ቆሮንቶስ ኡንኩሣ 3

1 እናናቶ ኢየሱስ ክርስቶ ካላ ታናሦ ዎደንታካ አጋታካ እንታ ኤድናሶግያና እያሣዎይ እንታ ባርዩ ኤድግያ ማታንቴ ሐሣውጰይን ደንዳይማም፡፡ 2 ታሀ አካራ የጌጰጲምንታካ ራፂ ኮደንታካ ደአኖ ፃሊይት እስድማም ታካም ይት አካራና የደ፡፡ 3 4 3 ታካም ይት ኤድናሦና የሣ ባኪሮካም አግር ማቤ ዜርማቤ ደይድና አጋታካ ይት ኤድናሦ ታዶይው የአሽካደና ዎድማና ፋይለ ኤድናሠ ጋንትታደዮው፡፡ 5 5 ደንታካም ከደናካ አጵሎስ ኖሆ ሐርቴ ጳውሎስካም ኖሆ ሐውቴ ባርያ ጌጰዎናንቴ ካላካላ ኪእማ ደንካ ሐማንቴ አሸካደና ባርያሣ ደድማን ኤናና ይትካም ባርያዛራ የማታደኖ ኪንካ ሐማንቴና፡፡ 6 እንታ ሐቃስም እኮራኳ አጵሎስ ኑንቆን ኪውሸደ ጌሻደካም ባርያና፡፡ 7 አጋታካ ጌጵሣያካም ባርና ኪዳይ ኮራያካም ኪዴ ኑንቆን ውሽያካም ትማም ኬደይ፡፡ 8 ከራያካም ኪደና ውሽያለማ ኪንካ ካለና ዴደይ ኬይጰይጰር እሣዎድማና ሣይአሽካደናካ ሐማንቴ ሽሊማትን ዴያፈደ፡፡ 9 ውት ባርያ ለማካንካ ሐማንቴና ወአሸካይ ይትካም ባርያሣ ሐምቴና የደ ባርያሣ የት አኖናይት፡፡ 10 ባርያሣ እናንቴ አንጰደን ናሽማንና ኤድካለ አኖን አሽካያ ሐማግያ አኖን ይካርሰና ወንካ ኬሣ ጳባራ ኬአሽካይ የርካላ ፉር ሐያንቴ ዎን ኬሣካም ሐምንታ ይአሽካይን ፃሊ ኬቃቢና ከደዶ፡፡ 11 ሐያንቴካ ሐዩካለ ካርሣጲና ካርሣጰንሣ አብ ፍር ካርሣጲና ደንደያ ኤድካለካም ቆሊማም አጋ ከርሣጰደ ኢየሱስ ኪርስቶስና፡፡ 12 ኤድ ካለካም ኮሆ አሸካጳንዘራ ወርቄካም ብርሬ ጎሸጰካም ሱንካም ሸቆንቤ ሐቃንካቤ ወሊጫን ቤካና ኬጫራግሸይ፡፡ 13 ዋድማኖ ኮኖ ሐምንታ ደንታ ኮደኖ ሐናቴ ሐፋጰ ድሐፋጰደ አጋታካ ሮራ አጋ ሮሮረንዛራ ባአቶ ናአናኪና አይ ኖንካ ከቃጰንታካ ፋይለ ኤናሣ ዎድማኖ ሐምንታ ከደን ኬም ይን ፈትሽጰያ ሮሮና ኪያዶ፡፡ 14 ሐውካ ኪአሸካዳ ዎድማስ ኪአሽኪምና ሽሊማተን ሐፍናኪያሐደ፡፡ 15 ዎድማን አሽካድማ ኤያ ፉር ሽሊማት ኪናንቴ እነጲማም ኖሆ ፉርደዛራ ጰገሣና ኪጰደ ሣዶ ዶንታ ከደናካም ናሐ ሐርገንትቴ ጋሎ ኖንሣ እካ ሣጋያግያ ደኖ አጎኖ፡፡ 16 ዶት የባራንካ ባርያሣ አኖን ጋንት የደንታካ ባርያሣ ካንታኖ የግደር ከደን ይት ጴሣይዮው፡፡ 17 ኤድ ሐውካ ባርዩንአኖን ከከሰና ባርያካ ኤያ አጋም ኮሣናኪኮሣይ አገታካ ባርያሣ አኖኖ ጫራግ ከደንታካ ኦጎኖ ባርያ አኖኖ የንትና፡፡ 18 ኤድ ካለካም ይም ታዶሣን ኪሬ የግደርካ ኤድላካም ዴንኮሮ ሐም ማታናንቴ ይዛግና ሐም ይደንካ ሐማንቴ ዶም ማሊግምግያ ኪሼዴ፡፡ 19 ፌን ኮሣ ሐማምኖ ባርያሣ ዎትሮጎ ማሊግንታምና ዶንታ ሐማንቴ ፃፍጳንታካ ኖ ይባራንካ ጋሮን ኤናም የደናኪየደዶ፡፡ 20 ራቃዎባራ ፉር ካም ባርያ ጌጳ ኤና ሐምናሣቃቦም ፈይደ ቆሊማ ኮደን ኖሆ ጴስድና ሐማንቴ ፃፋጲና፡፡ 21 ይንታካም ከደናካም ኤድናሦካ ሐማንቴካም የርውሊም የንትና ከዳዶ፡፡ 22 ጳውሎካም ኪደናካም አጵሎቤ ኬፋአለምቤ ኬደናካም ሣዳንቤ ዴንጵንቤታሀደንቤ እስብራንዘራ ናአናንቴ ደን የርን ፋይል የንት ከደዶ፡፡ 23 ይትካም ኢየሱስ ክርስቶስ ጋንትና ኢየሱስ ክስቶስካም ባርያጋንትና፡፡