1 1. ኦጐንታ ኮዶን ኤና ፓጋሞን አፖን ጌያየና ዛርስንካ ባክሮ ክዳግያ ጥርካሞ ዬግዶር ፓርሞን ኤና ጻጻና ኬጳጳይ፣ ኬሀሞ ባሪያ ኬም ጳአሻዳም ግራንቴ ዬር ካይሶ ባኣያ ሴሶ አፓና ላክ ኬአርሳይ ኦጐሀሞ ዩዛራ ካይኮ ኬንሺ ቆልማ ባአናኬባአይ፣ 2 2. ኤድኖ ጴጥኖ ኮሳ ዴንታና ዛርቦና ዩካምና ከሚጋይ ኬንካ ሀማንቴ ባሪያሳ ጐንጴን ጐይንና ኬሴካሳይ፡፡ 3 3. እግና ኤና ፓጋሞ አፓን ጌያይና ብሬን ናንቴ ሀማንቴ ፓጋሞን ጴላቅንካ ዩባ ዬም ቡራናኬቡራይ፡፡ ኬም ጳበሻጳይኖ አናህ ካርሳንቴ ማይና ኮድ ባሪያ ኬናንቴ ማይህና ኮዶ ኬሳ ካይንቶኖሀም ፔጌ ትማሞ፡፡ 4 4. ኤርጐን ኤና ሴሶን ሴሳዳናም ባሪያ ኬናንቴ ቀብማ ኖሮ ኬም ጳላንቴ ራቅን ሪፖን ኦሎሮ ኬም ጰብሻንቴ ክያዳዳና፡፡ 5 5. አፓን ፃልን ጌያያም ኖንም ኤና ዋኒ ፅጳናማላ ጰአሽንቴ ፔን ብራን ናንቴ ኤና ሴሶን ኤና ዛራ ካይሶን ኑንቆን ክባአዳና፡፡ 6 6. ጥርካሞ ኤና ሴሶን አሽካይና ናንቴ ውለ ጐይህ ኮማቴሀ ኤና ሰዶም ኤናቤ ኤና ገሞራ ኤናቤም ድብኒ ግያ ኬም ኖሀ ኮቃቴ ክካይሳዳና፡፡ 7 7. ኤያ ጋዛስ ማታደቤ ኤና ሴሶን ጋሮን አሽካይናስ ሴሶን ሼድቴ ጋልቴ ዳደም ሎጥም ክጳአሸዳና፡፡ 8 8. ኤያ ጋዛስ አጋ ኬሳ በክሮ ዩዶን ዬሪን ዩያፓይን ኦጐቤ ዩሼዳይን ኦጐሀ ዩጋላይንካሞ፣ 9 9. ባሪያ ኪም ጐንጴሀ ምሥክቴ ዳይና ኤናም ጋሎን ባራሀ ሀስ ክጳሻይንቤ ኤና ሴሶን ኤናም ዴስቴ ቤሬ ኖን ዛራ ጳባጳያ ሮራ ናንቴ ሀሞንቴ ክዳሰይንም ኖ ጴስድና፡፡ 10 10. ጌጵካ ኤና ቃቦን ስዮንካ ዩሳ ዋን ቃቦን ጫጋይናቤ ጌጳሞን ቶዛጰይናም ጳቢ ሀያንቴ ዳሳናክዳሳይ፡፡ ኤና እግና ቦክጰን ቆልምና ሾይና ኬዶነታሀ ኤርጐን ኤና ፓላሮንዳናም እሪቴኬም ጐብማሞ፡ 11 11. ኦጐንታ ኮዶን ባሪያስ ኤርጐን ኤና ኬሳ ጳባራ ኬዶን ኬራላንካ ዎቺ ዳንቴ ኬባሪያስ ዎትሮ ዳንቴ ኬዛራ ኤሪም አፓ ጌይማሞ፡፡ 12 12. ኤና ክና ዬርን ዬጴስ ሞሮ አርድቴና ኬእሪማይ ኬሀሞ ዳብና ዴሶን ናንቴ ዎዳጳናግያ ዩሳ ሜቴነ ቃቦንካ ሶጐ ሱን ያአይና ዎይላምን ቆልምና ዳብና ባያና ኬደ፣ ኬሳ ካይንቶኖሀሞ ዳቢ ግያ፡፡ 13 13. ዩሳ ሴስን ናንቴ ሴሶን ባዛን ዩሳ ቻናኬቻይ፣ ትፓሮ ዩኦርድና ዋዛግያና ኬፓይዳይ፣ ግስሞን ራቅሮ ዬላማ ሴሶን ዩስሀ ዳንቴ ዋርሳንንና ኬጳሳይ፡፡ 14 14. አኘን ዩሳሀ ሴሶን ዛጋይና ኬዶንታሀ ሴሶን አሽካን ጋርማሞ ኤና ዋቻጵምናምና ኬጳብሳይ፣ ዬር ዛርቦ ቃባያ ዋይላም ኬሳ ዳለድና አሽምናና ኬ፤ 15 15. ጐይን ፃልን ጋራንቴ ኬ ዋድማ ዛርቦንካብሬን ናሻዳ ቢኦር ናሳ በለዓም ጐይን ጫጋንቴ ጳብምድና፡፡ 16 16. ኮዶን ኖ ክሳ ሴሶን ናንቴ ክዛራ ዋጭጵድና፣ አፓን ኤድግየ ጴስሞን ኡኩሲ ኤድ አፓሀ ክሳ ሴሶም ጌይድና፡፡ 17 17. ኤና እግና ባይና ኤቃዳናቤ ግባሮንካ ያያይና ሉጥናና፣ ኬም ዬስካይኖሀሞ ዬር ፅፓና፣ 18 18. ኤና ፓጋሞን አፖን ሱን ጴላቃይናባራ ጳቅቴ ናአዳናም ቃቦን ዩሳ ሲዮንካ ኬም ክላቴና ኬታይሳይ፡፡ 19 19. ኬ ሴሶን ኤና ዳንቴ ኤና ዋኒ ግያ ሴሶን ባራ ኡታና ዩኡታይ ሀማንቴና ኬጌያይ ኬናንቴ፣ ኤድ ዬራ ዩንዛራ ዩማታደስ ቾባራና ክዳይ፡፡ 20 20. ባሪያ ዎሳምቤ ዎም ጳአሻያ የሱስ ክርስቶስም ጴሳንቴ ዬርን ዛርቦን ባራ ጳቃንቴ ናንሲ ጥር ጳብማንቴ ራስ ባራ ኬማትና ዬራ አና ብራስ ናንቴ ካርናስ ካሎን ዛርቦና ክማታይ ኬናንቴ፡፡ 21 21. ጐይን ጋዛን ጴሳንቴ ናንሲ ባሪዮን አፓን ኬንቴ እ ጳዶንባራ ማታይና ኤና አናብራንቴ ጐያ ጋዘስም ጴከማ ኬዳና ኬናንቴ ፃሊና ካዳይ፡፡ 22 22. ቃስኪ ፃይንታ ብራንቴ ዩፃዳምና ኝርማሳንቴ ክጳጳይ ጥር ጉትሚ ሻይጰና ማታቶ ሲሮሮና ክውንክራይ ሀማያ ጳይንሳ ኬዛራ ጐንጴና ክማታይ፡፡