¹ 1. ናና እሳ ካም የናንቴ ደናንቴ እጌያደኖ ሴሶን ሴሳን የጋሬ ካናንቴና ኮደንካም ኤድ ካለካም ሲሶ ኪሴሳፋና ጌጳካላንካ ክሳ ኬልሸ ኤድህ ይሀይድና አጋካም ጋዛስ የሱስ ክርስቶስና፡፡ ² 2. ኖካሞ ዎሳ ሴስንካ ሺጳንቸ ጐይና አጐኖካሞ ሴስን ፔሮን ዶን ፋይላ ውልምና ዎኖን ሶጐ ትህማሞ፡፡ ³ 3. ኤልቅምና ክሳካ ዎዋቻጳዶና አጋካ ክም ዎጳሳደን ወካላ ማይ ዶኔ ኮደይ፡ ⁴ 4. ዎትህ ክም ጳስድና ሀማንቴ ኤልቅምና ጐያ ክሳም ጫጋድማ ፎጋሞ ኤድና ክሳ እሮ ካሞ ጐንጴ ቆልማሞ፡፡ ⁵ 5. ኮደን ካሞ አፎን ክሳም ወኢሳርያ ዶና ጐንጴ ሪያሳ ናሽማኖ ወሳ እሮጐ ደኔ ኮደይ ክንካ ዎደንካሞ ወጳሳይኖ ኦጐካና፡፡ ⁶ 6. ኤድ ካለካሞ ክንካኔ እደይ ይያምና የሱስ ጐያሮ ክዋዬ፡፡ ⁷ 7. እያርያናሃ የናንቴ እጌየይኖ አልቅምና አና ብርንካሞ ደሀናና ኤልቅም ሀልትህማሞ ኢልቅምና አናጋይና አፍ የኤሳርደኔ፡፡ ⁸ 8. ኣባ የናንቴ እጌያያ ጽፍኖ ኮሳልካ ሮራ ጐጳሳ ሮጱቴ ክዶንታካ ኖካም የግዶር አልቅም ሀልና፡፡ ⁹ 9. ሮሮ ደህይድና ኮደን እንደናሳም ቶዛጳያ አጋተካሞ ጻፓሮና ክዶ፡፡ ¹⁰ 10. እንደሳም ናሻያ አጋ ሮሮነካና ክደይ ክግራንካ ኤድሞ ራስዛራ ማስንቶ ቆልማሞ፡፡ ¹¹ 11. ኮደን ካም እንደናሳም ቶዛጳያ አጋ ዱፓሮና ክዶ ጸፓሮ ክያያይ ጺፓኖካሞ ክሳ አፋን ከካይሳዶን ናንቴ ሀምዛራ ይያአን ካም ጴስማሞ፡፡ ¹² 12. ናና እሳ ሴሶኖ ሃብን ክሳካ የናንቴ ጋር ጰደንም ጌያኔ እጌያደ፡፡ ¹³ 13. አንባናቶ ብራሮ ካሳርስንቴ ደናም ኖ ክሳሴይንም የናንቴ ጌየኔ እጌየደ፡፡ የትህዎችና ዛርቦንም የባሽዶንተካ ጌየኔ እጌያደ፡፡ ናና እሳ ጌጳም የጴሳደን ናንቴ ጌያኔ እጌያይ፡፡ ¹⁴ 14. እነባናቶ ብራሮካ ካርሳንቴን ጸንም ከጴሳዶንተካ ጌየኔ እጌያይ፡፡ ባርሻና ዎች የዶን ታካ ባሪርየሳ አፎኖ የሳ እሮጐ ደሀንቴ ዛሪ ባምን ኮባሽንታካ ጌየኔ እጌየደ፡፡ ¹⁵ 15. ፔንቤ የራ ፔሮ ደሀናቤመ የናስናኖ ኤድህ ካለካሞ ፔን ክናሻያዶና ክሳ እሮጐ ጌጳሳ ናሻማኖ ቆልማሞ፡፡ ¹⁶ 16. አጋካሞ የራ ፔሮን ዳና ፓይላ አግርማቤ አፈአግ ረማቤ የሪ ፓይላ ውልም