1 ኤናቤ ኤርጎን ኤናቤ ሊሣን ሐንጰይን አፎንናም ኬጴለቅና ናሽማ ከቆሊምና ቆርቆሮ አለታያቤናሦ ሐሽኪማያና የማታደ፡፡ 2 ትንቢት አፎ እጴሌቄካ እናንቴ አንጰደ ከደና ምስጥርንካም ውሊ ኮሣ ኡቃትንለም ኪንካ እጴሣዳና ጌማርታም ራቃሮ እስኪድንሣ ምስከ እሣ ኮደናካም ናሽማ ከቆሊምና ሱንና ኮደይ፡፡ 3 እሣደና ፋይለ ኩፋናናንቴ እምና ብሽ እሣ ኮአቴካናንቴ ኖን ናንቴ እምና ናሽማ እሣ ከቆሊምና አግማም፡፡ 4 ናሽማኖ የር ደንሽያን ሐያንቴካም ፃሊና ናሽማኖ ኪም ቶዛጲማም ናሽማኖ ጳገ ዛግስማም ንሽማኖ ፎራም ገንትትማም ኮደይ፡፡ 5 የር ሊኪ ዳድማየር አሽኪማም ዶምሦጎ ናሽያ ዳማም ጳገስማም ሴሦም የርግያ ሼድማም፡፡ 6 ናሽመኖ የር ጎንጴለማ ኪንካና ኮደይ ሐንጲና ዎጭለማ ኪንካ ፃሊ ደማም፡፡ 7 ናሽመኖ ሮሮውሊ ደንሽና ኮደንሻይ ሮሮውሊ ጎንጴና ከሐማይ ሮሮውሊ አጎንታና ከደይ ሮሮውሊ ዎቻጰንቴና ኮዎያደ፡፡ 8 10 8 ናሽማኖ ካለካም ድንማም የር ካላ ፉር ትንቢት ይዳናካም ፎግንሣና ፎግንሣጰይ ሊሣን ይደናካም ሸጰና ከሸጰይ ውቀት ኮደናካም ገራናገርጰይ፡፡ 9 9 ሐያንቴካም ውት ዎጴሣደኖ ኪናንቴ ካሽና ትንብትንካም ሐሣዎካም አጎንታና ኪካሻይ፡፡ የርካለ ፉር ጎንጰ ሐንጰያ ኪንና ሌሌ ካሽቴን ሐደኖካም ፎግንሣጰ፡፡ 11 ናሦ እደን ናሦ ግያ ሐሣውቴና እደ ናሦግያካም ቃብቴና እደ ጌጰንቴና ናሣምን የርናም አገራደ፡፡ 12 ታሀ ሼድቴ እደኖ ሼደያግደር ኤድይም ሼደያግያና እማታደ አጎካ አና አጎንታናኪም ሼድቴ ዎደ ታሀውት ዎጴሣደኖ ኪናንቴ ቃባና አና አጎካ እንታ አባራንካ ውሊከሣም ጴሣጰደናም ፋይለ እንታ ጴዳጳደናም ፋይላ እንታ ጴስድና፡፡ 13 አጋታካ ምስከቤ ናሽማቤ ቃምቁንፃቤ የርማካም እግና ዎቻጰንቴ ለዶና ኮደይ እግናግደር ሣጋ ናሽማና፡፡