1 1. አሪያና ቶ ሆይ ታ የናተ እጵናያ ካ አፎኖ እሳሳ ላንሳና፡፡ አፎና ለማናም እጵናይኖካሞ ወይላም የስካካሞ የጵሳስናተቤ ቃባናተካሞና፡፡ 2 2. ታካሞ ብራንተካሞ ገዛና ባሪያሳ አፎንም ጵላቃይናሻ ቃልና ገይጵይና ኮደንካሞ ሐዋሪያትና ጐይንካ ገጵ ጵአሸያ ባራንሳ እጵይና ትእዛዝና (ቃቦና) የቃቤካናተና፡፡ 3 3. በራንተ ፓይላውልሳ ብራኔ ክም ጵስማተ ኜንሳ ቱስካካሞ ይሳ ቃቦን ዞርቦን ጫጋይና ሴሶን ኤና ስሳይተ ናአና ካናአይ፡፡ 4 4. ከካሞ ናአና ዋናካይ ሀንተ ታ አንታ ክዴነ ወባና ከጆኮ ፍጀድናሳ ብራሪካ ካርሳንተ ቃካሞ ካዘራ የሪውሊ ፓይላ ይይዘራና ኮይና፣ ካያማይ፡፡ 5 5. ከይካሞ ኤና እግና አና ካሪሳንተ ፎላና ባሪያሳ ጵላቀካ ፍጆጵኮ ይደንም ኜኖካሞ ኑቆንሳ ግዶሮጐሴ ኑቆካቤና አሸካጵዳ ሀማንቴና ካዘርማይ፣ 6 6. አና ዋይን አጐካና ደኖ ኜኖካሞ ኑቆካ ከጫጵኮ ካይድና፡፡ 7 7. ቃለ አጋካ ፊሪካሞ ታሀ ደሃ ፎላናቤ ኜምኬ፣ ሴሶን ኤናሳ ናአዘራ ላይ ፍርድና ሮራዘራ ኬም ኖናተና ካላጵዶ፣ 8 8. እያሪናየናቶ ገጵ ጋንካሮሮ ካላ ቦን ሺህ ግየና፤ ቦን ሺህ ካላ ሮሮ ካላ ግያና ክደንም ተሀክም የሪ ካላም የዋልናኖ፡፡ 9 9. ኤና ዋንካሞ ይቀማደ ካታካየ ገጵ ጵላቃ አሽካናተ ይዶናተ ሌምማኖ (ዋልማሞ) ኮደንካሞ ኤድ ካለካሞ ካያን ክጋሬካናተ ዘጋቴ ፓይላ ውሊ ኬኮባሪንካ ካማተካናተ የናተ ቃብና ክቃባይ፡፡ 10 10. ሮሮኖ ገጵጋይኖ ኤድ ድበግያና ኮናከይ፤ ዋይሳ አጋካ (ሮራ ኦጋካ) ፎላናካሞ ናቅሶ ገጵካና ከሰጋይ ፎለሮን ይሀና ፉጀድናካሞ ሮካ ካያና ካካያይ፤ ኜሮጐሌ ኜንዘራን የራደሀና ፓይላ አታና ከአታይ፡፡ 11 11. ፓይላ የራውሊ ታ ጐይ ይንታ ሀማካ ኮካያያ ይሀና፤ ይት ታሀ ኤድ ሀሞንተ ሀማ የማታየ ኮታኬን ልክና ጋዘምካ እምነትካ (ጐሽካ) ባሪያሳ ካንተካ ይይንታና ኮዘስካይ፤ 12 12. ታካሞ ባሪያስ ሮሮን ካላ ካላ ኮሳ ናዕይቶን ሳንሳና ኮዘስካይ፡፡ ዋይን ኦጐካካሞ ፎላኖካሞ ኖካ ኮቃጵኮ ካያና ኮካያይ፤ ፎላሮን ደሀና ኤናቤ ይበናቤካሞ ኖ አይጵካ ኮቃና ኮቃጵይ፡፡ 13 13. ኮይን ውት ጋዘና ይንግደር ወደይን ፎላን ሀሊቤ ኜ ሀሊ ባሪያሳ ገይጵደ ጵላቃካ ሀማንቴ ካላና ወካለይ፡፡ 14 14. አጋ ታካ እያሪያናቶ ፓይላ የራ እግና ውሊመወካለን ታካ፤ የሪ ዘሪቦ አሽኪማ ሴሶ ቆልማ ካለማ ክንካ ጵለንካ ኬራናተ (አሪዶናተ) ዎቻጵማተ፡፡ 15 15. ገጵሳ ቃቦኖ ይትካሞ የጵቀካናተ ኮዶንካሞ ቃብማተ፤ ኮዶን የደን ናሳ ጳውሎስ እንጵይን ኀይንካ ቃቦንካ ሀማንተ አፉድር፡፡ 16 16. ኖካሞ የራ እግናሳ አፎም ፓይላ ደይጽና ምልክትሳ እሮጐ ቀልካ ካሞ የጵስካናተ የያ የራካሞ ዳድና መተንሳ ጀግና የሪን ጵስሚና አና ዋና ገዛን መጻሕፍትን ከስሳን ታካ ኮይን እግናካሞ ይሳ ሴሶናተና ኮቆሪሳይ፡፡ 17 17. ታ እያሪያናቶ ሆይ ኦንም በሪንተ የጵስይን ታካ፣ ካንታጵንተ የወያይን ኀይንካ ኤና ጀካማይና ሴሶንካንም ቀባንተ ይናን ጋራናተ ካንታጵማተ፡፡ 18 18. ኮይኘካሞ ገጵየስካቤ ጵአሸያቤካ የሱስ ክርስቶስ ጵስታቤ ቃቦበካ ገጵማተ ክናተ ታካሞ ለይ ጐሺህኖ ኮዴ አሜን፡፡