እንታ ጴስድና ሀምን ቶቤ እግና ፔሮካና ጌጳካለንካ ትህማሞ ከናአይ፡፡ ¹⁷ 17. ፔንቤ ኮሳ አግርማንቤ ሺጳኔ ኮሻጳይ ኮደን ባሪያሳ ቃባካ ደሀያ አጋ ደንታን ቱንስን ቆልምንና ኮዶሀይ፡፡ ¹⁸ 18. ናና እሳ ከኖ ዋደንሳ ቱንስና የኤሳርደግያ ክርስቶሳም ኤና ናሻምና ናአኔ ኬናአይ ታካም ጴፋካ ክርስቶስም ኤና ናሻምና እድና ዋደንሳ ቱንስ ኮደን ካም አጐካና ወጴሳይ፡፡ ¹⁹ 19. ኬ ዋሳ ባክሮካ ውትህድና ኮደናካም ኬቢዛ ወንትህ ትህማሞ እን ብዛ ወንትህ ይደና ወለማ ክንካ ወቻጳንጌ ደሀኔ ኬዶሀይያ ኮዶን ካሞ ፓይላ ውል ብዛ ወንትህ ይትሀሞን ታካ ወካለንካ ያስድና፡፡ ²⁰ 20.ኮደን የናንቴ ክሳ ካንታኖ ጋዛኖ ደይድና የትህ ፓይላ ውል ጐንጴን ጴስድና፡፡ ²¹ 21.እንታ የናንቴ ይናንቴን እጌየደኖ ጐንጴን የጴስማታካትህ ማሞ ኮደን ካሞ ጐንጴን የጴሴዶንታካ ጐንጳ ግዶሪካ ፎጋሞ ኮውትምን ታካና፡፡ ²² 22. ክርስቶስ ትህማሞ ሀማንቴ የሱስም እንታ ጴስማሞ ሀማያ አባራ ሀውቴ ፎጋምን ኤያ አጋካም እንባቤ ናስቤም እንታ ጴስማሞ ሀማያ አጋ ክርስቶስም ናሽማሞ፡፡ ²³ 23. ናሳም እንታ ጴስማሞ ሀማያካላ እምባካሞ ቆልማሞ ናሳም ኤሳራይና ውልካላ እንባ ዶይድና፡፡ ²⁴ 24. በራሮካ ካርሳንቴ የአሳርዶና የሳ ወይላመሮጐ ኬዴ ብራሮካ ካርሳንቴ የኤሳርዶና የሳ ወይለሞ ኬዶና የትሀካሞ ናሳቤ እንባቤካ ደሀኔ ሮደሀይ፡፡ ²⁵ 25. ኮኖ ኖካሞ ወናንቴ ክዕማዶኖ ሳዶኖ ለይን ዶይኖና፡፡ ²⁶ 26. ኤና የም ጐይን ዛርቦን ይዕሳናንቴ ዛጋይናናንቴ ክናም እንታ ጌዶድና፡፡ ²⁷ 27. ኮዶን የትህ ክካለንካ የቻዶን ካንታን የሳ እሮጐ ከደንታካ ኤድህ ካለካሞ የም ክተማርሴካ ናንቴ ዛልሰማሞ ኮዶን ካሞ ጐንጴንም ፎጋምን ትህምንም ካንታኖ ክሳ የሪ ውልም የም ኮታማናሴ ካናንቴ አጐኖካሞ ጐጴና ፎጋሞ ኮትህምንም የትህካም የታማሪ ሳዶልየ ክንካ ደሀማቴ፡፡ ²⁸ 28. ናና እሳ ታ ናንስ ኖ ክናአን ዋደንካ ክሳ ወትህሮጐ ክርትጴን ጋራንናንቴ ፎቻጴንቴ ክንካ ጸሀማቴ፡፡ ²⁹ 29. ኖ ገዛ ክዶን የጴሳዶና ገዛምን ጐይን ያአይና ፓይላ ክካለንካ አጳጳዶን የትሀ ጴስድና፡፡