1 1. ሀያንቴካም ደንሻጳን ወደን ደይድሞንታካ ዋዶጋዳ አቴናር ወጳር ወደይኖ ወናንቴ ፃልግያና ወሸደዶ፡፡ 2 2. የሱስ ቃቦና የሳ እሮጐ ኮሴጣናንቴቤ የምክክለ ካናንቴቤ ወንደን ናሳቤ የሱስ ክርስቶስሳ አፎንሳ ዋድማን ወላማ ክንካ ባሪያሳ ዋድማን ኤያ ጢሞቴዎስም ወትህ የናንቴ ይእስድና፡፡ 3 3. አጐኖካሞ ጋሎን ናአናንቴን ዶንካ ኤድ ካለካሞ ኩርትንጳን ኮጋሬ ወምካም ካማጳደኖ ኮናንቴ ኮደን የትህካሞ ጴስድና፡፡ 4 4. ይያማን የላማ ክንካ ወደን ዋደንካ ጋሎና ወዛራ ኮየስካደንም ሮሮውለ የናንቴ ጌይቴና እዶ፡፡ የጴሳደግያ አጐንታ ማትህድና፡፡ 5 5. አጋታካ ካለካም እንሻጳን እደን ኖደድምንታካ የሱስለማ የሳደንታን ደንም ጰሳናንቴና ኦጐምካም ይንታ ደንናንቴን እያያደኖ ጋልንሽን ኤያ ጋልንሳድም ዎጁኖ ወሳ ሱን ሸጳና ሀማንቴ እኩርትን ጳደን ናንቴና፡፡ 6 6. ኮደን ታሀ ጤሞቴዎስ የካለንካ ወዛራ ናደ የሱስሳ አፎንካ የሳ ደንታን ደንቤ የሳ ናሸማንቴ ሜርሜር ፃል ወም አሳርስድህና፡፡ ሀያንቴካሞ ዎም ሮሮ ውል ቃቦ ፃል የሳ ወናንቴ ኮዶግያ ወትህካም የምሀፍናንቴ ወዛጋየሚያ የትህካሞ ዋለማ ኬሪየናንቴ የዛጋይንም ወናንቴ ጌይጴዶና፡፡ 7 7. ወንዳንናናቶ ቃቦንካቤ ጋሎንካቤ ደንታን ሮሳ የሱስለማ ክንካ የደንካ ሀማንቴ የንካ ወትህ ሌምድና፡፡ 8 8. ጌጳካ ዎቻጳንቴ የወያዶንታካ ታናንስ ሳዶንካ ደኔ የሳይ፡፡ 9 9. የንካ ሀማንቴ ጌጳሳ ወትህሮገ ዋዛን እንፋደንናንቴ ባሪያንቴ ጐሽሀማ ግያማ እንጳን እንደንዮ? 10 10. ፍሪካሞ የምሀፋናንቴቤ ደንታን የሳ የሱስ ለማ ደንሳካሞ ጆጋደናም ፆአሳናንቴ ዋቻጳንቴ ሮሮንቤ ሶትንቤ ምስካኔ ወምስካይ፡፡ 11 11. ታካሞ ኖ ባሪያ ወንባቤ ጌጳወሳ የሱስ ክርስቶስ የዛክኔ ኤካናንቴ ጐይን ወሳም አሽካና ወአዶሻካዶ፡፡ 12 12. ወትህ የምወናሻያግየ የትህካም ክናንቴ የሳ ናሽማን ዶንም ኤና ዋንናንቴ የሳ ናስግንዶንም ጌጳ የናንቴ ክጳ ፂሴ ጴፂሳንቴካም ክሪሜ፡፡ 13 13. ጌጳ ዋሳ የሱስ ክርስቶስ ገዛናለማ ክናአን ዋደንካ ጌጳ ዎንባሳ ወትህሮጐ ኤና ሴሶን ቆልምና ገዛ ማታንቴ የዴካናንቴ ወይለም የሳም ክዋችሼ፡፡