¹ 1. ባሪያ ናና ሀማንቴ ወም ግስጵዶግያ አባ ጦስንተ ወናተ ክማዶን ናሺማኖ ሀማንታ ገጰቲ፡ ውትካሞ ይንታ ናና ክሳኔ፡፡ ኜኖ ባለፍኖ ኮኖካሞ ወም ኮጵሳሞኖካ ክም ይጵሳሞን ታካና፡፡ ² 2. እያሪያናቶ ሆይ ታሀ ወት ባርያ ናናኔን ብራንዘራ ሀር ወማታይንካሞ አካራ ጵውጵ ድማሞ፡፡ ኖካሞ ክያፍጵን ዋዶንካ ወትካሞ ሀፓና ወያፓይ፣ ክምካሞ ውታሃይንካሞ ውት ጵስድና፡፡ ³ 3. ክዘራካ ቃሞን ቁንግዶና ፓይላ ኖካሞ ገዛ ይዶንም ይጵር ይምካሞ ጫሪቅሽኛ ክጫሪሻይ፡፡ ⁴ 4. ሴሶንም አሽካህና ፓይላ ካያምንኝና ካአሽካይ፡፡ ሴሶ ራብሺና፤ ⁵ 5. ሴሶንም ካህሳናተ ኖካም ይምካሞ ክጵዋደን ጵስድና ይት ኖካሞ ሴሶ አሺካድ ማሞ፡፡ ⁶ 6. ክንካ ደሀና ኤና ሴሶ አሼክማም፣ ሴሶን አሸካይና ኤናካሞ ክም ሀፓድማሞ ወይካሞ ክም ጵስድማሞ፡፡ ⁷ 7. ናናቶ ሆይ ኤድ ካላካሞ የም ዘርበንዛሪ አሪሳን ክጋሬካናተ ፀል ወይማተ ኖ ገዛ ክደንም፣ ሳይን ጋዛን ጨጋይና እግና ጋዘናና፡፡ ⁸ 8. ዘርቦንም አሽካይና እግና ሜሻናባራካና፡፡ ኮደንካሞ ሜሻናሳ ብሪካ ዋድማኖ ሴሶ (ወድማ ዘርቦና)፡፡ ባሪያ ናናካ ይንታኖ ሜሽናሳ ዋድማንም ካሴስካናተና (ከካይሳካናተና)፡፡ ⁹ 9. ባሪያ ባሪንካ አጵጵይሀና ፓይላ የጌዘርቦ ወድማሞ፤ ክሳ ጵንታኖ (ካስኖ) እሮጐ ይሀና ኮደይ ባሪያ ባራንካ አጵጵደን ታካ ዘርቦን ዋድማናተካሞ ይንዶይማሞ፡፡ ¹⁰ 10. ባሪያ ናናቤ ሜሽና ናናቤም ከሚ ዕይንተ ይንካን ጵስጵይኖ ጐይና ኬስካሞ እግናና፡፡ ገዛን ዋድማና እንደንናካም ናሸሚና ፓይላ ባሪያ ባሪካትማሞ፡፡ ¹¹ 11. የኤስሪዶና ብራሮካ ካሪሳንተ፤ ውት ሶን ኮንካ ክም ናሺቶና ኮዘስካይ ሀማያ መርሚራ አጋ ኖና፡፡ ¹² 12. ዛርቦን ዋድማይናሳ ኤዶ ማታንቴ እንደንኖካም ይሳዶ ቃየን ግያ የማትናኖ፤ ሀጌናተ ክዶሳዴ? ኮይካሞ ዋድማኖ ክስካሞ ፓይላ ዘርቦና፤ እንደንናካ ዋድማኖካም ገዛ ክደን ታካና፡፡ ¹³ 13. እና ናናቶ ሆይ ኜኖ ባለፍኖ የም ኮቶዘጵና የየሪሻናኖ፡፡ ¹⁴ 14. ወንዶና ናናሚ ወናሻይን ታካ ይጵን ባራንካ (ካዬን ባራንካ) ሳይሎን ጰቆንዛራ ወስጋይንም ካም ውት ጵስድና፤ ናሺማን ቆልምና ፓይላ ይጵንሳ (ካዬንሳ እሮጐና) እሮጐና ካዶይ፡፡ ¹⁵ 15. ቶዘጵያ እንደን ናካም አጋካሞ እንይን ዮሳም ክይሳይሚያ ሽድማተ፤ ኤድንም ይሳይና ይንካን ለይሳ ይሀጵይን ሳደሀንም ከቆልሞንም ይትካሞ ጵስድና፡፡ ¹⁶ 16. ሳይሐን ይሳም የሱስ ክርስቶስ ወናተ ስኪካተ ክማይንታካ ናሽማኖ ሀር ኮይንም አጋካ ጵስና ወጵስይ፤ ውትካሞ ሰይሐን ዎስም ወዶና ናና ናተ ሀማንተ ስስካተ እምታና ኮዘስካይ፡፡ ¹⁷ 17. ኤድ ወድሞ ክዶሀካ እንደን ናሳ ክጋልካ ሀፓንተ ክቃባድምና ባሪያሳ ናሽማኖ ሀሳሀማንተታ ክላማ ክንካ ኮዴ? ¹⁸ 18. ናና እሳ ሆይ ልክካቤ ጐንጴካቤ ኮይ ቃበካቤ ወይላሞ ወስባሪካ ብላተ ክም ወናሼ፡፡ ¹⁹ 19. ውትካ ጐንጰካ ኤዳ ወደንካሞ ጐያ አጋካ ጵከና ወጵሳይ ወይላም ወሳካሞ ወትሮጐ ዋደና ወደይ፡፡ ²⁰ 20. አጐኖከሞ ወይላም ሮስካሞ ወዘራ ፍርጸጵባሪን ፓይላ ና፡፡ ባሪያ ወይላሞ ወሰካላካ ገጵና የሪውኪም ፓይላ ጵስድና፡፡ ²¹ 21. እና ናናቶ ሆይ ወይላም የሳ ፍርድማ ኮዶሀና ባሪያሳ ወትሮጐ ዞዝና ኮዶ፡፡ ²² 22. ትእዛዝንካሞ ወቶላ ይን ታካ ዋዝንሳም ዋዋድማይን ታካ የራ ወምሳካይናካሞ ፓይላ ክካላንካ ቻና ወቻይ፡፡ ²³ 23. ትእዘዝኖካሞ ናሳ የሱስ ክርስቶስ ወምስካካና ኖ ወናተ ክታገዶን ታካ ወትካሞ ካምካም ወና ሼና፡፡ ²⁴ 24. ትእዛዝናም ካሀለይና ፓይላ ክካካሞ ዶሀና ኬዳይ፤ ኖካሞ ኬላማ ክንካ ደሀና ክደሀይ፡፡ ወላም ክንካ ክይሸካሞ ታሀ ኮሽ ኖ ክዕማዶን ካንተካ ውት ጵስድና፡፡