1 ባኪሮ የሣ ዛሪበ ደይድና ሐማንቴና ጎንጴ ሐሣውቴ ዳአጰደ አጎንታ ሐምኖ ሴሦኖ ኤና ኤናም ዴሣይና ካለካ የር ዶንማ ሐፋንቴካም ውት ጴስማም እባ ሜንና ኬማንቴደ ኤድ ደይድናና ሐንጰደ፡፡ 2 ሐያንቴካም ይትብራንቴ ጌይድና ደንታ ሐማንቴ ካም ይንታ ከደካም የናንቴ ሐሣዎስ ቡቃጲና የርን ኮም አሸካደ ኤያም ባኪሮ የሣ ኪም የቡደና ፃሊና ኮደይ፡፡ 3 እንታ የለማኪነክካ እደድምና ካም ባርያሣ ካንታንካ የለማ ኪንካና እደ የለማ ኪንካ ደግያ ማታንቴ የርንኮም አሸካዳ ኤያ ዛራ ታኪዶንታና እፋርደይ፡፡ 4 ኪካላ ፑጫንቴ የሐሣዎደና ሮሮናካም እንታ የለማኪንካ ባርያሣ ካታንካ ሐማንቴ የማ እደንታካ ጌጰ ኢየሱስ ናብንካ ሐማንቴ ባኪሮ የሣደናካም ጌጰዎሣ ኢየሱስ ካንታንካ ሐማንቴ ኢቃባደ፡፡ 5 ዎኖዎሣ ኮካያንታካ ሣደኖዎሣ ባርያ ሮራጋላ ከጰቃይንካ ሐማንቴ ይንታ ሐምና ሜሽናንቴና እማጰደ፡፡ 6 ቃደንታኖ የሣ ፃሊትማም ኮደይ እርሽ ቄታ ቡካጵፂ ከቡካዶን ይት ጴሣየው፡፡ 7 ታሀኪን ደናግያ እርሽና ኬደንታካ ፋይለ ውሊ ቡካ ሐሊ ኬደንታካ ቡካን ጌጮን ቡሊማቴዎሣ ሐላ ኢያታ ኢየሱስ ክርስቶስ ጰጵድና፡፡ 8 አጋታካ በአሊኖ እስብራዘራ ከዴካናቴ ሐይማ የርን ዘሪቦን ደንግር ደያፃደኖ እርሽናም ጌችናም ጋሬንቴ እርሽ ደንግድር ይቆሊማ ባላሽ ጎንጴካቤ ፃሊ ሐያንቴ ጎሽ ዎእማደ፡፡ 9 እም ቤርሣዶናለማኪንካ ሐያንቴ እሣቃቦም የናንቴ ፃፋናንቴ እደ፡፡ 10 አጋታካ ኬሣ የርውሊም ፋይለ ታሀ ፌንኮሮ የርን ዘርቦን አሸካጰደን ባርዩ ሐያንቴ ምስካ ይናለምኪንካ ሐማንቴ የአሸኪናኖ ትማም ሐንጰደ አጎንታም ከደና ፌን ከሮ ካን የካ ያደኖ ፃሊና ኮደይ፡፡ 11 የርካለካ ሐያንቴ ታሀኮም ፃፈደ እንታ የንደናሣና ሐማሐም የም ጎደን ዘርበን ይሣደናቤ ሱን ደባራ ደናቤ የርን አሸካጰደን ምስካይናቤ አርማይናቤ ባርያጳይናቤ ኤናም ሣራዶና ለማኪነክካ ሐማንቴ የደናኖ አጎንታ ደናለማ ኪንካካም ደአኖካም የእስኖ፡፡ 12 ባርዩን አኖንሣ አበራ ዳና ኤና ዘራብቶን እንታ ካለካም ደንደይማም ባርዩን አኖንሣ እሮጎ ዳና ኤና ዛራ ይትካም ብቶን ታኪማም፡፡ 13 ባርዩን አኖንሣ አባራን ደና ዛራ ካም ብቶን ታካያ ባርያ ሶጎና ኪደይ አጋታካ ኤና ዘርቦናምካ የሣ ባኮሮካ ቡሊማቴ፡፡