1 ኮደን እያሪያናቶ ኮኖ ወናቴ ጊይጰዳ ኤለቅ ኮዳካ ወንቤ ኡሲንቤ ኮሴሳይኖ የሪፍይለ ዎምይጰሪ ጠጫሬኚሽ ባሪያም ካሞ ኩሪንትንጰቴ ፓራሞኖ ወሳ ጫንቃል ሐይማቴ፡፡ 2 ወይለምን ግጲሲማ ድሳ ወትሞ ሐውምካሞ ሴሳድማሞ ኤድ ሐውም ካ ዛሪቦንዛራ አንሳድማ ኤድ ሐውም ካሞ ታይሳድማሞ፡፡ 3 ኦጎንታ በእያማኖ የም ሪቢንጰ ትማ ጰይንሰካሞ ካሳቢራሮ እገያፍግያ ወይላምንየሳሳ እሮጎ የሪዳይድና ናሲ ወደናካሞ ወጀናካሞ ክንካና፡፡ 4 የዛራ እሳዳ ናሽማሲ ጌጴና የዛራ እሳዳ ካሞ ፎካራ ጌጴና ኮያማይንካሞ ጎንጰ እንታ ሌምድና የሳጋለካካሞ ፓይለ ወዛኖ ቱንሲ ቆልማ፡፡ 5 መቄዶንያ ዘራ ይናአድ ገለ ውልባራ ፓሎ ክይ ሲካክ ፍሪ ዘራኖ ወሳ ኡሲቻድማሞ ኤና ጰሎንባራ ዳና ጰጋ ሐንቴ እሮጎ ዳናባራ ኡሪታሞ ካናወደ፡፡ 6 ኮደንካሞ ሲዮን ኤና ሌንሳያ ባሪያ ቲቶካ ናደ ሌንሲድና፡፡ 7 ክሌንሳዳ ካሞ የንካና አዳትማሞ ክንካዋ የሌንሴካናቴና የቻለደንታካ ፓይለና፡፡ ወሳፎሸከንታ የሳቃቦንምቤ እናቴ ካሞ ደሃካሞ ይሳሴ ግይድና ናሲ ካለካሞ ሮሮውል ካሞ ዋዛማትድና፡፡ 8 ማርሜራካ እሳ የጰጋሲማና አጋካ ሞይጲማሞ እሞይሕ ጰናካሞ ፍሪ ሜርሜናም እሳ ክጰጋሳያካዋ ሮሮቶካ ሶጎ ኮደንታካ ኤሳሪድና እንታ፡፡ 9 ኮደን ካሞታ ዋዚንጰድና ዋዛኖ እሳ ካሞ ቀበያያአዶንታካ ሲዮንም የሳ ጋሪንቴ የቱንሳዶኖና ጴንሶ ካዋ ሲዮን የሳ ይጊታ ባሪያሳ ቃቦንምና ፍሪካሞ ወንካ ጰጴዳ ካለካሞ ሴሲድማሞ፡፡ 10 ይንታ ባሪያሳ ቃቦንካ ዳሐ ሲዮንም ጰቆንዛራ የሲክሳናቴ ሴሶንጋሪንቶ ቱንሲና ዝትክ ሐማ ቆልማሞ፡፡ ፔንክሮጎ ሲዮኖ ክዶን ዴንጰናቴ ናኮይክሳይ፡፡ 11 ኮኖ ይጊታ ባሪያሳ ቃቦንም ይያማይንም ሞይካ ሐሞንታ ዋችንፐ ሐሞንታ አፎማሳ ሐማሞ ሐሞንታ ኦጎንታ ዋጫካ ሐሞንታ ኦንታ ኩታሞካ ሐሞንታ ኦጎንታ ፍሽክካ ሐሞንታ ኦንጎታ ባሽ ይላሴ ሐሞንታ ኦንታ ጎራ ሐፍንሳናቴ ሽድማቴ፡፡ አጎካሞ አለቅኖ ገዛና የደንታ ፓይለካ ራቅሁል ኖደር ማፕድና እደይ፡፡ 12 ኦቶን የኡካዶኖ ሴሰናቴ ወይካም የሴሳደ ኤድ ትማሞ ኮደኖ ካ ወሳ የሪሐማ ግያ ገዛሞዴንታ ይንታ ዳንቴ ባሪያሳ ወቶሮ የም የጰሪ ጳውሳናቴና፡፡ 13 ወትካሞ ሌምቴና ኮጰይንሰን፡፡ ወንካካሞ ሌምንታ ዶንም ቲቶሳ ወዛኖ ወትካሞ ሰግ ወዝጰድና ጰይንሰካሞ ፓይለ ወም ኡሲኖ ኡሲቻይሽድና፡፡ 14 የንካሐማንቴ እሳ ደን ቃይንታ ክናቴ ጊይድና የኝካ ሐማንቴ አምቦክንሳድማሞ፡፡ ኮደንካሞ እግያይ ኖፍይለ ጎንጰ ክዳግያ ፋንታ የናቴ ቲቶናቴ ቃይንታኪ እገያዶኖ ጎንጰ ክዶኖ ጰሳጰድና፡፡ 15 ኖካሞ ኩሪንትጰቤ ግባዚቴቤ ሐሲሐማንቴ ይንታ የቻደንም የትፍይለ ይንታ የኤሳራናቴ የጰቅሳደና የናቴ ዶኖ ናሽማኖ ዋችንጰዳቴ ያእድና፡፡ 16 አንታካሞ ቃይንታ ፓይለ የሪንካ እያያዶንም ዋዛ እምድና እናቴ፡፡