ጳውሎስ አፎ አፈ ለንሳ ወያ 2

1 1. ወንደና ናናቶ የዛራ ወና አደኖ ሱን ካትህምንም የባራንካ ጲስድና፡፡ 2 2. የትህካም የጴሳዶግያ ካሳ ብራሮኬ ፊልጵስየስግዶር ጋሎን ጋላንቴ ኮደን ካም ዋም ናሳጴሚናካም ባሪያሳ አፎን የናንቴ ፔናያናንቴ ጌጳ ካለንካ ካንታን ወትህ ቻይድና፡፡ 3 3. ምስኮና ዋጭስካይና ጐደን ዛሪቦ ሮካ ቀቦንዛሪ በሮካቤ የም ታይሳናናንቴ ዘጋንቴ ትህማሞ፡፡ 4 4. ኮደን ካም አፎንም ኤልቅንጳዶግያ ቻናንቴ ባሪያ ዋም ዎች ሀያንቴ አና ክፍደደድና ግያ ማታንቴና ዋጴላቃይ፡፡ አጐም ካም የናንቴ ወአሻይካኖ ባሪያ ወሳ ወይለምን ሸደያናንቴና ኤና ከዋዝንጴካናንቴ ሀማንቴ ትህማሞ፡፡ 5 5. ውፓ ወገያድምንካም ወሳ ዘርባሞም ክጫናንቴ ዛጋድና ወትህ ምንም ካም የትህ ጴስድና አጋታካ ባሪያ ወሳ ማኝና፡፡ 6 6. የካለንካ ካም ኤና ዎንካ ባንካ ካም ወትህ ጐሻ ዛግማሞ ክርስቶስሳ ንዕሳድና ወደግያ የዛራ የሪ ውልመ ወትህ ዋችሸድማሞ፡፡ 7 7. ኮደን ካም ናሶ እንደ ካላ ናናም ኮማንካ ያገያ ወትህ ካም የሳ ባክሮጐ ፃልንካና ወዶ፡፡ 8 8. ባሪየሳ አፎን ሳጐ ጋራንቴ ሳደን ዎሳም ካውል ሳስካንቴ ወሳ እማዛራና ወትህ የምናሻድና ኦጐኖ ሀሪቴ የትህ ዎባራንካ ኤድ ፃልና፡፡ 9 9. ዋንደን ናናቶ የናንቴ ሀማንቴ ዎቃጀደንም የትህ ጲስድና ኤድ ካላዛራ ካሞ ሴሶ ዶን ኮጋሬ ካናንቴ ሮሮ ውል ባሪያሳ አፎን ወትህ ገይድና፡፡ 10 10. የትህ ኤና ኤሳ ራን ናሳ ባክሮጐ ደሃንቴ ሀስ ገዛምካ ሀያንቴካም ዛራባም ቆልማ ዋደይንም የትህሬም ባሪያካም ዋሳ ማኝና፡፡ 11 11. ኤድ ካላ ይሳናናንቴ ክቃባያግያ ወትህካም ክናንቴ ዋቡርቃጳይና ወደንም የትህካም ጰስድና፡፡ 12 12. ባሪያሳ ጌጳምንቤ ክሳ ጐሸንቤ ዛራ ልስንጳደና ዘጋጳንያግየ የዳ ካናንቴ የዋትጴ ካናንቤ የሌሚ ካናንቴቤ እንታ የም ሚስክድና፡፡ 13 13. ባሪያሳ አፎን ዋካለንካ ኤሳራንቴ የቻይን ዋደንካ የትህካሞ የጳሴካናንቴ ጐንጴ ክአሽካይንም ባሪያሳ አፎንስጐና ኤድ አፎግያ ያንቴ የቻድምንናንቴ ባሪያናንቴ ጐሽኖ ኮዶ፡፡ 14 14. እናናናቶ የሱስ ክርስቴስካ የደፔሮ ደሀና ባሪያሳ አኖናም የታካዶ እግናካም አደውድና ባራንካ ጋሎኖ ክዛራ ኮየሱካደግያ የዛራካም ኤደሀና የናራንካ ጋሎኖ የስክድና፡፡ 15 15. ከካሞ ጌጳዎሳ የሱስቤ ኤና ባሪያሳ አፎን ጌየይናቤም ድስድና ዋምካም አይትህድና ባሪያም ካም ዋዝንላድማሞ ኤድ ናሶ ውል ናንቴ ከዛሪቦና፡፡ 16 16. ኦጐሃካም ዛርስናና ጳቆን ጐደን አገያይንም ማራናንቴና ዳነታ አጐካ ቱን ስንዛራ ሰሶንም ሮሮ ውል ይዛራ ሻብቴና ኮዶ ዋጭኖካም ስዛፓይ ደንሳ ካምን ጳባራና ኮዶ፡፡ 17 17. ወንደና ናናቶ ኮደንካም ወትህ ወሳ ወደ ላምንካ ጋራንቴ ወሳ ብሸንካ የካለንካ ወፈወንጳ ደናካም ወሳ ናሽማን የናንቴ ደንካ ሀማንቴ ወትህ የሳም ሀፍናንቴ ወትህ ጌጵ ዛግደና፡፡ 18 18. የዛራካም ወትህ ናአናንቴ ዛግድና ጌጴካ እነታ ጳውሎስ ሮሮ ጳፋና ናአናንቴ አዛጋዶ ካደንካሞ ሜሽ አሳራን የድድና፡፡ 19 19. ጌጳ ወሳ የሱስ ክንና ወትህኖ ክሳ የራወሳ ይንዛሪን ቃምን የቁንፃ ደናቤ ዋዛንቤ ወሳቤ ወይካም ወሳ አክልላ ሀሙቴ? እግና የትህ ኤ? 20 20. ይያማንካም ወሳ ጐሻቤ ዋዛቤካምና፡፡