1 እናናናቶ ባሪያ መቄዶንያ ግዶሪ ዳና ኤና ባሪያም አምናዳናቴ ክእማዶኖ ነሽማኖ የጰሴካናቴ ዘጋናእዛጋይ፡፡ 2 የሲካደና ኬዛራ ጋሎኖ ጌጴ ክዳናካሞ ዎዛኖ ኬሳካም ጌጴና ኩፍም ኖኬሳ ጎነጰቤ ከዳና ካሞ አምንቶንካ ይያማን ባሽድና፡፡ 3 ይንታ የካለደን ሶጎ ትማሞ የካለቆልማ ካውልና ናሽንቴ ኬእማግያ ጊያና እግያይ፡፡ 4 ኬካሞ ገዛናም ኬልሽናቴ ኬሐያያ ዋድማሲ ክንካዳናቴ ባልሐፍናቴ ይደን ዋቼ ጰንቴ ምሲክቴና ኬዶ፡፡ 5 ወት ወካለዳሳ ኦባራ ቢራንቴ የም ጌጴናቴ እማቴ ሐያቴካሞ ባሪያቴ የም ወናቴ እማቴ፡፡ 6 ናሲ ቲቶ የሳግደሮ ሲራንቴ ከሪሲን አምንቶቤ ዋድማቤ ቱንሲንዛራ ክያሲዴካ ምሲክድናወት፡፡ 7 የትም ፍይለካ የሪ ይንታና ጎንጰቃበካሞ አለቅንካ ጰሲንታካ ካሎን ካሞ ዋቸንጰቤ እናቴካሞ ደኖ ናሽማኖ ናሽንቴ ይንታ ደናቴ የነኤካ ኮታካ የሪባሽ ዋድማ ጾል ማታንቴ የያሲኬካ ባንዞና እያማይ፡፡ 8 ኮም ካሞ ዩጰዋይና ዋቼሞኖ ጰሲድ ናሽማ ጎንጰባ ጰሳናቴና፡፡ 9 ጌጴዎሳ ኢየሱስ ክርስቶስሳ ናሽማኖ እምድና ጰሲድናይት ክንካ ኩፍሞ የትካሞ ዋድዋ የዴካናቴ ኖካሞ ዋድሞ ዳንቴ የናቴ ሐማንቴ ኩፍማትድና፡፡ 10 ናሲ የራአጋ እማያ የራአጋምዛግሳያ ክልማና አጋሀ አንጋለካ ቦና እሚንቶ ሶጎ ትማ እማናቴ ቃባናቴ ቢራንቴናክዶ፡፡ 11 ታሞ ካሪሲድን ዋድማን የካለዳም ግያዳ ካሪሲሮካ የሲክስማቴ ክጎኖካሞ እማናቴ ደጰደናም ዋድማባሽ ጎን ጰባ ክዴካናቴና፡፡ 12 እማናቶ ባሽ ቃቦ ኮደና እምድ ቼይደ ዋያፍ ደሃግያደ ዋእምና ፍሪካሞ ቆልማን ዮን እምንቶ ወሸድኖ ትማሞ፡፡ 13 ኦጎም ወጌያይኖ የት ጋላንቴ ወንካሞ ጰሀቃሞ ሐንቴ ትማሞ የትፍይለ ካለ ያዳካናቴና፡፡ 14 ታሮሮንኮካ የሳ ሸስጰዳና ከክስካሞ ጃግናም ጶኦሳናክጰአሳይ ክስካ ፍሪ ነስሪ የት ጀግንም ዶኦሳየጾአሳይ አጎካ ደናምካም ልክና የካሽማይ፡፡ 15 ኦጎንታካሞ ምሪግ ፓኦሻዳ ጾጽድማሞ ቀታናም ፍኡሽዳ ጀጋድማ ሐማንቴ ኦካጰና፡፡ 16 እንታ የናቴ ዳምብሽ ቃ ቲቶሳ ወይላምንሳ እሮጎ ጠዳዳም ባሪያ ክጎሽ ጰለይ፡፡ 17 ጰይንስካም ቲቶዘራ የት የናአዶኖ ምሲክንሆን የቼያም ሶጎትማሞ ጌጴይ ወይለም ካላካቤ የሳ ቃቦንካ ጰናንቴቤና፡፡ 18 ካላማክንካ ወንጌል ኬራፍቴ ባሪዩን ኦንግዶሪ ፓይለ ጎሽቴ ዳጰኖ እናናሴም የእሲድና፡፡ 19 ሐያናቴ ናሲ እምንቶ የቻያጋላ ክንካ የየኤካ ባሪዩን ኦኖን ካማጰድና እምንቶ ወቻያን ጌጴም የጳሪ ጎሽናቴቤ ወንካሞ ኬልሽናቴ ወደና የሪባሽ ቃቦንካ ጰጴዳና፡፡ 20 አጋናቴ የሪባሽ ዋድማ ካለካሞ ዘሪቦ ሐፍንጰን ኮጋሬካናቴ ማንካናወመንካይ፡፡ 21 ጰይንስ ዋድማ ካሞ ጌጴሳ ወትሮ ሶጎትማሞ ኤድሳ ወትሮጎ የሪባሽ ደም አሽካናቴና፡፡ 22 ፍሪካ ጰጸ ጊያ ምሪባ ጎይ ጋላንቴ ጋሎም ቻለንቴ ክደካ ሐፍደ እናናሳ ኬለማ ክንካ ይእስደና ታካሞ የም ካሎን የአማናደግያ ሐማገላ ካሎን ዋቼንጰድና፡፡ 23 ቲቶስ የሪያ ኦይሳ ክደና ና የናንቴ ዋድማናቴ እለማክንካ አሸካያና እናናሳ የሪያኦይሳደና ኬካሞ ባሪዩን ኦንሳ ውላማክን ዳናቤ ክርስቶስሳ ጎሸናና፡፡ 24 ናሲ ናሽማኖ ጎንጲንባንቤ የንካ ወአምናናው ሐማቴ ግያ ይንታና ባሪዮን ኦኖን ምሳ ዎትሮ ጳውማቴ፡፡