1 እናናቶ ታሀካም ይት ባርዩን ሐሣዎንሣ እማጰ ኮሣም ይት ጴሣናንቴ ይት ዘጋደዩው፡፡ 2 ጋሮን ኤናሣ ደአጰደን ዎዳንካ ካም ካባራቤ ሣባራቤ ሀምናም አይታንቴ ያዶቴ ኬደናም የርን አንንካ አሽኪድን ኬሣም የቻደንናም ይት ጴሣዶዩው፡፡ 3 አጋታካ ሐውካም ባርያሣ ካንታንካ ሐሣዎያ ካም ኢየሱስ ካላ አሸጰኳና ኪደይ ሐማያ የር ቆሊማም አጎንታካም ባርያሣ ካንታንካ ዳማ ከሺጲና ሐውካም ኢየሱስግያ ጌጵና ሐማያ የር ከቆሊምን ውትየናንቴ ጌያና ዎጌያደ፡፡ 4 እማጰደና ከይንካም ዎንዎና ኬደንታካ ባርያ ካንታኖ ፉር ካለና ኮደ፡፡ 5 ዎድማኖካም ዎናዎን ኮደንታካ ጌጰ ፉር ካለና ኪደ፡፡ 6 አሽኪንቶኖካም ዎናዎና ከደን ውሊምካ ፋይለ ውሊምካም አሸካያካም ፉር ለይንደያ ባርያ ካሦና ኪደይ፡፡ 7 የርካለ ፉር ባርያሣ ኡስኖ ጋዘኖ ደናንቴ ከሐፋጰያ ኤና ውሊሣ ጥቅምናንቴ ሐማንቴና፡፡ 8 ካላናንቴካም ባርያሣ አፎን ዎቻምንና ኪጴላቄካናንቴና አማጰይ ዎንንቴ ካም ፉር አጎንታ ባርዩን ሐሣዎን ኪፔሌቄካናንቴ አማጰደ፡፡ 9 ካለፕንቴ ካም አጎንታ ባርያሣ ካንታን ኪቼካናንቴ አማጰይ ዎናንቴካም ፉርዎናንቴ አማጰደግያና እሚንቶን እማጰይ፡፡ 10 ካለናንቴ ካም የር ፃሊ ኪአሸኬካናንቴ ዎናንቴካም ባርዩን አፎን ኪያሣዎካናንቴና እማጰይ ዎናንቴ ካም ፉር ሜሽናም ኪአይቴ ካናንቴና አማጰይ ካለናንቴካም ፉር ባርዩን አፎን ፎንጴ ኪጴ ለቄካናንቴና አማጳይ ዎናንቴካም ፉር ባርዩን አፎናም ኤናናንቴ ኪቶር ግሜካናንቴና እማጰይ፡፡ 11 ኢና ፋይለ ኪኖአሣ ካለሣ ካንታንሣ አምንቶ ከደንታካ ኤናናንቴ ኖሆ ካለካላ ይቃባደግያና ኪእማይ፡፡ 12 ኤድ ካላሣ ብሸኖ ጴፋካ ፋይላ ኮደናካም ብሽካለና ከዳይ የር ካላፋርብሸኖ ጴፉ ከደናካም ብሸኖ ካለና ኢየሱስ ክርስቶስካም አጎንታና ኪደደ፡፡ 13 አይሁድ ኤድቤ ግርክ ኤድቤ ዎደና ከይስ ወይ ኤድ ጫዎ ዎደናካም ውት ፋይለ ብሽ ካለ ዎደንታካ ቃበካላካ ዎም ሸይጲድና ውት ፋይለ ቃበ ካለካ ዋው ጨካናንቴ እማጲድና ዎናንቴ፡፡ 14 ብሸን ኮም ኮሣ አሸካጲኖ ብሽ ጰፂባራና ሐንጲና ብሽ ካላባራ ትማም፡፡ 15 ራንቤ እቤ እንኖካም ከደድምንታካ ብሽ እንት ትማምደ እያማዶ ሐማንቴ አጌዶና ብሽን እሣሣዎን ሸጲድና ሐማንቴ እጌያዶ፡፡ 16 ቃም ኖካም እኖ አፋኖ እንት ኮደድሚናካም ብኖካም ብሸንሣ ባካለታይዩው ዶንታ ሐማንቴ እጌዶና ሸጰ ከሸጰይ ብሺኖ፡፡ 17 ብሸኖ ፋይለ አፈዶ ኮደና ኤሣራዶናም ሐንታ ሐፋጴ ብሸኖካም ፋይለ ቃምካ ኮደና ጋንሣዶናም ሐንታ ሐፋጴ፡፡ 18 የርካለ ፉር ባርያ ይናሽግደያ ይዘጋደ ራቃሮ ፋይለ ውሊም ኪአሸካደ፡፡ 19 ፋይል ውሊካም ብሽ ካለ ከደና ብሸንካም ራቅ ሐንታ ሐፋጴ፡፡ 20 አጋታካ ብሸንሣ ኮደናካም ድፂ ኮደናካም ብሽኖካም ካለና፡፡ 21 አንቤ አፋቤ እናንቴ ዝሰማም ሐማንቴ ደንደይማም ሜቴቤራንቤካም እናንቴ ዛግስማም ሐማናንቴካም ደንደይማም፡፡ 22 አጋታካ ቃጅና ሐማንቴ የጌያዶና ብሽንሣ ኮደና ዘግሣነና ኬዘግሣይ ኤድናንቴ፡፡ 23 በውምን ታካይና ብሽናንቴ ጎሽ ሣግ ኬናንቴ እማናቃእማዶ ሐያንቴካም ዎአጰደ ና ኤናካም ፃሊ ሐያንቴ ዎሼዴ፡፡ 24 ዎሐፈደና ኮደናካም ዛግስማም ሐማንቴ ጌያን ዎጋሬ ባርያ ካም ፉር ብሸናም ካለ ሐያንቴ አሸካንቴ ጎሽን ቆሊምናናንቴ ጎሽካ ኬዴካናንቴ ኪእማደ፡፡ 25 እግና ካም ደንታ ኪያደኖ ብሸኖ ዎናዎና ደን ኮገሬ ሐማንቴና ኪናንቴካም ኬቃቤካናንቴና ሐማንቴና ኪጌያደ፡፡ 26 ብሽንሣ ራቅ ካላ ኪቡርቃጲ ናካም ፋይለውሊና ቡቃጰደና ብሽካለ ጎሽካ ኪደና ብሽን ዎንካም ኪንካ ዎዛና ከደደ፡፡ 27 ታሀ ይትካም ኢየሱስ ክርስቶስ ለማ ካለና ይት ፋይለው ብሽ ኪሣሣ ባካለና ናይት፡፡ 28 ባርያ አኖንሣ እሮጎ ብራስ ሐዋርያት ለምሣ ነብያት ሐንጰያ መኪንሣ አስተማርና እግንዛራ ጉስና የርን ቃባጲምን አሽካደና ባርያሣ ካንታን ደናንቴ አንጰደና ኤና ዎንካም ኬሊሼካናንቴ ባርያሣ ዎደጴና ኤና ዎንካም ፉር ኤና ጻሊ ኬማንኬካናንቴ ባርያሣ እማጰዳና ዎናዎና ባርያሣ አፎን ጴለቃዶናም ዎደጲድና፡፡ 29 ፋይለ ሁሊ ዎድማን ኤናና ሁሊከም ነብያትና ናቤ አስተማርናቤና ኬሄ ፋይለ ውሊካም የርውሊም አሸካና ኬአሽካዶ፡፡ 30 ፋይለ ውሊካም ባርያሣ ካንታን ኬናንቴ አንጲድና ፋይለ ውሊናንቴ ካም ኬጴለቄ ካናንቴ ካም አታጵን እንጵድና ውሊ ኮሣካም ቶርግማና ኬቶርግማደ፡፡ 31 የር ካለ ፉር ውሊሣ ሣግ እምንቶ ፃሊ ዛግማቴ፡፡