1 1. ኢየሱስ ክርስቶስሳ የእሳጰዳ ዋድማን ኤያ ስምዖን ጴጥሮስ ወሳ ግጴ ጰቆንጐን ኢየሱስ ክርስቶስሳ ገዛኖን ወቸዳጊያ ሐሞን ጉሽን ኤና ቼዳናናቴ፡፡ 2 2. ባሪያበ ጌጴ ዎሳ ኢየሱስ ማላ ክንካ ደሀንቤ ናሽማንቤ ክሳ ፆልሞያቤ ያለማናድ፡፡ 3 3. የሳጐሽንቤ ጸላምንቤ ግሲምድና ክም ጰሲንታ ሳዳንናቴ ጐንጰንባ ካንታንገዛንናቴ ዘግሳያ ፓይላ ገሪያሳ ካንታንም ዋቼን እንጴድና፡፡ 4 4. ቃቦ ዘሪቦ ኮዶንታካ ጋላፋሮ ካሞ ዳና ዴንታ ሳዳዛራበባራካ ጰቀንቴ ካንታን ዋቼንዛራ ገሽንሳ ክንካ ዳናቴ የዴካናቴ ክና ኤላቅናካ ሐፈንካሪሳጰዳም ጐንጰ ጌጴቤ ጉሽን ዳናም ቀሞ ቁንጸ እንጰዳና፡፡ 5 5. ጉያአጋካ ፓይላ ዋቼንጰ ጰሲንጰንካዘራ ጸላሞን ሸባናቴ ዋቼንጰማ ባሽንምዳናቴ ቃበዎቼን፣ 6 6. ቃበዎቼንዛራ የምፎንካ የምንካዘራ ለምንታን ሌምንታዘራ ጉንጳባ ዛራ ካንትንዘና፡፡ 7 7. ኑንጰንባ ካንታኖ ባሪያሳዘራ እንዳናና ክምናንቴ ቃባ ክንዳናና ቃቦያ እንቴ ናድማ ኖኮፆይ፡፡ 8 8. ክና ዴንታና ምሪገናቴ ኬዳና ጌጴ ኢየሱስ ክርስቶስም ጰሳንታም ኘካላኘማምቤ ዋድማ ሳማ ደጰናቴ የምክግሽ፡፡ 9 9. ክና ዴንታና ቆልምና ይያማይን ፍጊንም ሐፍምና ወይካሞ አፍካያና ሴሶን ቢራንም ዋልድና፡፡ 10 10. ኮደንካሞ እዳናቴ ግሲንጰዳቤ ካመጰጻቤ ፍሽንታ ዎትሮናቴ ዋቼንጰማቴ ከያማይን ካሞ ክናም የሐይና ካለካሞ የትካይማሞ፡፡ 11 11. አጋካ ጌጴ ዎሳዘራቤ ጰቆንጉያዎሳዘራ ኢየሱስ ክርስቶስ ለይዴንታንዘራ ገሪያሳ አሪዳናቴ ፓሳያናቴ እንጰ፡፡ 12 12. ይያማይን ከላካሞ ክየማይ ክና የለካሞ የጰሳዳናቤ የምኤ ርጋሸዳና ጉንጰ የዎቼንጰዳና የራክናንቴ የም ጰይ ቃባናንቴ እንታ ቶዛጰማሞ፡፡ 13 13. ኮታፎንኮሮ ዱንካንሳ እሮጐ ወዳዘራ ካሪ ሳንቴ የም እንሳንቴ ያያ ልክና ክሽድማ፡፡ 14 14. ኮያማይን ካሞ ጌጴምዎሳሞ ኢየሱስ ክርስቶስ የንታማይ ክያፍንጵዶ ኮጳ ፍንጋይዳ ዳንታኖ የሪካ ገራንቴ እያአይንም እንታጰሲድና፡፡ 15 15. ካና የለም ዋሽጰዳናካሞ ላይ ዋቼንጰንቴ ቃባና እቃባይ፡፡ 16 16. ጌጴ ዋሳናቴ ኢየሱስ ክርስቶስ ካንታኖ ኮናአይን ገያዳ ታ ክሳ ዋቼሞን አፍን የሳካ ሐፍንቴም ፉሪ ኤናሳ አሽክዳን ኤሳራንቴቤ ጨጋንቴ ትማሞ፡፡ 17 17. ይያማየን ጌጴሞ ንሳ ጉሼኖ ክንካ ዋዚንጰሲ ሐንጰያ እናሼያናእሳ አጋና ሐማያ ናቅሴ ክናዳ ሮራገላ ባሪያበራካ አባሳ ጉሸኖቤ ጌጴሞንቤ ቻይድና፡፡ 18 18. ዎትካመ ክላማ ክንካ ገዛን ጊማሪንዛራ ደንቴ የራአጋካ ናቅሳ አጋ ፓላንባራ ናአይን እሳሪድና ዎት፡፡ 19 19. ታክዶንካሞ ገሪያሳ አፎ ኤላቅን ጉንጲ ጰሳጲድና ሶቶንካ ኮሳሶደዘራቤ ሰደማንሳ ኤዝና ዎይላምሮጐ ኮሳሮጴ ዘራ ጼፍንዛራቅሮጐ ኖኖ ካሮጴይን ማይካጰይን ግያ ይትካሞ የሪንኮናንቴ አላቅንናቴ የላአስምና ባሽና ሐያናይሐይ፡፡ 20 20. ፓይላካ ቢራንቴ ከም ጰሲንቴ ዛግሳና ኮዛግሳ ደፍሮጐካም ዩኖ ባሪያሳ አፎን ፓይላ ሐውካሞ ኤድ ጐይንትካ ወካላናቴ ትማሞ፡፡ 21 21. ኮሐማይንካሞ ባሪያሳ አፎን የእሳጰዳና ኤና ካንታን ገዛንካ ኮአንሳኮና ኬግያዶ ፉሪ ኤድሳ ቃቦካት ማሞ ኬናአዶ፡፡