ይእሳይ ጳውሎስሳ አፎ ቆሮንቶስና ኤናናቴ ነይጰደኖ

1 ባሪያሳ ቃቦ ኢየሱስ ክርስቶስሳ ይእሳደ ካኖ ጳውሎ እንደናሳ ጢሞቴዎስ ቆሮንቶስ ግዶሪ ባሪያሳ አኖንም ይንታ ካሞ ፓይለውል ግደሪ ገዛና ፓይለ፡፡ 2 ወንባወንታ ባሪያ ጌጴ ካሞ ኢየሱስ ክርስቶስ ይለምቤ ወፎቤ ይናንቴ ኮደ፡፡ 3 ናሽማንገንቴ አባ ሌንሳን እንባ ፓይለሳ ባሪያ ደሂህ ጌጴዎሣ ኢየሱስ ክርስቶስ ጌጴቤ አንባቤ ጎሸኖኮዳ፡፡ 4 ዎት ይጰሪ ብሪያካላ ዎቼደኖ ሌንሳ ጋሎሮ ጎዳና ወሌንሴካናቴ ኖ ጋሎንም ወሳም ፓይለ ሌንሳናክሌንሳይ፡፡ 5 ክርስቶስሳ ጋሎና ዎዛና ክደይጰደን ግያ ሌምንታኖካሞ ይንታና ክርስቶስባን ዎናንቴ ጳጲድና፡፡ 6 ጋሎን ወችና የናቴ ሌምንታቤ ጰቆቤና፡፡ ወሌምና ካም ዎም ጠችና ጋሎን ዎችንካ ቃብንካ የዋቸንጰንካ ይናቴ ሐማንቴ ሌምንታና፡፡ 7 ያናንቴ የሪገይጰዳ ሲራንዘራ ሐያናቴ ዳጰዳ ጎንጰና ጰይንሶ ካም ጋሎንባራ የወያደግያ ፓይለ ሌምንታንም ዎሣ ካም ይቻደግያ ዎትጲሲድና፡፡ 8 እናናቶ እሳያዘራ ይሲኸደንዛራ ጋሎንም ዋጰሳደግያ ኮደካ ሳዳንካ ደናቴ ታ እሳቤራንዘራ የሪዎች ጋሎን ይሲክደና፡፡ 9 ጎንጰካም ዴጴን ቢቶኖ ታካጰዳውት ቆቦያእድና ኦጎኖካም ዶኖ ደጲንም ኮጵስና ባሪያካ ዎአምነካ ፍሪ ወንካትማሞ፡፡ 10 ኖካሞ ይንታ ክያምና ዴንጰባራካ ጰአሽድና ጲእናክጰይ እሲቢራንዘራ ካሞ ሐያንቴ ክጰአሽይን ዎትጰሲድ ክዛራካሞ ወይለምን ጲቢድና፡፡ 11 የትካም ኬሳ ምሲኮንም ካ የገክንጰዶንም ወንሳ ምሲኮንም እንጰደንም ሐማንም ኤናወንካሞ ወሳ ጎሽንም በአናክበአይ፡፡ 12 ታካሞ ወሳፎካአ አጋና ፔን ክሮታካሞ የላማ ክንካ ወዳናቴ ክዛራሶሪ ጳወዳ ባሪያካ ጨሪሻቤ ይልሞንካ ወደናንቴ ወሳቃቦንኖ ገያና ኮገ ያይ ክኖካ ኤድሳ ሐማሞትማሞ ባርያሣ እምንቶና፡፡ 13 የጰሳንም ወይካም ጸል ያኤሳራንም የቻልምን አለቅንም ጠት ኡክም ፓይለም የጰንንም ታካ ወይለም ቀጄና ወቃጄይ፡፡ 14 የትካሞ ወንካ የዛራ ወትጪንዶንታካ ታጠእሳራዳ ወናደጰደ ካሞ ይያማይን ጌጴ ኢየሱስ ሮራም ፓይለም ጰሳና የጰደ፡፡ 15 ካም ጎንጰሐማንቴ እቻዳግያ ፓሲ የችክና ክሪሲሮካ የምሽደታአናቴ ቃባንቴና እደ፡፡ 16 መቄዶንያራ እይና ራኖእሳ ጎይን ሻድቴቤ መቄዶንያ ካም የናን ሐመንቴ መታቴ ይሁዳዘራ እይና እሳያዬንም የካልሸካናቴ ቃቢድናአንታ፡፡ 17 ኦጎም እሽኪና ቃቢማ አያያደግያው ይካለ? ወይካም ሱን እጎማደግያ ኮራፍሪ ኤይ ኤይ እያማያግያ? 18 ባሪያ ገዛ ይደግያ ፓይለም የናቴ የካያያም ኤለቅንም ይንቤ ይንታትማሞ ደናቴ ቻልማሞ፡፡ 19 ጰይንሰካሞ እንታ ንቴ ሲለስቤ ጢሞቴዎስ ወት ጠገያይንም ባሪየሳ ናሣ ኢየሱስ ክርስቶስ ኤይ ዔይ ይንታትማሞ ቆልማሞ ኮያማይን ካሞ ክንሳ እለይ ኤይኤና፡፡ 20 ባሪያሳ አንጰደኖ ወናቴ እሲቢራንራ ፓይለ ይንሐምቴ የሪን ሐንም ካም ክንካና ውትካሞ ክንካሐንቴና በሪያናንቴ አሜን ወሐገግይኖ ኦጎይንከና፡፡ 21 ታናሲ ዎምካሞ የምካሞ ክርስቶስካ ትጫንቴ ወይካናቴ ሐያናቴ ደሀ ባሪያና ቃጰደካም ኖና፡፡ 22 ክንት ወደንናቴ መሂተሙንም አሽክቴ ሐንቴካሞ እሲበሒን ዛራ ሐጴናቴ ወደየሪን ኡስነሳ ወያያቤ ወይለምንሳደሪ ደኖና፡፡ 23 ቆሮንቶስዘራ መታቴ አና አድሞኖ እልል የሳቼና ሐማንቴና አጋ ጎንጰና የፎግነሳደ ባሪያ ማኘክዴ፡፡ 24 ወችንጰንቴ ወያይና አምናቴ ክደካ ወዛዳናቴ የለማክካ እሽአናወ አሽካይ ፍሪ የሳ አምና ደናዘራ አልማናቴ ትማሞ፡፡