃሽደ፡፡ 21 ቃቦን ኬሣ ዛርቦንካ ሐማንቴ ብራንቴ ባርያለሚ ኪም ለለንቴ ደናካም ጋለካም ደይድና፡፡ 22 ታካም ቃስንቤ አፎን ዘርቦን ጴላቅምና ገዛና ኤና አሽካንቴ ኪሳ ዎትዛራ ኬባአና ኢየሱስ ክርስቶስሣ ጀጰደንባራካ ይት ኬም ዎሽድና፡፡ 23 እግናካሞ ደንታ ኬደዶኖ ምስኮን የሳዘራ ፃሊዎያንቴ ቃያንቴ የደንታከ የኤሣርደና ወጌሊናካም ዘርቦንዛራ ቃም ቁንፃን ገራንቴ ዎቻጰንቴ የደና ፃሊና ከደዶ ይት የኤሣርደናቤ ፎለንሳ ቾባራን ደና ባርያሣ ዎደጰደና ናንቴ ኬናንቴ ጌይጰደኖ ወንጌልና ኪናኬና እንታካም ጳውሎስካም ወንጌሊን ከሣ ዋድማ ኤድ ዎማታደ፡፡ 24 የናንቴ ሐማንቴ ኬቻደኖ ጋሎኖ ታካም እናንቴ ፃሊና ክርስቶስካም ብሽን ደሣናንቴ ሐማንቴ ባርዩን አኖን ናቴካም ኪያፋደኖ ጋሎኖ ጀንደናካም ደሣ ብሽካ ኪያሣደ፡፡ 25 ባርያሣ ቃሊናም ፋኪ ሐማንቴ የናንቴ እጌየካናንቴ ባርያሣ እናንቴ አንጰደን አዳራንካ ባርያ ኦኖንሣ ዋድማ ኤድ እንታ ማትድና፡፡ 26 ቃሊና ኪናካም አና ኤና ብራንቴ አጰጰናካለ ካያንቴ ምስጥር ማታንቴ ካፋድና ታሀ ሐያንቴ ኤና ጫራንግናናንቴ ጳውጲድና፡፡ 27 ኬናንቴካም ባርያ ምስጥር ከሣ ኪብሮንሣ ፃለምኖ ከኖ ኤና ባርዩን ጎደን ጫግምና ካለሓስ ኮዴ ኬናንቴ ጳውሣናንቴካም ውት ኬም ካምድና ኬካም ዶጌደና ክርን ኮም ደንዛራ ቃምን የቁንፃያ የሣ እሮጎ ደሀ ኢየሱስ ክርስቶስ ሦጎና፡፡ 28 ውትካም ኤድም ክርስቶስግያ ሐያንቴ ዎናአዶን ኤድም ውሊም ሐማምዎሣካ ፋይል ኪሊቴቤ ታማርስቴቤ ውትካም ኪም ዎኪላደ፡፡ 29 እንታካም ፋካሊጰንቴ እሣ ቃቦካ እአሽካደና ካንታን ኪኖንካ ፋይለውሊ ማሽማንቴ አለማስ ካናንቴ አሽካና እአሽካደ፡፡