1 ካማይ ባሪያሳ ጋሬንቶኖካጰንቴ ዋደማኖ ኮኖ ኮደካ ዎትቦውማሞ፡፡ 2 ኮደንሞ አቼንቤ የራራ ኩሪሲቴሳይናቤም ዎትጋሪድና ዎምታይሳጰማሞ ባሪያሣ ካ አለቅንም ፎጋሞ ለማ ወራሳንገራማቴ ይያማይን ጎንጰበን ማይገይቴ ኤድባራ ካ ፓይለሰ ቃቦንቤ ቼይንቶ ኮካናቴ ዎም ባሪያሳዎትሮ ባአናወባአይ፡፡ 3 ወንጌልኖ ዎሳ ክጭምኮደናካሞ ፍሪ ክጭጶዶኖ ካያይናቴና፡፡ 4 ባሪያ የሳማይ ሻደም ክርስቶስ ጎሽን ገይን ወንጌልንምሳ ሽካንም ሀፍንክሬካ ፔንኮምሸናደ ቢታ አምናይናም ኤናሳ ወይለምንም ሸፍድና፡፡ 5 ወትካሞ ወኬራፌያ ክርስቶስ ኢየሱስ ጌጴ ኮዶንካም ናሲ ወትወጰሪት ማማ ወምካም የምን ኢየሱስ ሐንጰና የት ዋድማ ኢድና ያዳይ፡፡ 6 ክርስቶስሳ ዎትሮ ባሪያ ጎሽንሳ ጰንታ ሮሮኖ አይጰናቴ ይደን ባሪያሳ ኦይጰይንም ወይለምሮጎ ሮጰሲድና፡፡ 7 ኮዶን ካሞአኖ ካሎን ጌጴ ካንታ ባሪያባራን ካና ፍሪ ዎባራንካ ኮትምንም ጰወይኖ ኮኖ የሪጌጴ ዳንሳ እሮጎ ደይድና፡፡ 8 ፔውልባራካዎጭጄጰናካሞ ሐሪማጰማ ኮም ሐሳይጰ ወሐምና ወትቃቢማሞ 9 ኦይታይንቴ ካሞ ያያጰኛ ጰባጰኮ ወትሽጰማሞ አሽኮ አሽካጰና ካሞ ወትካ ይማሞ፡፡ 10 ኢየሱ ሳደንም ዘራንዘራ ክጰዋድግያ ኢየሱስሳ ዴጰም ሮሮውል ዘራን ወሳካ ባሳንቴ ያያወያይ፡፡ 11 ኢየሱስሳ ሳደን ዱንጴኖ ካሂ ዋኖዎሳ ኮሐፍን ጰዳካ ዎት ላይንደያ ሮሮውል ኢየሱስናቴ ዴጴናቴ ሳስካቴ እማና ወእማይ፡፡ 12 ናሲ ዴጰኖ ወንካና ኮአሻይ ሰዳ ፍሪ የካና፡፡ 13 አምናቴ ኮደን ካሞ ግያንቴ ሐማንቴ ኡካጰዳግያ ወትካሞ አካና ወአምደሳ ኡሲን ናአምናና ወአምናይ ታጌያናወጌያይ፡፡ 14 ጰይንሶካሞ ባሪያሳ ኢየሱስም ዴንጱባራ ጰሳደኖወምካ ፍሪ ኢየሱስ ላማክንካ የለማ ክን አናንገንቴግያ የእማያግያ ጰሲድና፡፡ 15 ኤድን ምሪግናንቴ የሲካናቴ ዶንንም ባሪያባራኪ አንጰደን ባሪያናቴ ጎሽ ዛራጎሽ አባጰካ ኮይ ፓይለ ሐናንቴና ኮደይ፡፡ 16 ክያማይንም ዎት ቦማሞ ጴልንጋይን ዘራንኖ ካያዳቴ ኮይናክ ፍሪ እንጋይኖ ዘራኖ ሐያካ ሐያካ ሸያና ሸይጰይ 17 ጰይንሰካዎ ባዶቤ ሮሮጱጰደማ ጋሎኖ የክንሶ ሐፎጰሞንም ለይናቴ ጎሽን አምሲድና 18 ኮሐማይን አፎን የንዛራ ወይጰይና የሪን ሐፎንጰንዛራትማሞ ሐንጰይንዘራና ሀፎንጰኖ ሸጰያና ሐንፎጰሞኖ ኮያማይን እሲቢን ዘራጋንትና፡፡