ወያ 1

1 1. ጳውሎስቤ ስላስቤ ጢሞቴዎስቤለማ ባሪያ ጌጳሳቤ የሱስ ክርስቶስካ ደና ተሰሎንቄ ኤና ባሪዮን አኖናንቴ ባሪያ ወንባ ጌጳቤ የሱስ ክርስቶስቤሳ ናሲማንቤ ፃለም ንቤ የናንቴ ኮዶ፡፡ 2 2. ወሳ ምስኮንካ ሮሮ ውል የምጳቅሳንቴ ባሪያም የውልናንቴና ወምስካ፡፡ 3 3. ዋድማኖ የሳጐንጴኖ ዋሳ ናሻማንጋን ጌጳዎሳ የሱስ ክና ስቶስም ካልንቼን ደንካ ሀፋጳዶን ዎቻምን የሳም ወንባ ጌጳሳ ወትሮ ሮሮ ውለ ቃባኔ ወቃባይ፡፡ 4 4. ባሪያሳ ናሳጳደና ወንደን ናና ኖ የም ክካማዶን ወትህ ጴስድና፡፡ 5 5. አጐኖካም ባሪያሳ አፎኖ የዛራ ከናአዶኖ ከንታካቤ ባሪያሳ ካንታን ገዛንካቤ ጴፋ ጴስንቶካና አፋካ ስምትህማሞ፡፡ ሀያንቴካም የናንቴ ሀማንቴ የሳ ባክሮጐ ሀምንታ ክዶን የትህጴስዶወ፡፡ 6 6. የትህ ወቤ ዋሳ ጌጳቤም ታክድና ጋሎ ዎች ኮሮስ ካደንካሞ አፎንም ባሪያሳ ካንታን ገዛንካ ሀማንቴ ዋዛካኔ የቻዶ፡፡ 7 7. አጋካ ሀልንቴ መቅደንያቤ ኢካ ያቤግዶር ባሪዮን አናደናናንቴ ጐይ ፃል ጳውድና፡፡ 8 8. ጌጳሳ አፎይ የካለንካ ውታንቴ መቅደንያቤ አካያቤ ግዶር ኤሳርጳዶ ሶጐ ትህማም ባር ያለማ የሳ ደንታን ፃል ዶንምካም ጴሳድና፡፡ 9 9. አጋታካ ወተህ የራ ካዛራ ካለካም ጴላቃናንቴ ዛግማሞ ዳ ቾችንቶ ሀሳማካው የቾቻደኖ ጐንጴንባ ጌጳቢይንደ ያለ ክንካ ደህናንቴ ሜሻን ጐንባሪንካ ባሪ ያዛራ የማታደንም ኬ ይጳር ጌየኔ ኬጌያደ፡፡ 10 10. ሀያንቴ ካም ጴንጵን ባራካ የጳሳቤ ፎላንግራ ናአያ ናሳም ዋጭን ናአናንቴን ዶሮካፎም ጳኦሻያ የሱስ ሀምንታ ካልቴ የዶንም ጌየኔ ከጌያይ፡፡