1 1. ይያማይንካሞ ፔንሳ ቱንሳንዛራ የሪጋሎ ኮናአየንም አግም ጰሲማቴ፣ 2 2. ኤና የምይጰሪ የናሽያናኬዳይ ኮይሶን ናሽይናና ኬዳይ ፓሐሪኤድና ፎሪና አሪማይና እንባናናቴ ኤሳሪምና ጐሽንአሚና ገዛንዳድምና፣ 3 3. ናሽማን ቆልምና ቃሽንምዘግምና ቆጴሞንኤና የምሮቷቴ ሸድምና ኩንታጰምና የሪንደልን ናሽምና፣ 4 4. ዛሪማን ኤና ግቦን ኤና ሶንጐሮ ፎራምካ ክንጳዳና ባሪያም ጊራንቴ ጉባምንዘጋይ ናና ኬዳይ፡፡ 5 5. ገሪቶን ኤላቅን ጨጋይናምና ኬታካይ ካንታንም ፉሪ ጋሪድና፡፡ እግናካለንካ ፎግጲንማቴ፡፡ 6 6. ኬካፎ የሳኦኖሮ ሉኩሲሐቴ ኬኬድካ ሴሶንሳ ጶፄሞን ክምባሲክሳጰዶኖ ባታላይ ዛሪቦን ቃቦን እሮጐ አሪዳንቴ ኮታ ኮታ ሐማይን ካንታንቃጃና ሜናካ ዋያይናና፡፡ 7 7. ይጋታ ዳናም ሜናም የይውል ተማራናኬትማራይ ኮዶንካሞ ጐንጴንም ጰሳንዛራ ካለካሞ የስካናቴ ይማሞ፡፡ 8 8. ኢያኔስቤ ኤያንበሬስ ሙሴም ይንተና ኬጋራዶ ክናካም ሜቶንሳ ካያደምቤ እምናተም ጰገዳና ኤና ሐያንቴ ጐንጰንም ናሽማሞ፡፡ 9 9. ይያማይንካሞ የናቴደማሞ ጰይንሳካ ኤናእግና ዴንጴሞ ይንታ ሐፎንጰዳና ፓይላ ክናናቴ ካፎ ፓይላናቴ ማይማትድና፡፡ 10 10. ያካሞ ታማሪንሳ የእንቶ ቃቦንም ጨግንቶቤ ደንሼቤ ናሽማቤ ዋንቻቤ ፓይላ ጰሳናሐጰይ፡፡ 11 11. ኦይታጰቤ ጋቤ አንዶኪየቤ አቆንዮንቤ በልሰዎናንሳ የሲካዶንም ፓይላ ዶንሻዳናም ኮይታንም ጰሳናሐይሳይ ባሪያ ካሞ ኦጐካለንካፓይላ ጰአሸድና፡፡ 12 12. ጐንጰንባ ካሞ ክርስቶስ ኢየሱስም ጐንጰባ ናሽያ ባሪዬንጉያም ጨጋያ ሴዳንካ ዳናቴ ናሸያ ፓይላ ኦይታና አይታጰይ፡፡ 13 13. ዛሪቦ ናቤ ታይሳይናቤ ይያማይን ሴስቴቤ የሴሳንቤ ጋሮንዘራጋሮ ሸባዳቴና ኬያአይ፡፡ 14 14. ያካሞ ይያማይን ሐክላጴዳቤ ሐኤሳራደቤካ ዋቼጰማ ኮም ሐውካላ ሐኤሳራዶን ያጰሲድና፡፡ 15 15. ናሶዳንቴ ካሪሳንቴ ካሞ ክርስቶስ ኢየሱስ አምናቴ ጰቆንጐም ሐፍጰያ ሐማሞ እማይና ገዛይ ኡካን ጰሲዱውያ፡፡ 16 16. ገዛናሳ እኩኖ ፓይላ ባሪያሳ ኦሴንካዳናና ታማሪሳናቴቤ ጐራናቴ ልክሐያናቴ ዋቾሸንቴ ጐይን ክላናቴ ባሸና፡፡ 17 17. ኮጐኖካሞ ባሪያሳ ኤድ ዋድማናቴ ጸል ፓይላ ዋቼዳንቴ ኬሐፍጰካና፡፡