ቆሮንቶስ ኡንሣ 11

1 እንታ ኢየሱስ ክርስቶሣ ዎድማን እጫጋያግያ ይትካም እኖናም ጫግማቴ፡፡ 2 የርውሊካካም የቃባደንታካ እካላንካም የኤሣራደና ታማርናካም ፃሊ ሐያንቴ የኤሣርደንታካ ባር የናንቴ ከእሜ፡፡ 3 የርከም የጴሤካናንቴና ናሽና እናሻይ አንጌና ሐንጰይናሣ ፋይለ ሜቴሮንዳ ኢየሱስ ክርስቶስና ሜናሣካም ሜትሮን ዳያ አንጋና ኢየሱስ ክርስቶሣ ሜትሮንደካም ባርያና፡፡ 4 ይም ካም ኪጫንቴ ባርያም ምስካያ ካም ትንብትንካም ኤድ አንጌ ሐውካም ጳለቃያ ይደናካም ይደናካም ኖሆ ይጳር ይምና ኪምኝሣዳ፡፡ 5 ይምካም ኪጭማ ባርያም ምስካይኖ ኤስኖ ትንብትንካም ጴለቃይኖ ሜ ሐውካም ይደናካም ነሀ ይጳርና ዶምካም ኮምኝሣደ ስት ከሣም ሐደጵገያና ይም ከሼዳይ፡፡ 6 ሜና ሦካላ ደም ኪጭም ይደና ስትዶሣም ይታካጰደን ካም ይደጰደንካም ሐፋንቴ ኮም በኪንሣ ያግና ሐያንቴና ኮሼደይ ሐያንቴካም ይምካም ከኪጫዶ፡፡ 7 ኤድ አንጌካላ ይም ኪጫን ኪጋሬ ኤና አንጌናካም ባርያሣ ጰደንሦገንትቤ ኪሣ ጎሽገንትቤና ሜናካም ፉር አንጌናሣ ጎሸገንትና፡፡ 8 ይንታ ኮም ሐይጰደኖካም ሜናሦም እንጌባራ ሐፈጰደንታካና እንጅ አንጌናሦም ሜባራካ ሐፋጲማም፡፡ 9 ሐያንቴካም ሜናሦ አንጌናንቴና ኮም አሽካጰደ እንጅ አንጌም ሜናንቴ አሸካጰድማም፡፡ 10 ሐሣዎና ኪናካ ሐምንቴ ኤርጎን ኤናካም ሐማንቴ ሜናሦ ጌጰምሣ ችባራ ይደንናም ናይዘራ ከሼዴ፡፡ 11 ጌጰ ቃበንካካም ሜናሦ አንጌ ቆሊማ አንገካም ሜቆማ ደሐማም፡፡ 12 ሜናሦ አንጌባራንካ ሐፋጰንታካ አንጌና ፋይላ ማናባራንካ አጰጰንታካ የራውሊ ካም ፋይለ ኬሐፈጰደኖ ካም ባርያናንቴ፡፡ 13 ይንደ ይትካም ሼድማቴ ሜናሦ ዶም ኪጭም ባርያም ምስካናንቴ ደንደይማም፡፡ 14 አንጌ ካለ ሲት ይሣም ኪጉድጵሲና ቃዱስ ደግያ አሽካጳኖካም ታማር እማም፡፡ 15 ሜናሦ ካም ስት ደሣም ከጉድጵስናካም ከናንቴ ጎሽ ዳማም ስትኖ ጉድጰኖ ከናንቴ እንጰደኖ ደንካ ከሹቴካናንቴና ከዳይ፡፡ 16 አጋታካ ሐሣዎና ኪናካ ሐማንቴ ኤድካላካም ዜርማናንቴ ደዛግናካም ውትካም ዎደና ካም ባርያሣ አኖና ፌውሊግደር ደናካም ኪናሣ አባራ አሽኪቴ ዎደ ቆሊማም፡፡ 17 የራ ዶናንቴ የፑጫይና ካም የናንቴ ዛሪቦና ኮደይ ዋናንቴካም ጣቅማያ የር ትማም ትዛዝና ኪናም ካም እምማ ዎምካም ጎሽቴካም ደድማም ኬሄ፡፡ 18 ውሊሣ ካም ብርሣንቴ ባርዩን አጥሮጎ የሐሣዎደና ሮሮናካም ባኪሮ የሣካም የር