1 ዋግዶሪ ወደይኖ ፔሮጎ ኦኖ ክይፍና ኤድሳ አንካ አሽከጰደማ ይያማይን ካሞ ባሪያ ጋንት ለየዳንታ ኦኖ ፓለሮጎ ኮደን ዎትጰሲድና፡፡ 2 አጋዛራካም ፓለንጋይንም ደንታኖ ካቻጰናቴ ፎሽካጰቴ ዘጋናወዛጋይ፡፡ 3 ጎንጰ ወአሪሲና ፎሪድንቆ ዳንቴ ወትሐፎንጰማሞ፡፡ 4 ኦኖን ኮሮጎ ኮአጋዛራ ሳባራካ ዛጋናወዛጋፍ ጰይንሰካም ዴጴንምዳህ ሳዳካ እዛቃጰካ ፓለንም ደንታንም ካችጰናቴ ፍሪ ይቃናቴ ውትዘጋማሞ፡፡ 5 ቃባካናቴ ዎምጰሳዳባሪያ ናአናቴንዶን የንካዎም ይጰሳይን ኦጎንታ ባሪያሳ ኡንም የድሳንቴ እደሃካም ኖና፡፡ 6 ናሲ ሮሮውል ገዛጰናሬ ወደይ ፔንኮሮ ወንዛራ ካንቴ ጌጴ ካለንካ ፍግጰንቴ ወደንካሞ ዎትጰስድና፡፡ 7 ጰይንሰን ካሞ ወይደኖ ወይለምካለካና ፍሪ ሽድንቶካትማሞ፡፡ 8 ዴንታኖ ኮኖ ባሪያባራካ ፍግጰንቴ ዴንታንም ወካንም ጎንጰንባዳንቴ ጌያነውገያይ፡፡ 9 ናሲ ዋንካ ዎደናካሞ ወይሞ ዎንካ ዎፔግጰናሞ ዴንታ ዎሳ ክም ዋዚንሳናቴና፡፡ 10 ውትፍይለካም ክርስቶሳ ጰቢንሽን ቦሪኮቶን ወትሮ ፍጨናውፈጪይ ፓይለ የትካሞ ኤድ ሐንጰያ ወንካ የአሽከዳና ባሽናካሞ ወይካ ዛሪቦና ወድማይ ክሳባዛናም ቼናይቻይ፡፡ 11 ታ ጌጴም ኩሪንትጰኖ ሐሪኮደን ታ ወጳሳደንም ኤና ኪጌያይንም ክቼካናቴ ሐያናቴ ዋችንፐና ዎዋችንጰይ፡፡ ወሳዴናታኖካሞ ባሪያባራ ማይና ታካ ወሳቃቦን ከዋባራ ልክና ሐማንቴ ቃሞንና እቁንጰይ፡፡ 12 ኦም ሐመያ ወምዎጰሪ የሳወት ፍሪካ ጎሻናቴ ትማሞ ወንካ የፓካሬካያ ባልእማቴና አጋካሞ ጰልሮጎ ሐፎንጴን ሰይስምቴ ፓካራይና ወይለምንሳ እሮጎ ዶን ኤላቅንም ማይገይምና ማሳቴአለቅቴ የዳሜካናቴና፡፡ 13 ባሪያሞ ኤድ ወደናካሞ ባሪያ ናቴና ባሪያሞ ኤድ ወትምናካሞ የንትና፡፡ 14 ክርስቶስሳ ናሻማኖ ወናቴ ግድካማትድና ጰይንሰካም ካለ ፓይለናቴ ክጀደግያ ጎንጰንባ ወናቴ ማትድና አጋከሐንቴ ፓይ ካሞ ጄይድና፡፡ 15 ኤና ሳደንካደና የናቴ ደንኬጋሬካናቴ ከናቴ ዴንጴ ጄዳ ጴዳቤናቴ ኬዳካናቴ ኖፓይለውናቴ ጄይድና፡፡ 16 ናሲ ከካካሪሳንቴ ኤድም ቃቦእስ ከውት ሽድማሞ ካስሲራ ሮጎ ክርስቶስም ወት ቃቦዛሪቦካነወሸደዶ ታናሲ ውት አጋንታ ሐይማሞ፡፡ 17 ናሲ ሐውካሞ ክርስቶስካ ይደና ኤድ ሐልና የሮጊቾኖ ሴግድና ታናሲ ሐልማትድና፡፡ 18 ኦጎኖ ፓይለ ባሪያባራካ ኖካም ክርስቶካ ሐማንቴ ይለማ ክንካ ቃሽክድና ቃሽነሽን ዋድማንም ወናቴ እምድና፡፡ 19 ባሪያ ክርስቶስካ ፔንም ይማ ክንካ ክቃሻይን ኤናሳ ሴሶንም ፓይድማና ክዶ ወናቴ ካሞ ሐያንቴ ቃሽን አለቅን አምድና፡፡ 20 ናሲ ወንካ ክርስቶም ዋድማን ኤናና ባሪያሳ ወንካ ሐማንቴ ግሲሞን ምና ክግያይ ውትካሞ ባሪያ ማለክንካ ቃሽማቴ ሐማንቴ ክርስቶካ ምሲካናወምሲካይ፡፡ 21 ወትካሞ ክንካ ዳንቴ ባሪያሳ ገዛና ወዴካናቴ ሴሶንቆልማ ባሪያም ወሳ ሴቦናቴ ሐይድና፡፡