1 ታየሳለ ፈፎንዴስናቴ እዛጋደታካ ያዛራ ፍሪካሞ ናአንጋሬናቴ ታክድና 2 እንታካሞ የሳለፎንም የዴሲምና ታካሞ የለማ ክንካ እዴ ሳድምና ታካ ዋንሳያ ሐውቴዳሂ? 3 አገላላካ ኦጎንታ ሀማንቴ ኡካደና የዛራ አንና እም ወዝንሳዳና ኤና እም ሴሳና ሐማንቴና ጰይንሶ ካሞ እሳ ወዛኖ ካ ዎፍይላ ገን ኮደን ወዛን ጰሳና እጰሳይ፡፡ 4 ይንታሐማንቴ ኡካንኦጎ ጌጴእልልዴን ቴናቤ ወይለምንካ ቃቦ ያአንቴና እሪማ አቆካንቴና ኦጎም ካም እያደ የናቴ እ ናሽንም የጴካ ሐማንቴና ፈፍሪ የምጰጋናቴ ትማሞ፡፡ 5 ሐውካም ኤድ ማላ ይዋጭማና አላቃሞ ጌጴሳን ክጋሬ ዋጭማደ እንታሶጎታማሞ ዎትውልቴና፡፡ 6 ይንታ ሐማያ ኤድ ምሪጊና ታካንቴደሃ ይካና፡፡ 7 ታካሞ ኮሶጳባራ ጰጋሳንቴ ካሎየባራካ ወይለምንም ጳሳና ሴሶን የሀሬካ የሌንሳቤ ጳልና ክደይ፡፡ 8 ናሲታኪም የናሸይንም ይንታ ሐማንቴ ይካይካናቴ የምንት ምሲክድና፡፡ 9 አኡካደኖ ካሞ ማይሐያናቴ ጋሎንም የዳሪሽያቤ ውልካ የሪአሪጋጰና ያደያም ጰሳናቴና፡፡ 10 የት የጋራያ ሴሶንም እንታካሞ ክናቴ ጋለና እጋሬይ ጎንጰ ሴሶን ጋለያይንቶንካዲህ ክርስቶሳ ዎትሮ ሰሼጰሐማያ የናቴ ሐማንቴና፡፡ 11 ከም የናቴ ዎሐያይኖ ካሞ ሜሽንኖ የሪይንካ ይአሪዳያ ፎለ ሐፍና ሐማንቴና ክሳ ሐያናቴ ክዳም ዎት ጲቢማም፡፡ 12 ክርስቶሳ አለቅንም ጌያናቴ ጢሮአዳ እያአዳገሳ ጌጴ ሙልጻፎ ቡልድና፡፡ 13 ከደካ ቶያማይን እናሳ ጊቶም ኦጎታ እያፍድማታካ ወይለም እሳ ቃቼድማሞ ናሲ ወትያእድና መቄዶንያ ያእድና፡፡ 14 ይያማይንካም ክርስቶስካ ላይሞ ባሽንም እንባና ሽሪቲ አንሰይና የጰሳዶንምሳ ባሸ ዎንካ ሐማንቴ ውልግዶሪ ጰዋናቴ ባሪያና ኤሽኖ ኮዴ፡፡ 15 ጰይንስ ካሞ ጰቃይናናቴቤ ካያይናናቴቤሳ ባክሮ ባሪያና ክርስቶ ጋማሲና፡፡ 16 ካያይናናቴ ዴጴንዛራግአያ ዴጴሳ ካይ ጰቃይናናቴ ይያማይን ሳደንዛራ ባአያ ሰዳ ካይ ናዎት ታኮናቴ ዋችዳያ ሐውቴ ገ 17 ዎት ፍሪ ትሪፍምናም ሐፍናቴ ትማሞ ባሪያሳ አለቅን ዎሪሳንቴ ኦሲካያግያ ኤና ክርስቶስካ ዳንቴ ባሪያሳ ዎትሮ ጋዛምኒካ ኒያናወኒያይ፡፡