1 አጋታካ ኤድ ፋይለ ውሊ ኢየሱስ ክርስቶስሳ ዎድማ አድቤ ባርያሣ ሐሣዎንበ አደራ ዴድኪሣ ዎደን ኤና ኬጴሣደና ፃሊና ኮደይ፡፡ 2 አደራን ኤና ኪሣካም ጋዛደግያካም የራም ሐፋጵዶ ደንደያና ኬደንደያደ፡፡ 3 የሰራ ካም ጋራንቴ ኤናካም ፑጫንቴ ብቶን ኬታኪና እንታ አባራንካ ግድ ቆሊማሞ እንታ እዘራ ካም ብቶን ታኪማም፡፡ 4 ዴንታኖ አሣካ ፃሊና ኮደ ሴሦን ከለማ ኪንካ ደናንቴ እንታ ዘግማም እዛራካም ብቶን ታካያ ባርያ ጌጰና፡፡ 5 አጋታካ ሮሮና ኤየሰኪማ የርካለካም ይንታ ሐምድና የሐምናኖ ኪሣ ናኣም ከሊማቴ ኖሆ ሦትዛራ ሐማንቴ የም ሮሮንዘራ ቡለና ኪቡለደ ኤናሣ ወይለምሮ ደንካም ቃበን ጳዎናኪጰዎደ የራ አጋካ ኤና ፋይለ ባርያናንቴ ይዘጋግያ ጎሽን እማነኬእማዶ፡፡ 6 አጋታካ እናናቶ የሣ ጥቅምናንቴ ሐማንቴ የራ ካካ ሐማንቴ እንታ እቤ አጳውሎስቤም ምሣሌ ሐያንቴ ሐሣውማቴ ከምካም ሐያደና ፃፍናና ሐማንቴ የሣግናኖ ሐማንቴ ዎዘራ የርሊም ሼድማቴ አጋታካ ኤያዎም ኤናሣ አባራ ሐያንቴ የሼድናኖ፡፡ 7 ሐያንቴካም ሐም ኤናዎንሣ ሣግ ሐዴካናንቴ ሐያደ ሐውቴ ሐቻድምኖ ሐንትን ደድምን የርን ካለካ ሐውቴ ሐማደ ቻንቴካም ቻድማግያ ሐርናንቴ ሐዜርሜ፡፡ 8 ታሀይ የናንቴ ዛግሣና የራምዶት ፋይለ የሐፋዱው ወድምካም ይትማትድው ቃካለንካካም ይት እድንቴ ካም ጎንጴ ብት የማታናቤ ውትካም የለማኪንካ ብቶዎማታደና ፃሊና ኮደይ፡፡ 9 ሐያንቴካም ባርያ ዎሆ ዎድማን ኤናዛራ ብቶን ዴንጵገንቴ ታካጰደና ኤናግያ ኤድውሊ ቱንስሮ ሐያንቴ ዎም ኪሣሊፋሣደዶያና ፌን ኮሮ ፋይለ ኤርጎን ኤናሣካም ፑጫና ከማተዶን ሐያንቴዎም ኪሣሊፋሣደዶያና ፌን ኮሮ ፈፋይለ ኤርጎን ኤናሣካም ኤናሣካም ፑጫና ከማታዶ፡፡ 10 ውት የካላ ኢየሱስ ክርስቶስካ ሐማንቴ ማሊግምናይት ፉር ኢየሱስ ክርስቶስካ ሚሊትና ውትፉር ዴገናና ይት ፉር ጎሸጰደናና ውትዎኒ በውጰደናና፡፡ 11 ሣአተ ካሣ ይስካዛራ ደቃጳናዎቃጰይ በካርጰናዎ ጉሮካምና ቃደየይ ጰጰካና ዎጰጰይ ብሸሮካም የር ዎድማና ዎያያዶ፡፡ 12 አን ዎሣካ አሸካንቴ ቃጀና ዎቃጀይ ዋም አሽጲናካም ዎም ጎሽና ጎሸጰደዎ አደታንቴ ኬያዶና ካም ደንሽና ዎደንሻይ፡፡ 13 ናብዎሣካም ኬሴሰናካም ውት ኬናንቴ ፃሊንና ዎቃባዶ አናካካርንቴ ፌንኮሳ የርን ዛርቦን ዱቅቴና ዎደ፡፡ 14 ኮም የናንቴ እጻፎደኖ ናና እሣ ናሸጰደናግያ ሐያንቴ የም ኪለናንቴ የም በኪንሣናንቴ ትማም እቃባደ፡፡ 15 ካለካም ከቆሊምና ካም ሸህ ተግድያ ሐያንቴ ፈይደጰናካም እንደና ኬሣ ምጌዝትና ሐኒጰይ ኢየሱስ ክርስቶስ ለማ ኪንካ ኬደናካም እባ ጵፂ ኬሳ ቆሊማም ኢየሱስ ክርስቶስሣ ሐሣዎንካ ሐማንቴ እንታ የም አጲድና፡፡ 16 አጋታካ እም የታኬካናንቴ እንታ የም ምስኪድና፡፡ 17 ይንታ ኮደካና ጌጰ ኢየሱስሣ ናሸጰያም ናሣ ባርዩን ጎደን ጫገያ ጢምነትዎስም የናንቴ እዶሳደ ይንታ ኮደካና ኖካም ራቅናግደር ደና ባርዩን አኖናም ፋይለ ኪታማርሣደና ታማርናም ኪለማ ኪነካ ኪሣ አፎን ናሸይናም ኢየሱስ ክርስቶስ ለማ ኪንካ ሣደዎሣናንቴ ቃበን ዎናንቴ እምቴንደና አጋ፡፡ 18 የሣዎኒካላ የዘራ ማታቴ እንማግያና ሐማንቴው ጌይጰደው፡፡ 19 ይንታካም ኮደናካም ጌጰሣ ቃቦካ ሐማንቴ የዛራ ዶካ ናአነ እናአደ ሐያንቴካም እግና ፎርናሣ ጳለቃጰይናም ሦጎ ትማም ሐምንታካም ካንታካ ዴደናካ ሐፋናንቴ ዘጋና እዛጋደ፡፡ 20 አጋታካ ባርያ ኦኖኖ ሐሣዎራቅ ኮዳድምንታካ ባርያሣ ካንታን ሐሣዎደኖና ኮደዶ፡፡ 21 ሐያንቴ ካም ይት የዘገያ ሐማቴ ምሆ ጆሮ ባአንቴ ኪኔካናንቴ ምሆ ሸዎምቤ ናሽማሌሣ ካንታካው፡፡