¹ 1. አናናቶ ካንታን ፋይላ የጫገናኖ የርካላ ሀያንቴ ካንታኖ ባሪያባራ ኮዳም ፃሊሼድማቴ ሐያንቴ ካም ፎንም ኤድ ጵፂ ፌንኮዛራ ናእድናና ሐንጰዶ፡፡ ² 2. ባሪያሣ ካንታን አጐንታካ ጴስድውይት ኢየሱስ ክርስቶስ ሽንካ ኪናአደግያ ካንታና ቻይና ፋይላ ባሪያባራና፡፡ ³ 3. ኢየሱስም ቻሚና ካንታና ካም ባሪያ ባራትማም ኪናአይን ኤሣርደና ክርስቶስም ናሽምና ካንታና እግና ኬሄና ታካም ሀያንቴ ፌንኮሮ ደይድና፡፡ ⁴ 4. ናናቶ ዶት ባሪያጋንትና ኬምካም ይት ባሽድና ሀያንቴ ካም የለማኪንካንደ ፌንኮሮ ዳናሣ ሣግና፡፡ ⁵ 5. ኬካም ፌን ኮጋንትና አንታካ ከሐሣዎዶኖ ፌን ከግያና ፌኖካም ኬናንቴ ኤሣራናካኤ ሣራይ፡፡ ⁶ 6. ውትካም ባሪየገንትና ባሪያም ጴሣደና ኬናንቴ ኤሣራና ኬኤሣራዶ ባሪያካ ደድምና ካም ኤሣርማም እግናካካም ካንታን ጐንጴናም ካንታን ፎገምን ገይናም ውት ጰስድና ኬሀማላዶ፡፡ ⁷ 7. ዎርያናቶ ናሽማኖ ባሪያባራና ውት ኪንካ ኪምዎናሼ ናሽይና ፋይላ ባሪያባራ ኬናአደንታካ ባሪያ ጴስድና፡፡ ⁸ 8. ናሽምናካም ሀያንቴ ባሪያም ጴስማም ባሪያ ናሽማና ኪዳይ፡፡ ⁹ 9. ባሪያ ናሽማን ባኪሮ ዎሣ ጾጳዎደን ይንታና ኮደ ውት ኪንካ ሀማንቴ ሣደንካ ወደይንካ ሀማንቴ ባሪያ ናሣ ካለስም ፌንኮዛራ ኬንሣዶ፡፡ ¹⁰ 10. ናሽማኖ ዶንታና ኮደይ ውት ባሪያም ዎናሀስ ዳግያትማሞ ኖሆ ኪናሻዳካና ሴሦን ዎሣም ሽያናንቴ ኮደንታካ ናሣም ኪንኢሣደ፡፡ ¹¹ 11. ዎንደና ናናቶ ባሪያም ከንታ ዎናሽና ውት ኪንካ ኪም ዎናሽይኖ ፃሊና፡፡ ¹² 12. ባሪያም ሐፋዳ ኤድካላ ካም ቆሊማም ውት ኪም ዎናሽና ካመ ባሪያ ዎዛራና ኪዳይ ናሽማኖ ካም ዎዛራ ካሎንና ኮደይ፡፡ ¹³ 13. ካንታን ቃናንቴ ኪእማደንታካ ውት ኪንካ ዎደንታካ ኖሆካም ዎንካ ኪዳን ውትጴስድና፡፡ ¹⁴ 14. ባሪያ ናሣም ፌን ከዘራ ኪጰአሼካናንቴ ሐማንቴ ኪንሣደን ውት ሐፋድና ዎሣ ማኝካ፡፡ ¹⁵ 15. ኢየሱስ ባሪያሣ ናሣ ኪደን ቻንቴ ማኝካ ፋይላ ባሪያካና ኬዳዶ ኖካም ባሪያካና ኪደይ፡፡ ¹⁶ 16. አጋታካ ባሪያ ዎናንቴ ኪሣ ናሽማሃ ዶንናም ውት ጴስድና ናሽማን ኪሣካም ውት ጰሶድና፡፡ ባሪያ ናሽማና ናሽማንካካም ኬደይ ባሪያካም ኪንካ ኪደይ፡፡ ¹⁷ 17. ፌን ከሮ ኪም ዎታካይንታካ ብቶን ሮራጋላ ዎዛንካና ወዳዶንታካ ናሽማኖ ደንታ ኮደና ባኪሮ ዎሣ ለዶና ኮደይ፡፡ ¹⁸ 18. ናሽማንካ ኩርታም ቆሊማም ናሽማን ፅሊንካም ኩርታምን ቡላቴ ጰባጰይ ኩሪያምኖ ጰባምንካ ኪንካ የድማንቴና ኮዳይ ኤድናሦሣ ናሽማኖ ለይዳማም፡፡ ¹⁹ 19. ኖሆ ብሪካ ናሽድና ዎም ውትካም ናሽናዎናሽዶ፡፡ ²⁰ 20. ሐውካም ባሪያም ናሽና እናሸ ሐማንተ እንደና ሣሚ ኪቶዛጰና ኖካም ፎጋም ኤድና ይያፋደ እንደናሣም ናሽማ ሐፋድማና ባሪያ ናሽናንቴ ደንደይማም፡፡ ²¹ 21. ኖካም ባሪያም ናሽዶና ፋይላ እንዳናናካም ናሽጰይን ፃሊና ኮደይ ሀማንቴ ቃበና ኪናም ኪእማዶ፡፡ *ባሪያናሣም ጫግንቶ፡፡