¹ 1. ኖ ዮሱስ ክርስቶስ ክዶን ጐንጴ ሀማንቴ ቻይና ውለ ባሪያ ባራ አጰጵና፤ እንካም ናሽየ ውል ናስምካሞ ኣጋንታ ናሽክናሻይ፡፡ ² 2. ባሪያም ዎናሽናቤ አፓን ክሳሀ ዎዳና ባሪያ ናናም ዎናሻይን አጋሀ ጴሳና ዎ ጴሳይ፣ ³ 3. ባሪያም ናሻኖ አፖንካ ክሳ ዳይንቶና፡፡ ክስ አፖን ጴላቅኖ ዋቺትማሞ፣ አጋ ሀርቴ ባሪያ ባራ አጳጳና ውል ፔን ጴላቅን ባሻናኬባሻይ፡፡ ፔን በሽይኖሞ ዎሳ ባሪያ ማላ ዳይንቶና፡፡ ^{4 5} 4. 5. የሱስ ባሪያ ናሳ ክዶን ጴሳያሳ ኦባራ ፔን በሻያ ሀውቴ? ⁶ 6. ኑንቆንቤ ማአስንቤሀ ናአዳኖ፤ የሱስ ክርስቶስና፡፡ ኖ ኑንቆቤ ማአስቤህ ሶጐ ናአድማሞ፡፡ ማኜ ማታይኖ ካንታኖ ጋዛኖና፤ ካንታኖ ጋዛኖ ጐንጴና ፡፡ ⁷ 7. አጋታሀ ዬራ ማኚና ማካምና ዳና፡፡ ⁸ 8. ኬሀም ካንታኖ ጋዛኖ፣ ኑንቆንቤ ማአስንቤ ኬ፡፡ ዬራ ማካምና ኪም ናሻና ኬናሸይ፡፡ ⁹ 9. ኤድሳ አፓም ዎኤሳድና ባሪያሳ አጋሃ ኦጐሳ ጳባራና፣ አጋ ናሳ ዩሳሳ ክጌያዳ አፓና፡፡ ¹⁰ 10. ባሪያ ናሳ ኤና ማታይና ውል ክሳ ዎይላምሮ ባሪያሳ ቃቦ ዳይድና፣ ኤድ ሀውካሞ ባሪያም ቻድማ ፓይላ ባሪያ ናሳ ዩሳሳ አፓ ክጌየዳ እቻም ጐንጴ ክያማድ ሞንታሀ ፓጋሞ ኤድ ማትድና፡፡ ¹¹ 11. አፓ ማኛሀሞ ካና፤ ባሪያ ዎናንቴ ሳዳን ጳቆን እምድና፣ አጋሀሞ ሳዳን ጳቆኖ ናሳባራና፡፡ ¹² 12. ኤያ ናሳሀ ዳ ሳዳ ክሳ ዳይድና፣ ኤያ ባሪያ ናሳ ቆልማ ሳዳ ክሳ ቆልማሞ፡፡ ¹³ 13. ባሪያ ናሳሀ ናባሀ ዩቲ ዳና፣ ሳዳ ጳቆ ዬሳ ኮዶን ዬጴሴሀ ናንቴ ካም ዬናንቴ እጌዬ፣ ¹⁴ 14. ባሪያ ዛራ ዩንካ ዎፄዳያ ጐያ ካና፤ ዬር ውልም ቃቦን ክኖንካ ዎኦየስና ኖ ኤስራ ክኤሳራይ፣ ¹⁵ 15. ዬራ ዎምስካይናም ፓይላ ዎናንቴ ክኤሳራይ ዎጴሳዳና፤ ዬራ ዎምስካዳና ምካም ዎቻዳግያ ውቲ ጴስድና፡፡ ¹⁶ 16. ኤድ ሀውከሞ እንዳናሳ ክሳ ሴሶ ዴንጵዛራ ዬስክስማ ክአሽክሳ ክያኘና ክናንቴ ክምስኬ፣ ባሪያሀም ሴሶ ዴንጵ ዛራ ዬስክስማ አሽካዳና ናንቴ ሳዳን እማና ክእማይ፡፡ ዴንጴዛራ ዬስክሳያ ሴሶሪም ዳይድና ዬራ አጋናንቴ ባሪያም ክምሥኬ እንታ ሀምማሞ፡፡ ¹⁷ 17. ዬር ጋሮ ፓይላ ሴሶና፣ አጳጵዛራ ዬስክስማሀሞ ሴሶ ዳይድና፡፡ ¹⁸ 18. ኤና ባሪያ በራ አጳጸና ፓይላ ሴሶ ክአሽክሞን ኮዶን ባሪያ ኪም ክባሻይን ዬር ዛሪቦ ሀሞ ኪም ኮላአስሞን ውቲ ጴስድና፡፡ ¹⁹ 19. ውቱ ባሪያ ባራ ዎዶን ፔኖ ጋላይሃ ፓይዛ ሜሽንሳ ቾባራ ኮደን ውቲ ጴስድና፡፡ ²⁰ 20. ባሪያ ናሳ ክናአዶን ጐንጳ ኪም ዎጴሴሀ ናንቴ ኖ ዎናንቴ ቃቦን ክእማዶን ውቲ ጴስድና ውትካሞ ናሳ ክሳ ጐንጳሀ ዳይድና፡፡ ሃ ጐንጳ ባሪያቤ ሳዳን ጳቃና፡፡ ²¹ 21. ናናቶ ፣ ዬም ሜሽንባራ ማርማቴ፡፡