ቆሮንቶስ ኡንሣ 14

1 ሽማንናም ጫግማቴ ባርያሣ ካንታን የናንቴ አንጰደን ካም ዎካም ፉር ትንብትንካም ጴለቃናንቴ የናንቴ አንጰደን ዎቻጰንቴ ዛግማቴ፡፡ 2 ሊሣን አፎን ጴለቃያ ባርያና ሐንጴና ኤድና ሦናንቴ ጌይጲማም ምስጥርን ግያ ደካም ባርያሣ ካንታን ኬጴለቃይንታካ ኪም ኬሊሽ ካም ቆሊማም፡፡ 3 ትንቢትንካም ሐሣዎያካም ዎንካም ሴሶንባራካ ኬውቴካናንቴቤ ኬፋካሊጴካናቴቤ ኬሌሜካናቴቤ ኤድናሦ ናንቴ ኬቡርቃጴካናንቴና፡፡ 4 ሊሣንን ጴለቃያ ካም ዶም ሌሦንካራካ ኪቡለደ ትንቢትን ሐሣዎያካም ፉር ባርያ አኖንና ጫራግንሽ 5 ይት ፋይለውሊ ሊሳንን ጴለቃያ የደና ናሽና እናሽይ የም ካሣ ባሽካም ትንቢትን ይሐሣውና የም ናሽና እናሻይ ባርያ አኖንካም ፃሊ ያየካናንቴ ሊሣን ጴላቃያ ኤያካም ይያሣዎደናም ኪቶርግማ ድምና ሊሣን ሐሣዎናንቴ ትንብትን ሐሣዎያ ሣግና፡፡ 6 ታ እናናቶ የዛራ እናአያ ሮሮራም የናንቴ ኪም ማይ ወይካም ኪም የናንቴ ጴስንታካም ወይካም ትንብትካካም ታማርካካም የናንቴ ሊሣንካም ጌይጰድምናካም ጌይጰደናካም ዎናንቴ ሐር ከአሸኬ፡፡ 7 ዎሽንትቤ ግያደናቤ በገና ያሉ ሐኒጰና ሣደንቆምና የራ ካም ናቅስ ይሣም ካቻ ሐያንቴ ዎና ኬደኖ ዎርሣን ዎንካላ ሐሥ ሐያንቴ ጴሣጴ፡፡ 8 ሐያንቴካም ፁሪንባስ ሊኪን ዳድማ ኤሎኖ ኪሣ ፃሊ ከኤርምና ባንቆናንቴ ሐሲ ሼከጴ፡፡ 9 ይትካም አጎንታና የደው የግደርካ ፈይደ ቆሊማ ሐሣዎ ኮውታድምና የሐሣዎደናም ሐውቴ ጳቅሣያ ግባሮንናቴ የሐሣዎያና ኮታካደ፡፡ 10 ታሀ ፌን ኮሮ አፎ ዎናዎና ጵፂ ደይድና ትርጉም ቆሊማ አፎ ቆሊማም፡፡ 11 አጋታካ ታሀ ኤድካላ ይያሣዎዶን አፎንሣ ትርጉምን ኮሣም ይጴስምና ዶናንቴ ኪያሣዎያ ኪሣ ቾቻና ኪደይ ኖካም ኪሣ ቾቻና ኪማታደ፡፡ 12 13 12 ይትካም አጎንታና የደው ባርያሣ ካንታን የናንቴ እንጰደን ሐፋናንቴ ዘጋደና የደንታካ ባርያ አኖን ጫራግሽናንቴ የናንቴ እማጰደን ኮሣ አባራ ሐፋናንቴ ዘግማቴ አጋታካ ሊሣንን አፎንካ ሐሣዎያ ኤያ ዶያሠዎደናም ቶርግሚን ኮሣም ጴሣናንቴ ኪፃሊዩ፡፡ 14 14 ሊሣንንካ ኪፃሊያን ዎደንካካም ካንታኖ እሣ ፃሊያና ከፃሊያዶ ሜቴኖ እሣ የር ካለካም ቆሊማሞ፡፡ 15 አጋታካ የር ሐር እአሽኬ ካንታንካ ፃሊያና እፃሊያዶ ሜቴ እሣካም ፃሊያና እፃሊያደ ካንታንካ እሣካም ዎርሣን ጲሣና እጰሣዶ ሜን እሣካም ዎርሣን ጳሣና እጰሣደ፡፡ 16 ይንታ ከዳድሚና ካም ባርያሣ ካንታናም የጎሸኖ ዎደንካ ጎሽንሣ ቾቻ ደሀ ኤያ ያሀ ሐጴላቃይናም ፃሊ ኪኤሣራድምና ሐስ ሐያንቴ ይሚስካይን አጎም አማን ሐንጰይን ኪጴሴ፡፡ 17 ያሀ ሐናንቴ ኮአርደያ ጎያካ ጎሽን ሐይማይ ኤናዎን ሐስ ሀማንቴ ኬጫራግሜ፡፡ 18 የውሊግደር ሣጋ ሊሣንንካ ኪጴለቃይንታካና ባርያናንቴ ጎሽኖ ከዴ፡፡ 19 የር ካለ ፉር ባርን አኖንሣ እሮጎ ዎንም ታማርሣናንቴ ሽህ ተጵ ቃሊ ሊሣን ጴለቃይናሣ ሳግ ቃሊ ደንግሦጎ ሜቴ ዶሣካ ኬጴለቅና ጻሊና ኮደይ፡፡ 20 አያርያናቶ እኪለደና ናና የማትናኖ የርዛርበናንቴ ናሦ ማትማቴ የናንቴ እጌያደና ሐሣዎና ግደር ካም ኤድ ጌጵ ማትማቴ፡፡ 21 ዳንብንካ ይንታ ሐማንቴና ፃፈጳደ አፎን ኬሣካ ቾቻን ደና ኤና ባዕዳ ኤናናንቴ አፎ እሣካ ኤድን ከናንቴ ጌያና እጌያይ አጎንታ ኮደናካም ኤሣርማም እናንቴ ና ኪያማደ ጌጰ፡፡ 22 ሊሣን አፎኖ ጰለቃጰዶኖ ኤናባርዩን ጎይን ጫግምናናቴና ሐንጲ ኤና ባጎደን ጫገናናቴ ትማም ትብትኖካም ኤን ባርያ ጎይን ጫገዶናናቴና ሐንጲ ጫምናናቴ ትማም፡፡ 23 አጋታካ ባርዩን አኖን ጋደና ኤና ፋይለ ውሊ ኪንካ ፑጫንቴ ሊሣንን አፎን ጴለቅቴ ኬደካ ቾቻና ወይ ባርዩን ጎደን ጫግምና ኤና ይንና ኪና ባርያጲና ሐማይደው፡፡ 24 ፋይለውሊ ትንብትን አፎን ጴለቅቴ ኬደካ ቾቻካላ ወይ ማእምናናሣ ኤድካ ኪአርድና ፋይለ ውሊግ ዛርቦና ኪያማይ ምሆ ውሊምታ ኖሆ ማርሚራ፡፡ 25 ወይለምሮ ኪሳ ካያንቴ ደሀ የራ ካም ደቃና ኪጳቃና ኪጳቃይ ሐይንቴካም ባርያካም ጎንጴ ባኪሮ የሣ ደይድና ሐማንቴ ምጫ ኩፍ ሐማንቴ ባርያናንቴ ኪሣግደይ፡፡ 26 ዎርያናቶ ታሀ ሐር ዎሜ የፑጫይን ዎደንካ ፈፋለ ውሊካላ ዎርሣ ደይድና ታማርካም ደይድና ሐፋጰካም ደይድና ሊሣን አፎኖካም ዳይድና ቱርጉምሮ ካም ደይድና ኢግና ፋይለውሊ ጫራግድ ኮማቴ፡፡ 27 ሊሣናን አፎን ጴለቃያ ይዳናካም ለማ ወደ ጴፋና ሐንጲና ማካም ታራታራካ ኬጴለቄ ዎንካም ኬቶርግሜ፡፡ 28 ተርዓማያ ኤያካም ጉበዶን ዎሣ ባኪሮ ለይና ኪደይ ይናንቴቤ ባርያናንቴቤና ኪያሣ ዎዶ፡፡ 29 ለማ ወደማካም ነብይና ኬጴለቄ ዎንካም ይጴለቃደናም ፃሊ ሐያንቴ ኬሼዴ፡፡ 30 ደርቃ ዳናሣ ባኪሮ ኤድካላ የርካላ ኪናንቴ ከሐፋንጲ ብራንቴ ጴለቃደ ለይ ኪዴ፡፡ 31 ይት ፋይለ ካለካላ ሐምንታ የማርደን ይትፋይል ኪም የኪሌካናንቴ ይት ፋይለውሊ ታራታራካ ትንብት አፎናም ሐሣውጰደ ዳንዳያና የንደያይ፡፡ 32 ነብናጋይና ሜሽና ነብናናቴ ኤሣራና ኬሣራይ፡፡ 33 ባርያ ፃሊን ገንትና ሐንጲና ዛርበንጋንት ትማም ጫራግና ባርዩን አኖና ፋይለ አጎንታና ኬደው፡፡ 34 34 ማናካም ጉባዶንሣ እሮጎ ለይኬዲ ደንብንሣ ጌይጰይኖ ኤርጎ ቻያና ሐንጲና ኬሐሣዌ ካናንቴ ትማም፡፡ 35 35 ማናካም የር ካለካለም ጴሣናንቴ ይዛግና አንጌና ዶሣካላ አኖሮጎ ኬአይሴ አጎንታ ሐንጰደኖ ሜና ጉባይንሣ እሮጎ ላይኬዲ ደንብንሣ ጌይጰደኖ ኤርጎ ቻያና ሐንጲና ኬሓዌ ካናንቴ ትማም፡፡ 35 ማናካም የር ካለካም ጴሣናንቴ ይዛግና አንጌና ደሣ ካላ አኖሮጎ ኬአይሤ አጎንታ ሐንጰደኖ ሜና ጉባይንሣ እሮጎ ከሐሣውና የር በኪንሣያና አጎኖ፡፡ 36 36 ባርያሣ ቃሊኖ ኮውታደኖ የባራንካና ወይካ ከየሰካ ደኖ የዛራ ሦጎው ሐንጰደ፡፡ 37 ሐውካም እንታ ናብና ሐማያካም ወይካም ባርያሣ ካንታኖ እናንቴ አንጰደኖ ደይድና ሐማያ ይደናካም አጎም ፃፋደካም ጌጰሣ ትዛዝ ኮደን ኪጴሣ፡፡ 38 እግናም ጴስማ ይዳናካም ኖካም ጴሣጲማም፡፡ 39 አጋታካ ዋርያናቶ ትንብትን አፎናም ሐሣዎናንቴ ዛግማቴ ሊሣንን አፎንካም የሐሣዌ ካናንቴ የም ማርጲማም፡፡ 40 የር ውሊ ካም ፃሊካ ኮዴ፡፡