ቆሮንቶስ ኡንሣ 15

1 ታሃ ካም እያርያናቶ የናንተ እጌያዳናቤ የኤሣርደቤም ሐያንቴካም ዋቻጰንቴ ዶናንቴ የዎደን ወንጌልን የናንቴ እጌያደናንቴ ሐማንቴ ናሽና እሽ የም፡፡ 2 የናንቴ ኤጌያደና ቃናም ፃሊ ሐያንቴ የድና ወንጌሊን ከካ ፋሽና የፋሽይ አጎንታ ኮደድሚና ዎሼዳዶኖ ሱንና ኮደይ፡፡ 3 እንታ እቻደ ፋይለ ውሊሣ ጳባራንደምና የናንቴ እንታ ሣስኪድና ጫራግና ፃፋና ኬጌያያካደና ኢየሱስ ክርስቶስ ሴሶን የኖንካና ኪጀደ፡፡ 4 ዱካጲና ሐማንቴ ጫርግናሣ ማጣፉሮ ፃፈጰግያ ሮራ ማኪንሣ ጳጰደና ኪጳጳይ ሐማንቴ ጌይጰ ዳግያ፡፡ 5 ሐያንቴካም ካፋ ናንቴ ኪያፋንጰደ ፉርካም ተጵለማናናንቴ ኪያፋንጰደ፡፡ 6 ሐያንቴ ፉርከም ማቶ ደንግሣ ጳባራንደናናንቴ ሐርያናትን ሐዩካለ ኪያፋንጳደ ሐየንቴካም ጴፉካካም ዎን ሣደንካ ደይድና ዎን ኬሣካም ራትድና፡፡ 7 ሐያንቴ ፈፉር ያይቆብናንቴ ኪያፋንጳዳ ፋርካም ሐዋርያትና ፋይለንቴ ኪያፋንጰደ፡፡ 8 ፋይለ ውሊሣ ቱንስሮጎ ጋሊግያ ሐያንቴ ሼደጰያ እናንቴካም ፉር ሐፋንጲድና፡፡ 9 እንታ ሐዋርያት ሐንጰይናሣ ፋይለ ውሊሣ ቾባራ ደሀ ሐርያትና ሐማንቴ የግስምናካም እንታ ኬለማ የኪንጲማም ሐይጰካና እንታ ባርያ አኖን ሴሦ እሴሣደንታና፡፡ 10 የር እንታ ኮደናካም ባርያሣ ፀጋንካ ታሀ ደናግያ እንታካም ማትድና እናንቴ ካም አንጰደን ፀፋኖ ሱን ደማም አጋታካ ፋይለ ውሊሣ ጰባራ እንታ አሽኪድና የርካለ ፉር አንታትማም እለማኪንካ ደሣ ባርያሣ ፀጋኖና አጎኖ፡፡ 11 ሐያንቴ አንታካም እደና ኖካም ኪሣብካይና እግናምና ይትካም የቻደ ኪምና፡፡ 12 ኢየሱስ ክርስቶ ዴንጵን ባራካ ይሣ ጰደ ኪሣብካያ ና የሣ ቃን ኬሣ ሐማኖ ሐስ ኤድ ዴንጵንባራካ ጳጳያ ቆሊማምና ኬሐማደ፡፡ 13 ዴንጵባራካ ጳጳ ኮቆሊምና ኢየሱስ ክርስቶስ አጎ ጰጰድማምይ ሐንጰደ፡፡ 14 ኢየሱስ ክርስቶስ ኪጰጵድምና ዎሣብካኖ ቃሊኖ ዎጋ ቆሊማም እምናትኖ ዎሣካም ሱንና ኮደይ 15 አጎሣ ሣግ ባሪያ እየሱስ ክርስቶስም ዴንጵን ባራካ ጰስድና ሐማን ፎጋም ኤድው ዎዳይ ውት ባርያሣ ማኝና ኪሚ የስኪድና ዴንጵንባራካ ኬጰድምና ኢየሱስ ክርስቶካም ጰድማም አጎ፡፡ 16 አጋታካ ዴንጵን ባራካ ኢየሱስ ክርስቶስካም አጎ ጰጰድማም፡፡ 17 ኢየሱስ ክርስቶስ ዴንጵንባራከ ኪጰጰድምና ምስከኖ ዎሣ አጎሱንና ይትካም ካውሊ የሣ ሴሦን ባራካ ውታድማምይ፡፡ 18 አጎንታ ከደና ኢየሱስ ክርስቶስካ ሐማንቴ ቃም ቁንፃደ ካይድና ሐንጰይ፡፡ 19 ኢየሱስ ክርስቶስዛራ ቃም ዎቁንፂቴና ዎደ ሣደን ኮናንቴ ሦጎ ከደና ኤድናሦ ካምና ካንታን