ጳውሎስሳ አፓብራስ ተሰሎንቄ ኤናናንቴ ወያ 5

1 1. ወንዶና ናና በንናቤ አረፋናቤሳ የናንቴ ወርቀት ኡንቶ ዘግሳማሞ፡፡ 2 2. አጋካሞ ድብና ለትንካ ኮናአያግየ ጌጳሳካም ናእንደኖ ኦጐንታ ኮዶን የትህካም ጴስድና፡፡ 3 3. ኤና ፃልና ዋዘና ከያማን ሜካ ኮእፃጳንግያ አጐንታ ሴሳኖ ጴሳጱማ የዛራ ናአኔ ኮናአይ ካለካም ቆልሸማሞ፡፡ 4 4. ወንደን ናና ኮደን የትህ ኖራ አጋ ደብልያ የም ቃፅናንቴ ክያይና ፂፓሮ ትህማሞ የዶ፡፡ 5 5. ውትህ ፓይላ ፓካምንቤ ሮሮንቤ ናናኔህ፡፡ ወትህ ስትህንቤ ፂፍንቤ ጋንትህ ትህማሞ፡፡ 6 6. ታናንስ ፓካልጳማቴ የምካም ማንክማቴ ኤና ዋን ራታይናግያ የደናኖ፡፡ 7 7. ራታንይና ካም ስትህን ራታኔ ካራታይ ባሪያ ጳጰናካም ስትህን ባሪያጳኔ ኮባሪያጳይ፡፡ 8 8. ኮዶን ወትህ ሮሮን አራ ወደንታካ የሱስ ለማ ደንታንቤ ናሽማን አፓላ ወአርሳደግየ ፓስንቶን ጐደን የሳሜቴም ግሸካ ደማቴ፡፡ 9 9. ባሪያካሞ ፓሽንቶንም ጌጳ ወሳ የሱስ ክርስቶስካ ሀማንቴ ወየፈካናንቴና ዋጭናንቴ ቃባንቴ ንስሳድማሞ፡፡ 10 10. ወራትናካም ወቀይምናካም ክላማ ክንካ ሳደንካ ወደ ካናንቴ ኖ ወናንቴ ሀማንቴ ደይድና፡፡ 11 11. ሀያንተ ካሞ ታ ሀይቴ የድግያ ፓይላ ክም ሌስማቴ ኤያ ዋ ኤያዋም ክሌንሴ፡፡ 12 12. ወንድና ናና ታናንስ የሳ ባክሮጐ ዋቻጳንቴ ፎድማይናም ጌጳካ የሳ ጳባራን ደና የራ ጋርናም የጐቤካናንቴ የም ምስክድና ወትህ፡፡ 13 13. የስ ዋደማንሳ ናሽማካ ጐሽማቶ ክንካ ካም ፃልንካ ደማቴ፡፡ 14 14. ወነደንናናቶ ክናምናየም እክለይ ኤና ፎድማን ናሽምናም ጐርማቴ ኩሪታ ናም ካም ዋችሽማቴ ኤና ካንታን ቃጀናናንቴ ካም ዶንሸማቴ፡፡ 15 15. ኤድ ካለካሞ ዛርቦንም ዘርቦካ ማሳን ክጋሬ ካናንቴ ክልማቴ ኮደን ካም የትካሞ ክናንቴ ካሞ ኤና ዎንናንቴ ካም ፃልን ሮሮ ውል ሀያንቴ ቃብማቴ፡፡ 16 16. ሮሮ ውለ ዋዛ አፀማቴ፡፡ 17 17. ዋይሳ ቆልማ ምስክማቴ፡፡ 18 18. የሪ ውልካ ክም ጐሳማቴ ባሪያሳ ደንታኖ የሱስ ክርስቶስካ የናንቴ ኮኖና፡፡ 19 19. ኡስንሳ ኖንም የሹፋናኖ፡፡ 20 20. ባሪያሳ አፎን ብራዘራ ናአናንቴን ደንም የቦውናኖ፡፡ 21 21. የሪ ፓይላ ውልም ሽድማቴ ፃላም ካም ችማቴ፡፡ 22 22. የሪን ዘርቦን ውል ግዶርካ ፌልንጳማቴ፡፡ 23 23. ፃልንሳ እንባ ኖ ጌጳ ዎፓይላ ውልም ክጨሻርሶ የሳ ኡሳንቤ የሳ ሳዶንቤ የሳ ዋንቤም ጌጰ ዎሳ የሱስ ክርስቶስ ክናአን ዋጀንካ ሴሶቆልማ ደሀማቴ፡፡ 24 24. የም ስማጸ ጴሳጳጸና ኖካሞ ያኔ ክያያይ፡፡ 25 25. ወንደና ናናቶ ሀያንቴካሞ ዋናንቴ ካም ምስክማቴ፡፡ 26 26. ወንድና ናናቶ ፓይላ ውልቴ ጐይ ጋዛካ ክም ጌስማቴ፡፡ 27 27. አፎካሞ ወንድና ናና ውልናንቴ ጌይጴካናንቴ ጌጳ ናብንካ እንታ የም ምስክድና፡፡ 28 28. ጌጳ ዋሳ የሱስ ክርስቶስሳ ናሻማኖ የለማ ክንካ ኮዶ፡፡