1 1. ወንደና ናና ናንስ ሳካ ካራሳንቴ ባሪያም ሀሞንታ ሀያንቴ ዋዝንሳናንቴ ዋዶን ደያይንም የም ወትህ ተማሪስድና ሀያንቴካሞ ደንታ አጋካኔ የደ፡፡ ይያማንካም ጌጳ የሱስካ ደንናንቴ የም ዎምስካይኖ ዋክለይኖካሞ ካሳ ጳባራ ብራዛራ ይንካ የየኤካናንቴና፡፡ 2 2. ጌጳ ዎሳ የሱስ ጌጳምንካ ኤልቅም ሀሳማ ዎኤልቅ ማዶንም የትህካሞ ጴሳድና፡፡ 3 3. ቃቦኖ ባር የጋይኖ ቡላሞሮካ ውላንቴ ገዛ የዴካናንቴና፡፡ 4 4. ሀያንቴካሞ ኤድ ፓይላ ብሽ ይሳም ጉዞምቤ ጐሻቤካ የድንቶ ኮዛ ግሳይንም የጴሴካናንቴና፡፡ 5 5. አጐኖካሞ ኤና ባሪያም ጴስም ናግያ ፔንኮ አልርማ ሶጐ ዶን ኮጋሬ፡፡ 6 6. ዬራ ካካ ሀማንቴ ኤድ ካለካም እንዳናሳ ታይሳን ኮጋሬ አጐኖካም ሳሳ ብራር የናንቴ ወገየደናቤ የም ወክለደቤልያ ጌጳ ሴሶን ኦጐልያ ምን ኤና ሴሳይናም ናሽማሞ፡፡ 7 7. ባሪያ ጐይገዛ ወዮ ኤካናንቴና ሴስ ጐይወጨ ጌካናንቴ ወም ግስማድማሞ፡፡ 8 8. ታናንስ ክልማን ኮም በዋንቴ ኤያ ችማስ ክባዋዶ ኡስን ገዛን እማደም ባሪያምና ክቦዋዶ ኤናም ትህማሞ፡፡ 9 9. እንደናና ክም ኬናሻካናንቴ ኤድ ካለካሞ ወርቃት ኡኩንቶ ዛወስማሞ ኦጐኖካሞ የትህ የጳር ክም የናሻይንም ባሪያ ካለንካ ተማሪድና፡፡ 10 10. ፓሽልንቴ መቀዶንየ ግዶ የንደና ናናም ደናም የናሻይንም ጴስጳድና ኮደንካም እና ናና ካሳ ጳባራ ብራዛራ ይንካ የየሴካናንቴ የም እክላይ፡፡ 11 11. አና ካሳብ ራሮ የትህ ቃብምድና እንን የይንካ አሽክማቴ ለይዕማንቴካሞ ደሀማንቴ ቃብ የሳም ሶጐ ጫግማቴ፡፡ 12 12. አጐሃካ ደንታኖየሳ ሮሮ ውለ ኤና ጳሎን ዳናዛራ የስካን ኮገሬ ካናንቴቢ ጐስኖ የስካሞ ኤናዛራ ባስኮ ማታን ኮጋሬና፡፡ 13 13. ወንድና ናና አና ጴስምናግያ ራታንቴ የሺጴካናንቴ ወትህ ዛግማሞ ሀንካም የሪ ብራዛራ ኮንምን ጰስምና ኤና ዋንጋንታ ግየ የቃብማ ካናንቴ ወትህ ዛልማሞ፡፡ 14 14. የሱስ ክጀዶንቤ ዴንጵንባራካ ክጳጳደንቤም ወቻደና የሱስካ ደሀንቴ ራታደናም ባሪያ ክላማ ክንካ አጐንታ ባአቴ ናአኔ ክናአድ፡፡ 15 15. ጌጳሳ አፎንካ ክናምና እጌየይ ወትህ ሳራንካ ደህና ጌጳሳ ናአዛራ ሽጳና ራታደናም ወትህ ብርሳማሞ፡፡ 16 16. ኖ ጌጳካም ኤልቅሞ ጌጳካ ባሪያሳ ኤርጐን ኤናሳ ጋራሳ ናቅስንካ ባሪያሳ ካለን ናቅስንካ ፓለንባራካ ክያንቻ ደንታካ የሱስ ክርስቶስካ ኤና ጃዳ ናካም ብራንቴ ጳጳና ኮጳጳይ፡፡ 17 17. አጋሳ ራሳባራ ወትህ ኪጳዳና ሳደንካ ደህና ጌጳምጳ ጴግ ቾቻናንቴ ክለማ ክንካ ሉፋንካ ቻኔ ወቻጳይ አጋካ ሀማንቴ ጌጳለማ ክንካ ለይ ቱንስ ቆለማ ዶንታንም ዶኔ ወደይ፡፡ 18 18. አጋታካ አፋ ካካ ክም ቻጳማቴ፡፡