ጳውሎሳ አፎኖ ቆሮንቶስ ኤናናቴ ይእሳጰደኖ 10

1 እንታ ጳውሎስ የሳዎትሮጎ እዳና ቦክንጶ ኤድናእዳህ የካለካእፎጌጰና ቦክንጶቆል ሐንጰያና ክርስቶስሳ እንጰለጰናም እንታምሲክድና፡፡ 2 የዛራ ናአናንቴ እያያዳጋላ ኤናባሪያም ጰሲምናሳ ጎይንካ ኬደንባራ ሐያንቴ የፍይዳይንም ኤናዘራ ኩታሞቆልማ ገያናቴ ጰጴንቴ ወይድና የትካሞ ክያማይን ኮካካሞ ኩሪንታሞቆማ ገያጰደግያ ሐያካናቴ ምሲካና እምሲካይ፡፡ 3 ዴንታንም ፔንኮሮ ኮደናካም የንካ ወዳማይ ፔንእሮንካትማሞ ወደማይ፡፡ 4 ፍሪካሞ የንካወደማይኖ ባንቆንሳ ሙራኖ ኮፔንሳ ሙኖ ትማ ክደንሞ ካሪምንም ይሰራንም ቻለያ ባሪያሳ ካናቴኖ ደኖና፡፡ 5 ባሪያሳ ጰሲንቶንዛራ ፓራሞንካ ጰጴያ ዜሪማንካቤ ሶንካሞ ቃቦንም ፓይለ ክራናወኮሳይ ዩሜቴንካ ፓይለ ኬማቴና ክሪስቶስናቴ ኬኤሳሬካና ሐያ ወሐያይ፡፡ 6 ባሪያናንቴ ናሽማሲም ይያደገላ ነሽማንትምንም ፓይ ሽእሻናቴ ዎትጰጴድና፡፡ 7 የት የሸደያ ጰልን ጋይን ሰጎና፡፡ ሐይውሞ ክርስቶስ ገንትንዳ ጰሪቃዋንም ኖ ክርስቶስ ገንወዳ ያግያ ፓይለ ዎትካሞ ክርስቶስ ገንትወደንም ፓይዳናቴ ደማናኬዳማይ፡፡ 8 ባሪያ ክእማዶን ጌጰሞን ጎንጰንባ ወፎካሪና ኮካ ኩሪንትጰማ ጌጶምንም ወቻደኖና የትካሞ ፓሽናቴ ፍሪካሞ ኩሪታሞ ጌያትሞ፡፡ 9 ሜሪማሪን የምእኩሪትንሳያ ጊያ ትማሞ፡፡ 10 ዋንካሞ ሜሪ ሜራ ጌጲቤ ዋችቤና ኮደንካሞ ዘራኖ ሸደጰና ቃጀና አለቅኖ ካሞ ቦውጰዳና ክያማይ፡፡ 11 ይንታ ሐማይ ኤና ፔግዳንቴ ዎሳሜር ሜራካ ዎገያይናም ፓይለ ፔግደንቴ ማይሐያንቴ ዎግያያ ኦንታ ኮደንካሞ ፓይድማቴ፡፡ 12 ዩምይጰሪኬ ጎሽንናቴ ኤና ማለክንካ ይም ይጰሪ ኬዎዳይን ወይካሞ ዎይክንሰና ኬዱሪትንጰና ኬምካሞ ይም ይጰሪ ይጰሪካሞ ዴይክንሴካ ፉም ይጰሪ ይንካ ኬያክንሲና ቃቦ ኤድትማሞ፡፡ 13 ዎት ይያማይን ገይጰዳሳ ጴባራ ፓለ ጰማሞ የንካወፓረጰያ ባሪያሳ ዎምይንግዶሪወደጰደሃ ዘራና የትካሞ ታካሞ የሲከይናም ዋድማይና የክሳጰደና፡፡ 14 ክርስቶሳ ወንጌል ቡኦንቴ የዘራ ወናአደገላ ገይጰደም ዋድማንም ቱንሳንም ኩትጰማም፡፡ 15 ፍሪካሞ ዋንናቴ ኬቀጂንቴ ዋድማንም ክቶንሳ ኦባራ ቻራጰይኖ እጰዳሳ ኦባራ ቃባናቴ ሳግሚም ይያማይንካም ዋቻድ እምናታ ጌጰዳቴና ክያአዳካ የናቴ የክንሳ ጰዳግያና ዋድማንኖ ጌጰዳቴ ኮያአፋን ቃሞ ቁንጺጰድ እንታ፡፡ 16 ታናሲ ኤድ ዋንካሞ ፔን ቢራንቴ አሸከጰዶና ዋድማኖ ፎራጰማ የካ ኦጎንታ ዶንም ፔንም ወንጌልን ጊያናቴ ደማናወድይ፡፡ 17 ይያማይንካም ፎራጰያ ባሪያካ ክፎረጰ፡፡ 18 ጰይንሶካሞ ባሪያ ዩጰሪና ክጎሻይ ፍሪ ኤያ ይጰሪትማሞ ይምክጎሸና ጋዛምንም ሐፍማሞ፡፡