ፃሊ ከዳድምን እንታ ኤሣርድና እግና ይንታ ኬዳያም እንታ ጴስድና፡፡ 19 ባኪሮ የሣካም ጎንጲኖ ቆሊማ ከደን ጴሣዲዳንካ ሐማንቴ አጎኖ ባኪሮ የሣካም የር ፃሊ ከደድምን አንታ ኤሣርድን እግና ይንታ ኬዳያም እንታ ጴስድና፡፡ 20 ኪካላ ይንካ የፑጫደና ሮሮናካም የእሣደኖ ጌጰ ዳአኖኖ አጎኖ፡፡ 21 ደአኖን የእሣያ ባካካም ቃሀ ዎንካም ካለንቴ ደአኖን እሣን ኬጋሬ ቃን ደቃጰንቴ ኬዳካካም ዎንካም ፉር ባርያጰንቴና ኬያየደ፡፡ 22 ሐያንቴካ የእሣደንካም የውጫደንካም አኖ የሣ ቆላደዩው ወይካም ባርዩን አዎንናም በዎንቴካም የርን ደንሣን ካለንካም ቆሊምናም በኪንሣናንቴ አጋታካ የጋታካ የድያ ሐር እያሜ የራ ካካም የም ጎሽናንቴ ካም እንታ ካለካም ጎሽማም፡፡ 23 እንታ ጌጰም ቻደናም ካም የናንቴ እማዳን ታካ ጌጰ ኢየሱስካም ሣጋንቴ ባለሽናም ኪቻደ፡፡ 24 ሐያንቴ ባለሽናንቴ ባርም ኪምስኳካ ኪምስኳካ ኪናንቴ ኬካሸደ ኦጎኖ የናንቴ ዳዶኖ ዎኖ እሳና እስብራንዘራ ካም እም ደንካ የጳቅሣያ ሐይማቴ ሐማንቴና ኪጌያደ፡፡ 25 ሐያንቴ ካም ቤሬ እባን ደአኖንሣ ራስባራ ድዎን ቻንቴ ጺዎኖ ኮኖ ጰሊንኮሮደያ የርሐሊና ኮይ አጋታካ ፂዎን የውጫያ ባካካ አጎም ጰቅሣናንቴ ሐይማቴና ኪያማደ፡፡ 26 ባላሽን ኮም የእያ ዎደስካ ፂዎን ኪምካም የውጫያ ዎደስካም ፋይለ ውሊንካም ገጴሣ ናአዘራ ዴንጵን የሣም ካም የሐሣዎደ፡፡ 27 አጋታካ ሐውካም ኪናንቴ ኮአርድማ ባላሽንከም ኪአስና ጌጰሣ ፀዎን ከም ኪውጭና ጌጰሣ ዎንቤ ማስንቤሣ ባዛኤድና ኪማታይ፡፡ 28 ኤድ ሐው ካም ይደናካም ባለሽንቤ ፀወዎንከቤም ይውጫንሣ ብራር ይም ፃሊ ኬሼዴ፡፡ 29 አጋታካ ሐውካም ጌጰሣ ዎኖ ኪናንቴ ከአርድማ ኪእስናቤ ኪውጭናቤ ቤሬብቶን ኪዛራ ባአሣይናምና የርናምና ኪውጫደ፡፡ 30 የሣ ባከሮካም ጴፉካ ኬሐጀጰደኖቤ ኬቃጀደኖቤ ዎን የሣም ካም አፉን ግንጲሣዶኖ የራ እግንካ ሐማንቴና፡፡ 31 ዎም ፃሊ ዎሼደደና ዎዛራ ብቶን ተካጲማና ኪደ፡፡ 32 የርካለ ፉር ዎዘራ ኪፋርደደ ዎደስካ አሽምና ክማታደ አጎኖካም ፌን ከለማ ኪንካ ከም ቶዛጰን ዎጋሬ ካናንቴና፡፡ 33 አጋታካ እናናቶ እሣናንቴ ካም የፑጫያ ዎደስካካም ይት የባራንካካም ኪም ማንኪማቴ፡፡ 34 ኪካለ የፑጫይን ዎደስካካም የሣብቶ ማታን ከገሬ ኤድ ሐውካ ዳቃጳደ ይደናካም አኖሮ ዶሣና ኪእሣይ የራ ሸደደናናቴ ካም ፉር ኪናአያ ዎደስካካም ደንደያና ዎደንደያደ፡፡