1 ባሪያ መለክንካ ወአሸካይ ይንታክዶን ይካይካ የቻዳናም ባሪያሳ እንጰዶንም ናሽማንም ሱንዌሪ ሐያንይጋራካናቴ ባንዞና እያማይ፡፡ 2 ኖካሞ ልክስዓታም ኤሳሪድና ጰቆንሮራምካሞ አንታ ሐም ኬልሻድና ሐምድና፡፡ ታሔ ልክካ ሰዓታ ታና ጰቆንሮራታና፡፡ 3 ዋድንም ወሳ ኮሲያናቴ ሐውናቴካሞ ዘሪቦ ማታናቴ ዎት ዛጋማሞ፡፡ 4 ይያማንካሞ የሪንወሐያ ፓይለ ወም ወጀሪ ይንታ ባሪያሳ ዋድማን ኤድ ሐያንቴና ወጰዋይያ ቃን ዶንሽቤ ጋሎንዶንሽቤ፡፡ 5 ጰጰቴ ጰካጰቴ ጃክቴ ዋድማ ክጶጰዳቤራት ጰባጰቤ ዳቃጰቤ 6 ገዛሞኣቤ ሐማሞካ ዶንሽካ ጰለሞካ ኡሲን ገዛን ጎንፐንባን ናሽማንካ 7 ጎንጰንባ አለቅባሪያጎ ካንታንካ ምዛንቅንካቤ ዋሪካታንባራ ገዛና እጥሮ ኦሮንኮይና የዳናቴ 8 ጎሽጰቤ ቦውንታቤ ጎሽጰንታቤ አናጰቴቤ ደይድና ወት ሐያንቴካሞ ጎንጰናቤና ወዳካ ፎጋሞ ኤድ ሐማጰድና፡፡ 9 ጰሲድ ዳንቴ ጰሲጰድማ ወትማትድና ጄይድ ሐንጰና ታወት ሳደንካ ዳይድ ወጰጴናካሞ ወምዴሣጵድማሞ፡ 10 ዝትካ ሐንቴ ወደና ላይ ጠዛንጰዳና ወዳይ ኩፖወዳና ዋንም ወድ ሐያነወሐያይ ካለካሞ የሪቆልሞ ወዳና ፓይለ ወንትና፡፡ 11 ቆሮንቶስሳ ኤናዬ ፓይለ ጰሪጊያና እገያይ ወይላምንም ማይሐንቴ ቡለና እቡላይ፡፡ 12 ናሽማናም መረዳና ይትና ፍሪ ወት ናሽማንም መራድማሞ፡፡ 13 ናና ይደንታካ የናንቴ የሪእጊያ የትሞ አጋካ ጰሪ ወይለንም ቡላንቴ እሳሪማቴ፡፡ 14 ባሪያም ጰሲምማለክካ ካለስሽያደናኖ ገዛና ጋሮንማለ ክንካ ሐሪቴ ወክምያሲክሳይኖ? ሮሮ ጲፍማለክንካ ካለዳው? 15 ክርስቶ ሜሺ ማላክንካ ሐሪናሽመኻ ክዴ? 16 ባሪያሳ ኦኖ ገዛኖ ሜሽወድማለ ክን ካለዳው? ወትካሞ ላይንዳያ ባሪያሳ ኦኖ ጋዛና ባሪያካሞ ይንታ ሐማንቴ ገይድና ክላማክንካ ዳና እዳይ ኬሳባክሮካሞ ያናእያይ እንታካሞ ኬሳባሪያና እዳይ ኬካሞ እሳ ዘሪሲናና ዴደይ፡፡ 17 ናሲ ዴሳግዶሪካ ኡትማቴ እናቴ ሐማንቴ ፔግዳማቴ ሐምድና ጌጴ፡፡ ቃይሲንም የሪንም የለአሲናኖ አንታካሞ ናሽና እናሻይ፡፡ 18 አንታካሞ የሳ እንባ ማታና እታይ የትካሞ አንባናቶሮናቤ አንዛናናቤ እሳ ማታና የማታይ ሐምድና ፓይለምጰሳዳጌጴ፡፡