1 ፍሪካዎ ወም ዎጵሪ ጎሽናቴ ካሪሰውዎሪሳይ? ወይካም ኤናዋንጌያ ይናቴ ወይካም የካላ ኡካጳደን ጎሽን ዋሪቃትን ዛሲካው ዎናንቴ? 2 የትፍሪ ኤድ ፓይላሳ ጳሳ ጰሳጰዳቤ ማይሐማቤ ወይለምን ወሳዛራ ኡካጰደኖና ዋሪቃትና ወሳና፡፡ 3 የት ባዶ ትማሞ ለይዳ ባሪያሳ ኡሲንም ሱን ሸክንዛራ ትማሞ ኤድሳ ወይለም ሸክንዛራና ጰፍጰደ ወንካና ጳውጰደ ክርስቶስሳ ማይሐማ ዋቃት፡፡ 4 ክርስቶስባራ ባሪያዘራ ዳሒ ቃቦ አጋንቴና ክደይ፡፡ 5 ካታናው ባሪያ ጋንትና ፍሪ የጰሪ ካንታ ጠንትና የሃማያ ኦላካሞ የሪቆልማሞ፡፡ 6 ኖካሞ ፍዳልካ ትማሞ ኡሲካዛራ አሽካጰደ የሪሐል ገይጰዳ ዋድማን አሽካይና ይዴካናቴ ዋቼ ሐያንቴ ጰይንሶ ካ ፍደል ዴሳናክዴሳይ ኡሲኖ ይያማይን ሰደንና ኮእማይ፡፡ 7 ታካሞ እስራኤላውያን ዎትሮ ጎሽን ጳላሞን አጎካ ቻንቴ ሙሴሳ ዎትን ላይ ሐማንቴ ሽድንታኖ ኬም ክባሽ ደዛራ አጋ ገላ ናሲ ዘግሳያሴ ሱንዛራ ፍደል አሽካደና ጄያ ዋድማን ኤያ ጎሽካ ክንና፡፡ 8 ታ ኡሲን ዋድማኖ ሐሲ ካሳሳግ ጎሸክዳሞኖ? 9 ኤናም ሪቢንጶኖ ዋድማ ጌጴኮደና ጲሳጲደና ዋድማ ሐማግያዳቴ ጎንጰ ልክሐማ ክደ፡፡ 10 ክሳ ቢራሮ ጎሽንዳ ሳግ ደካላ ጎሽማለክክ የክንሳጰና ጎሽ ቆልማ ማትድና፡፡ 11 ሳጋይኖ አጋንታ ጎሽክደና ጰይደያ ፍሪካሞ ሐሲ ሲግ ዳማክዳ ጎሻ ዳው? 12 ታ ኮኖግያዳ የንዛራ ቃንም ወቁንጰዳ ክዳካ በክንጶ ቆልማ ጊያናወጊያይ፡፡ 13 እስራኤላውያን ዎትኖ ጴልማኖ ኮይ ያዳቴ ክይና ቱንሲሮ ክሸደያግያ ዎትን አሪፍንካ ክክጫያ ሙሴ ግያ ትማሞ፡፡ 14 ይያማይን ካሞ ደንስኖ ቢራኖ እስባጰደ ፎይዶ ክጭጋንቴ ሐይታለዘራ ክምቡልጰዳማግያ ወይላም ኖክሳ ኬቃባያግያና ሹኖ ታካውል ሸጰድማሞ ኦይታኖካ ክርስቶ ኮሶጎና፡፡ 15 ታካሞ ካሪሳንቴ ሙሴሳ ኡድኖ አቢሳጰዳገላ ቡፎኖ ወይላ ምንኬሳ ክጭና ኮክምይ፡፡ 16 ኮማይንካኖ ኤድ ካላ ባሪያዘራ ክማትና ቡፌን ጰሳናጰይ፡፡ 17 ባሪያ ኦሲና ባሪያሳ ኡሲንሳ ዳጳደባራ አጎባራ ወዛ ዴንታ ደይድና፡፡ 18 ውትካሞ ፓይለ ክጭጵድሞንካ ዎትን ጌጴም ጎሽንም ይንታ ሻዳያግያ ጰልምቴ ክኖንም ማይሽንም ክኖንም ዎታኬካናቴ ጎሽንባራ ፍሪካሞ ጎሽንዛራናወማታይ ኦጎንኖካ ኮዳይኖ ኡሲንደ ባሪያካና፡፡