1 1. ባሪያሳ ዎትሮ ደንቴካሞ ላይ ዳያቤ ዴንጴንሳ ቢቶንታካ ናቴዳሐ ክርስቶስ ኢየሱስሳ ዎትሮ ሐፎንጰናቴቤ ባሪያ ኦኖ ቃባ አጋም ባንተና እያማይ፡፡ 2 2. አላቅንም ገይማ ሮሮኖ ከአድሞናካሞ ኮአጋድናካሞ ሽክምደማ ጌጴዶንሸማ ታማሪንጐንካ ልክሐይማ ጐሪማ ኬዎቼጰ፡፡ 3 3. ጰይንሶካሞ ኤና ግንጴንባንምዶን ክልማንም ኬኤሳሪሞኖ ሮሮኖና አናኮናአይ ኦጐም ጋራንቴ የሳቃቦንናቴ ባሽንምና ኬኤሳራይ ቃሞኖ ኮፍሻየምና ገይጰካናቴና ቡዶባራኬሳ ፓሊ ተማሪሳይና ፎጫናኬፎጫይ፡፡ 4 4. ጐንጰንባን ኤሳራንም ጋራንቴ ቃሞንም ይሳ ፎፎንዛራ ማሲድና፡፡ 5 5. ያ ካምይን ዴንተንካ ፓይላካ ሌምግያዳማ ጋሎንም ደንሻማ ወንጌልን ጊያማ ፃልንካ ቱንሲማ ዋድማንም ባሸንካቱንሲማ፡፡ 6 6. እንተ ይንታ የሪውጪ ጰያግየ እምእጰሪ አክድግያ ማአሲን ይንቅሳዳግየ እንጲድና ዋናደንቴ እያአይና ሮሮኖ የሲከድና፡፡ 7 7. ፆልን ዴንጴን ጃይድና ጐባንም ቱንሲድና እንታ ባሪዬንጉይን ጭግድና እንተ፡፡ 8 8. ካሲ ቢራንዛራ ገዛኖ አክሊል እናንቴ ዎድጰድና ኦጐዳካም ገዛናቴ ቢቶታካያ ጌጴ አጋ ሮራጋላ እናንቴ እማናክእማይ ሐያንቶካሞ እናንቴ ሶጐትማሞ ክሳሐፎንጰይን ዚጋይናናቴ ፍይላና፡፡ 9 9. ይሪካ እዛራ ናአናቴ ሐንካየካ ፓይላም አሸከማ፡፡ 10 10. ዴማስ ኦጐም ገላፍንፔንዘራ ጋራንቴ ተሰሎንቄዛራ የእድና፡፡ ቀሪ ቂሳዛራ ገላትያቤ ቲቶዛራ ያእድና፡፡ 11 11. እለማ ክንካ ደህ ሉቃስ ሶጐና፡፡ ማሪቆስ ዋድማንካ እምክኬ ልሽንታካ ሐለማክንካ እንሳቴንማ፡፡ 12 12. ቲኪሰዛራ ኤፎሶንዛራ ይእሰድና፡፡ 13 13. ሐንና ጢሮአዳ አከራጳሳጋሪጰዳም ባርኖሳ ቱፎም መጽሐፍቱንም ጌጴካም ሮጲማንቴቤ መጻሕፍተንሳም አችማቴ፡፡ 14 14. ኤና ጠምና ዘውንፎካ ይና እጋዘራ ካርሳንቴ ጶጸና ዎዛራ የሪዛሪቦ ዎዛራ ጌጴ ይያማይን አንንም አማናኬእማይ፡፡ 15 15. አፎዎባም ጐንጴ ገሪድና ያካሞ ክባራንካ ፎግጰማ፡፡ 16 16. የንካቤሪንሳጰዳ አለቃ ካሪሲንሳ የሪንማራየ እባአና ሐውካኖ ድፆታ ገማሞ ይያማይን ካሞ ፓይላ ጋራንቴ የእድና ኦጐንካሞ እማሞ፡፡ 17 17. ይየማይንካሞ አፎን እንካሐንቴ ባሲንም የንታኮገያካናን ቴቤ ባሪያምጰሞኖ ፓይላ ኬአሳሬካ ጌጴ እሳዴሞሮጐዎያንቴ ዋቼሽንቴ ዞቦናሳ ግግሪንባራ ጰአሸድና፡፡ 18 18. ጌጴ የሪንዛሪቦንባራ ፓይላባራ ጰአሽናክጳሻይ ባሪዬን ኦኖንፎለንዛራ ጸልንካ የሲካሳና ክየክሳይ ክናቴ ካፎ ኮሳቱንሲዛራ ብሻኖ ክናቴ ኮደኸ አሜን፡፡ 19 19. ጵሪስቅላቤ አቂላ ሄኔሲፎፍሳ ሞሮን ኤናናቴ ዎፎ ችማቴ፡፡ 20 20. ኤርስጦስ ቆሮንቶስ ግዶሪ ሸጲድና ዎሮፋሞስ ካሞ ክሐጀጰ ደንናቴ ሚሊቢን ግዶሪ ጋሪድናእነታ፡፡ 21 21. ባሪያንዋ ደንሳ ቡራሮ ከታና አናቴ ቻለደም ሐይማ፡፡ ኤውግሎቤ ጵዴስ ይንተካሞ ሊኖስ ቅላውዲየቤ እናናናቴ ፓይላ ዎፎ እምድና፡፡ 22 22. ጌጴሳ ኡሳደ ይላማክንካኮዳ ናሽማኖ የለማ ክንካኮዳ፡፡