1 ገዛና ኬሐያይኖ ዋድማንም ኢጊዮካናቴ ዘግሲማሞ፡፡ 2 እጵፍንሲናካም ዋንካም ኬሊሽንናቴ ደሃም ቃቦ ባሺንም እንታ ጰሲድና አንጋ ቦኖ ከካሪሳንቴ የንካሐማንቴ ደናም ዋንካሞ ኬልሻናቴ ናሽንቴ ይደንታካ መቄዶንያ ኤናሳ አፎንም ጾንቴ ገይድና ቃባ ባሽም ኬሳ ዋንካሞ ዋድማን ባሺንም ጰሲድና፡፡ 3 ታኮካ ኤለቅ የዘራ ደንም ፖራሞኖ ጎሮ ኮሽጰካናቴ ቢረንቴ የናንቴ ይንታሐማንቴ እግያደ ሽካንቴ የናኤካናቴ እናናናም ይእሲድና እንታ፡፡ 4 ታኬደ መቄዶንያሳ ኤና እለማክንካ ናዴ የሽክማ ኬያፍና የት ሶጎትማሞ ዎም ካሁል ግያና የንካፍሪ ሐንቴ ዎሳፎራሞንም ቦክንጶ ማታናኮማታይ፡፡ 5 ናሲ እናናና ቢራንቴ የዘራ ኬናአዳግያ ዳሳቢራሮካሞ እማናቴ ይግያዳና የራም ሽካንቴ የካሌካናቴ ክምካሞ መሳንምካሞ ዘግሳያ ዳንቴ ሐፍድና ታሐካሞ እምንቶ ዎይለምካለካ እማናቴ የራየዘጋዳም ግድካትማሞ ሐጰሪናሽን ቴና የሽካና፡፡ 6 አጋም ጶቅሲማቴ ቀታ ጲያደ ቀታናክ ፍታይ ጶድ ጰያዳ ጰድና ክፍታይ፡፡ 7 ኤድ ፍይለካሞ እጋሬም አማንኮጋሬ ወይካሞ ግድካ ትማሞ ወይላምን ካይቀ ባደም ክእሜ ጰይንሰካም ባሪያ ዋዛንካ እማያ ኤያም ነሽናክንሸይ፡፡ 8 ሮሮውል ፓይለ የሪ ዘገያ ፓይለ ሐፍንቴ ባሻ ዋድማ ፓይለ ከፂጰካ ባሪያ ናሽማንም ፓይ ጾኦሳናቴ ደማናክዳማይ፡፡ 9 ኦጎም ካም ላላንቴ ኩፍ ናናቴ እማ ጋዛና ላይና ክደይ፡፡ ሐማንቴ ጻፍጰደና፡፡ 10 ጰንታንናቴ ጶንታን እሳናቴ ባለንሽንናቴ እማያ ኖ የጰያያ ምሪግሳንቴ እማና አንጰይ ገዛሞን የሳናቴ አፎኖ ፆጸና ኮፆጸይ፡፡ 11 ሮሮውል እምንቶቤ አማቤ የዳዳያካናቴ ፓለ የሪውልም የገጰካናቴ እምንቶናም ካዋ ዎንባራንካ የራ የሲካያ ኤና ባሪያም ጎሽናቴ ጴንሰናኮደይ፡፡ 12 ኮኖ የእማይኖ ዋድማ ኤና ባዛናሳ ጀግንም ያኦሳያ ሶጎትማሞ ጰፆጎሽ ባሪያናቴ እማጴኖና፡፡ 13 ክርስቶስሳ ወንገልን ቻንቴ የጎሽ ዳግያ ኬናናቴ ካ ዋናንቴካሞ የጰዋዳግያ እምንቶ ኤና ጋሎን ከዛጋድማካ ዋድማንም ባሪያ ጎሽነ ክጎሸይ 14 የናንቴ ካሞ እምሲክያ ሮራ ባሪያሳ እንጰ ናሽማንም ጌጶን ኦጎካ ፎሽካጰናእፎሸአጰይ፡፡ 15 አፎንካ ገያቴ ቱንሳጰ ባሪያሳ እጰደኖ ካሪያፃቴ ጎሽንካዊ፡፡