ጳውሎስሳ አፎኖ ቆሮንቶስ ኤናንቴ ይእሳጰደኖ

1 እሳመልንታሞን የኤሳራያግ ናኮደይ ጎንጰባካሞ ኤሳራቴናየደ፡፡ 2 ባሪያሳ ቃቦንካ እንታ ይናቴ ግያናእግያይ የትይንታ ገዛደድ ክርስቶስ ናቴ የም እማናቴ እንታ የም እምድና፡፡ 3 ኮያማይን ካሞ ጉንቶኖ ሔዋንን ጋሮካ ኮሴሳደግያ ኬደካሞ የሳ ወይምኖ ሴያናቴ ክርስቶስ ናቴ ዳም ናሽማ ቃቦም የሳ ቻጰና ሐማንቴ ዎጋጰእቃጋጰይ፡፡ 4 ጰይንሶ ካለ ኢድ ካላ የዛራ ናአንቴ ዎም ኬጌይና ኢየሱስ ኢየሱስ ዋም ኬጌይና ወይካሞ ይችደና መንፍሰ ዋናኬችዳና ወይካሞ ወንጌል ዋናንም ወንጌል የችና የሩ ለይሐማንቴ ሴጋናኮሴጋ ሐንጰያና፡፡ 5 እንታ ይያማይን ጌጰና ሐንጰይና ይእሲድና የሪካላካሞ ሐውጋንትካም ማትማም፡፡ 6 አለቅንሳ ዋቻሞ ኮቆልምናካም ክዶን ሐማም ደይድና ኦጎም ፓይላ ጎይንካ ማይ ሐያንቴ ገይማቴ፡፡ 7 የት የጎሸጰካናቴ እም ይሪክ ሐያናቴ ባሪያሳ ወንጌልንም ጎንጰባ ዋጋከ ገያናቴ የናንቴ ገይጰደ ይንታ ሴሶጊያ ፎይደጰዳ ማትድ? 8 የናንቴ ዋድማናቴ ፋያይና ዋን ባሪዮን ኦናንቴ ኬልሾ እቻደንም ክም ሳሪድና፡፡ 9 የለማክንካ እደካ የሪካላ ክዘጋዳ ገላ መቄዶንያዘራ ናአደ እንደናና የራዘግሳይናም ክእደታካ ሐውናቴካሞ ክድማንቴ እንታደማሞ፡፡ 10 ክርስቶሳ ጎጰና እሮ ኮዶንዘራ ካሪጎናቴ አካይያ ሐንጰይን ፎሮጎ ኦጎም ታካሪንም ኤድ ማራያቆልሞ 11 ኮም እባያይኖ ሐሪናንቴ የም እና ሽይንቴካው? የምናሽይንም ባሪያ ጰሳናክጰሳይ፡፡ 12 ዎለማክንካ ልክደናቴ ይሳዋድማናካ ፓካሪቴ ሮሮን ካለይና ኤና ጰንሶ እማናንቴ ታየራካሐያ እሲቢራንዘራካሞ ሐያናእሐይ፡፡ 13 እግናጊያደና ኤና ክርስቶስሳ ይእሰጰደናም ማታናቴ የምይጰሪ ጎንጰኤድ ፓጋሞ ኤድቤ ይእሲድናቤ ታይሲዋድማ እሽካይናና፡፡ 14 ኮኖካሞ የሪ ሐልትማሞ ኮደንካሞ ሜሽካም የምይጰሪ ሮሮ ማታንቴ የምይጰሪ ዋል ዋልናክማታይ፡፡ 15 ናሲ ኬሳ ዋድማን ኤና ገዛሞንም ዋድማንም ታካናቴ የም ይጰሪ ማታናቴ ጎሽናቴ ትማሞ ቱንስና ኬሳ ዋድማን ገያና፡፡ 16 ፍሪካሞ ክም እያማይ ኤድ ሀውካሞ ይንታ ማልግምያ ፓደንክጋሬ የትካሞ የፓይድናካሞ እንታ ቀታናካ እፎጰይኖ ይንታ ማልግም ቻይድና፡፡ 17 ኦጎንታ ወይለም ፋሲካ ዳንቴ አገያያም ይንታ ማልግም ግያና ፍሪ ጌጴሳ ቃቦግያትማሞ፡፡ 18 ዋንካሞ ፔንኮም ኬናሽ ያግያ እንታካሞ ሐያንቴ ፎራጰእፎናጰይ፡፡ 19 የትካሞ የትአዛምና የዴካ ማልግምና ዋዘካ ይደንሻይ፡፡ 20 ሐውካ ጰጴንቴ ካይሲ ክያይና የምዋሪዋሪክያይና የሪሐፍናቴ የካለክንና የሪምክጭና ወይካሞ የሳካሪጫን ጴውክይና ዶንሽማቴ፡፡ 21 ውት ይያማንካ ክናንቴ ጎንጰንቤ ከንታንቀጂናም የደናንቴ ኩሪትጰቴና እገያይ፡፡ ሐውካሞ ኩሪትጰማ የንካይፍካራያ አለቅም ፓይለ አንታካሞ ቦክንጰቆልማ የንካእፍካራናንቴ የንካእቻለያ ማልምግያ ጊያና እግያይ፡፡ 22 ክካሞ ዕብራውያን ናው? እንታካሞዳና እስራኤላውያን ናው? እንታካሞና እስራኤላውያን ናው? እንታካሞኖና የአብርሀም ክይዛው አንታካሞኖና፡፡ 23 ክርስቶስሳ ዋድማን ኤናው? ይንታ ባሪያጰዳግያ ዴድ እግያኳ እንታ ሳራናእሳራይ ሐያንቴካሞ ሮሮውል ዋድማካ እንታካንታቃፌና ሮሮውግያ ጰካጰድና ሮሮውልግያ ጰጰድና እንታ ሮሮዋንካ ዴንጰናቴ ጸድድና እንታ፡፡ 24 25 24 አይሁድ ኦይድታም ሮሮ ጰይንቶ ክሸጰደንካሞ ደንግያ ጰይድና እም፡፡ ማካምግያ ቁራካ ጰጲድና ካለግያ ሱንካፌካጰድና ማንካግያ ጋግካዮ የሲክድና ሶትካላቤ ሮሮካ ሳቤ ኒቆሮ ዎጰድና እንታ፡፡ 26 26 ሮሮውግያ ያዬንካ እንታ ጋልድና ሐያንቴ ካሞ ኒቆንሳ ጳጲንቴሳ ጋሎ ድስናሳ ካሎ ጰሪና እደና ካውልሳ ጋሎ ባሪያምጰሲምና ጋሎ ካታማቤ ገጠሪንቤሳ ጋሎ ፕፍሲንሳ ጋሎ ይንታካ እናናሳ ፍሪካሞ ፎጋሞን ኤናሳ ከል ማታናቴ እደንግያ፡፡ 27 የሪ አቂ ጲፂ ደይድና ጌጴካሞ እንታ ቃጀድና ሮሮ ጲፂ እንታ ራታድማሞ አንታ ደቃጲድና እንታ ባካሪጲድና ሮሮ ጳፂ እንታ ደኢኖ እሳድማሞ ቃጂምንቤ ጉሞንቤ ለማ እንታ ክም ባይደም የድድና፡፡ 28 የራ ዋን ሞካሞ የሪግያ ፓይድማ ሮሮ ውል ቃቦ እሳካሞ ባሪዮን ኢኖረንባራኔ 29 እናንቴ ካንታን ቃጀሞን ማታደ ሀውቴ? እንታካሞ ክለማ ክንካ ቃጀዋው? ሴሶንካ እም ራስ ዛራ ሸእሻያ ሀውቴ? እንተ ክናንቴ ቡሪቃጳየው? 30 እፎካራዳናካሞ የራ እሳ ካንታን ቃጀሞን ጳዋይና ካና እፎካራጸ፡፡ 31 ኖ ቱንስን ቆልማን ጎሻጳደኔ ጌጳ እሳ የሱስሳ ጌጳቤ እንባ ቤናንቴ እፎግሞንም እንታ ዴስድና፡፡ 32 ደማስቆ እያኳ ብታ አርስተስዮሳ ቾባራን ደንቴ ብታ ፔንም ግሻያ እም የደናንቴ ይዛጋደንታካ ደማስቆ ኤናሳ ሞሮንም ጳቃንስቴና ክዶ፡፡ 33 ኮደን ካሞ ሞሮንሳ ፑለንካ እም ቡለንቴ ክሳ አንሮካ እማጳአሻድና፡፡