ዎዴሣዶ፡፡ 20 ሐያንቴካም ኢየሱስ ክርስቶስ ኪራታደግያ ፈይለ ቃያንቴ ወደከ ዴንጵን ባራካ ኪጰጰደ፡፡ 21 ዴንጵኖ ራቅ ካላባራ ሦጎ ኮናአደንታካ ዴንጵንሣ ጰጰኖ ኤድካላ ባራ ሦጎና ከማታደ፡፡ 22 ኤድኖ ፋይለ አደምካ ሐማንቴ አጀንታካ አጎንታ ኤድኖ ፋይለ ክርስቶስካም ሕያዎን ኪማታደ፡፡ 23 የር ካለፋር ዎንካም ታራን ይኖካ ኬማታደ ብርካ ቃያንቴ ይደሮካ ሐያንቴ ኢየሱስ ክርስቶስ ራስባራ ኪንና ክርስቶስ ጋይና፡፡ 24 ሐያንቴ ደሽናደንቤ ካንቃንቤ ጌጰምንቤም ፋይለ ካደሣንቴ ቤሬ ዎዳን አጎካና ቱንስን ኮሣም ኪያፈደ፡፡ 25 ጋለ ፋይላ ፍሣ ራን በኪሮ ይሣ ሐያዛራ ጌጳምን ኪቻና ሊኪ ኮደይ፡፡ 26 ኪካይሣይና ካም ቱንስኖ ኬሣካም ጋለሣ ዴንጵና አጎኖ፡፡ 27 የር ውሊም ዶ ናርባኪሮ አርስድናን ሐንጰይ ሐያንቴ ፉር የርውሊም ሽንድና ሐንጰይ የርውሊካም ኢየሱስ ክርስቶስሣ ራንባኪሮ ኬአርዴካናንቴ ሐይድና ባርያ ኪናንቴ ጎሽ ኪእሜ ካናንቴ ማይ ኪያያደ፡፡ 28 ውሊም ኪናንቶ ሸንሸቴ ፉር ባርያካም ፋይለ ውሊ ኬዴካናንቴ ባርያ ይባራንካ ፉር ፋይለውሊም ኪሽን ሽደንታካ ኪናንቴ ኬሽን ሜካናንቴ ኪያያደ፡፡ 29 ዴንጵ ከቆሊሚናቤ ኤና ጀደናንቴ ሐማንቴ ኑንቆንካ ሸይጰደናናንቴ ሐር ኬሐያዴ ጀደና ካለካም ኬጰጵማና ኤና ኪናንቴ ሐማንቴ ሐርናንቴ ኑንቆንካ ኬሸይጴ 30 ውት ዎደናካም ሮሮውሊ ዛርበኖ ዎዛራ ከየስካደኖ ሐርናንቴቴ፡፡ 31 እያርያናት እንታ ሮሮውሊ ጀና አጀይ እግናምካም ጌጰ ኢየሱስ ክርስቶስ የዛራ እሣ ቃባ ዳም እንታ ጴስድና፡፡ 32 ኤፉሦን ናንቴ ሐማንቴ ሣራዊትናለማ እማሽማይን ኤናሦናንቴ ቃቦ እማ ሦጎ ከደና ትርፋኖ እሣ ሐርቴ ጀደና ኪጰጵምና ሣካ እጀንታካ ውጫና እውጫ እሣናኪሣይ የጌያደናዎደይ፡፡ 33 የጰንብናኖ ሐርያም ዛርቦ ፀባይን ፃሊንና ኮሴሣደ፡፡ 34 ቃቦና ፃሊናዛራ ማትማቴ ሴሦንካም የአሽኪናኖ ባርያም ጴስምና ደይድና እግና ይንታ እማይኖ የሚ ኬሣናንቴና፡፡ 35 36 35 የርካላ ፉር ጀይና ሐስ ኬጴጴ ናአይናካም ብሽ ሐሣማካ ደቴ ሐማንቴ ጌያያ ኤድደይድው፡፡ 35 የርካላ ፉር ጀይና ሐስ ኬጰጴ ናአይናካም ብሽ ሐሣማካ ደቴ ሐማንቴ ጌያያ ኤድ ደይድው፡፡ 36 ያሀ ዴንጳካ ሐጵያይኖ ኮጀድምና ያሀ ሣደ ሐፋማም፡፡ 37 ያሀ ሐጰያይኖ ስንዴ ወይ ሐይናት ዎና ጴንታ ሦጎና ሐንጲና እስብራንዛራ ሐፈይኖ ብሽታየው፡፡ 38 ባርያ ቃቦ ይሣካ ዎማደና እማና ኪማይ ጴንታ ዎጵያደናሣ ሜቴ ሜቴ ኖሆ ብሽኬሣም አምና ኬእማዶ፡፡ 39 ብሽኖ ፋይለ ካለትማም ኤድሦሣ ብሸኖ ካለና ደብናጋዶኖ ብሽኖ ዎንና ካራና ጋይኖ ዎኖካም ሐይናት ዎናና፡፡ 40 ሐያንቴካም ፎላንገይናሣካም ብሸኖ ደይድና ፌን ጋይሣካም ብሸኖ ደይድና ሐያንቴካም ፎለንጋይናሣ ኪብርኖረካም ካለን ፌንገይናሣካም ኪብርኖ ዎናዎናና፡፡ 41 ሐዩንጋዶኖ ካም ፉር ክብርኖ ሐይናት ካለና አርፋን ጋይኖ ኪብርኖ ካም ሐይናት ዎናና ኤዝናገይኖካም ፉር ዎናና ኤዝንታ ዎጋይኖ ክብርኖ ኤዝንታ ዎካለ ዎናና ኮደይ፡፡ 42 ጀይናሣ ዴንታኖካም አጎንታና ኮደይ ጫፋይኖ ብሸኖጵያና ድጰይ ጫፋማ ብሽ ደሀንቴ ይደና ጰጰና ኪጰጰይ 43 ቦኪጰካ ጵጲና ክብርካ ኪጰጰይ ቃጀካ ጵጲና ካንታንካና ኪጰጰደ፡፡ 44 ባርያሣ ዎደጰደና ብሽና ድያና ጵጵዶ ባርያሳ ብሽኖ ካንታንካ ደኖ ጰጰና ኮጰይ ባርያሣ ዎደጰደኖ ብሽኖ ኮደና ባርያሣ ካንታኖካም አጎ ደይድና፡፡ 45 አጋታካ አናራስ ኤያ አዳም ሣደኖ ኪሣ ለይና ኮደይ ሐማንቴና ፀፋጰደ ራስባራንገንታ አዳም ካም ሣደን እማያ ኡስና ኪማታደ፡፡ 46 የርካለፉር ብራንቴ ዲናአኖ ባርዩ ማታቴ ትማም ኪናአደ ኤድናሦ ማታንቴና ኪናአደ ሐይጰኳና ባርያ አጋሳ አራ ኪናአደ፡፡ 47 ኤያ ብራስ ፌን ኮሮና ሐፋጰደ ፌን ኮጋንትና ኖሆ ራስባራን ጋንታ ፎለን ባራካና፡፡ 48 ፌን ኮሮ ዳናካም ፌን ኮጋንትና ፎለሮ ዳናካም ፎለንጋንትና ኬዳይ፡፡ 49 ፌን ኮጋይ ኤና ብሽንካ ኬዳግያ ፎለንገይና ኤና ካም ብሽንካና ኬደይ፡፡ 50 እያርያነቶ ኪናም የናንቴ ጌያና ኤጌያዶ ዎቤማሽስቤ ባርዩን አኖን አርድማም ካያዶናካም ካይምና ካም አርድማም፡፡ 51 ታሀ ምስጥር ካለ የናንቴ ጌያና ኤጌያይ ውት ፋይለ ውሊ ራትማም ሐያንቴካም አስኪማናአስ ኪማይ፡፡ 52 እግና ይንታ ኬሐማይኖ ጹሩንባስ ቱንሣሚ ፑጋጲናና ኬርሦካ አፋሣ ቤርባምካና ኮደይ ጹሩንባስም ፑገጲ ጃደና ጫፋምናካም ጰጰና ኬጰጰይ ውትካም እኪማና ዎአስ ኪማደ፡፡ 53 ካያደና ካም ኮደምናካም ጀይካም ጂሚና ካም አፋል ኬጳኪጴካናንቴ ኬሐየያ ፃሊና፡፡ 54 ካያዶና ከይምናም ጀይና ጅሚናካም ኬጰኪጰይን ዋዳኖ ዴንጵኖ ዎዘንካ ካይድና ሐማንቴ ፃፋጲና ቃሊኖካ ማቃና ኮማቃይ፡፡ 55 ሐያንቴ ካም ዴንጵዩ ሐሣ ዎዛኖ ቆላ ዴንጵዩ ደርጎኖ ሐሣ ሐንታ ኮዴ፡፡ 56 ዴንጵንሣ ደርጎኖ ሴሦና ሴሦንሣካም ካንታኖ ደንብና፡፡ 57 የርካለካም ፉር ጌጰ ዎሣ ኢየሱስ ክርስቶስናንቴ ዎዛንኮም እማደናንቴ ባርያናንቴ ጎሸኖ ኮዴ፡፡ 58 አጋታካ ነሽጲና አያርያናቶ ዎቻጰንቴ ዎዶማቴ የርካለካም የሐምናኖ ጌጰሣ ዎድማናም ሮሮውሊ አሽኪማቴ ሐያንቴካም ጌጰናንቴ ሮሮውሊ የአሽካይኖ ሱን ዳን ከጋሬ ይት ጴስድና፡፡