ቆሮንቶስ 10

1 እናናቶ ዎምባና ፋይለ ሉፋንሣ ችባራ ኬደግያ ኛፋስንካም ኬሣጋደግያ የጴሴካናንቴ ዘጋና እዘጋይ፡፡ 2 እግና ፋይለ ሙሴለማ ኪንካ ሐማንቴ ኛፋስንቤ ሉፋንቤ ግደር ሻይጰደ፡፡ 3 ደአኖን ፋይለ ባርዩ ኤድ ካለካለ እስማቴ፡፡ 4 ፋይለ ውጫጰደን ካም ባርዩ ኤድ ካለካላ ውጭማቴ እና አና ደደን ባራካም የም ጫገነ ኬጫጋደ ባርዩ ኑንቆ ውጭድና ኑንቃ አጋ ኢየሱስ ክርስቶስና አጋ፡፡ 5 ደንታካም ኮዴካ ባርያካም ኤድን ዎንካ ኪዎዝጰድምነታካ ደራሮ ድናንቴ ሸጲድና፡፡ 6 ኬካም ዘሪቦን ኬዘጋደንታካ ውትካም አጎም ቃባን ዎጋሬ የራ ኪና ዎናንቴ ጳይንዎ ማትድና፡፡ 7 ኬካም ዘሪቦን ኬዛጋደንታካ ውትካም አጎም ቃባን ዎጋሬ የራ ኪና ዎናንቴ ጳይንሦ ማትድና፡፡ 8 ኬሣ ዎንካም ሜና አብና ለማ ኪንካ ዎጰዶና ሮሮ ካለሣ እሮጎ ኤድ ሽህ ለማታም ማካም ሴሦሮ አርደንቴ ሸጰደኖ ውትካም ሴሦ አሽካን ዎገሬ፡፡ 9 ኬሣ ዎንካም ባርያም ፋታንቴና ኬደ ጉኖካ ገአጰንቴና ኪካያደና ሐማንቴ ኬቃባደ ውትካም ባርያም አጎንታ ሐምቴ ፋታናን ዎገሬ፡፡ 10 ኬሣ ዎንካም ጉንድምቴና ኬደ ሴሣደም ኪሴሣደግያ ሐያንቴና የጉንድምናኖ፡፡ 11 ከኖ ፋይለ ውሊ ጰይንሦ ኮደንካ ሐማንቴ ኬዘራ ከሣ የስካዘራ ፌንሣ ቱንሰኖ ዎዘራ ኮሳ የስካዘራ ኮሣቃም ኪላናንቴና ፃፈጰደ፡፡ 12 አጋታካ እንታ እም የር የስካያ ቆሊማም ሐማንቴ ቃባያ ድናን ኬጋሬ ይም ኬማንኬ፡፡ 13 ኤና ውሊዛራ የሰካደኖ ጋሎኖ የዛራ የስኪማም ባርያካም ጋዛና የጴሣደናሣ አባራካም ይት ኪም ፋትንማቴ ኖየም ጋርማም የርካላ ፉር ኪም የፋታናደና ሮሮካም ፋታናን አጎምካም ደንሽናንጼ ካም ቃብማቴ ደንካ የውታደን ጎይንካም ኖሆ የናንቴ አሸካ ኬአሸካይ፡፡ 14 አያርያናቶ የርን አንንካ አሽኪድናም ምስካደን ባራካ ሐርማቴ፡፡ 15 እግንምካም ደናንቴ ኢጌያዶና ኤና ቃባይናናንቴና እያሣዎደና የራከራካም ይት ብቶን ታኪማቴ፡፡ 16 ጎሽን ይናንቴ እምቴን ቃደኖካ ኢየሱስ ክርስቶስሣ ማአስንለማ ኪንካ ዎደንታካና ኪናንቴ ካስቴን ዎደኖ ባለሽኖ ኢየሱስ ክርስቶስሣ ብሸን ለማ ኪንካ ዎደንታካ ሐማንቴና፡፡ 17 ባለሽኖ ካም ካለ ኮደግያ ውትካም ምርግና ኪና ብሽካለናንቴና ዎደ ውት ፋይለ ውሊካም ባለሽ ካለስ ካም ኪም ካሽና ዎካሸዶ፡፡ 18 ፋንደ ኤስራኤሊ ኤድ ደንደ ሼድማቴ ባርያናንቴ እማጰን ኬእሣደኖ ባርያ ለማ ኪንካ ደድድምን ታካ ሐማንቴና፡፡ 19 አጋታካ የርን አንንካ አሸኪድናም እማጰደ የር ከደናካም የሮ አንንካ አሽኪድኖ ዎንካና ኮደ ሐማንቴው የቃባደው፡፡ 20 ደንታትማም ኤና ባርዩን ጎይን ጫግምና ካም ደናንቴ ኬኢማኖ ባርያናንቴ ትማም ኬሄዶናንቴ ኬእማዶኖ ቤሮናናንቴና ኬእማይ ቤሮና ለማ ኪንካ ኬደኖና ደንታ ሐያደኖ፡፡ 21 ጌጰሣ ፀውንቤ ቤሮ ናጋደን ፀዎንቤም ኪንካ ሐያንቴ ውጭ ጳዶን ት ደንደይማም ጌጰሣ ደንግደር ደርቃናቴ እስናንቤ ቤሮናገንቤም ካሽጰደን ይት ደንይማም፡፡ 22 ጌጳም ዎአርግሣደኖ ዎሣ ሸሊጳምቤ ዎሣ ማሊታምቤካ ሐማንቴና ኪም ዎብራዶ፡፡ 23 የርውሊፋይለ ፈቅጰድና የርካለፉር ካም ፋይልሊ ካም አግማም ውሊምከም ፈቅጰደካም የርውሊካም ፉ አሽኪማም፡፡ 24 ኤድ ዎንዎንካ ዶርያናሣ ጥቅምና ኬናሽዶ የር ይንትም ካም ዛግማም፡፡ 25 ቃበካ የርም ጫገጰደን ጋራንቴ ዎን ገባያሮ ሸንሸጰደናም ፋይለ ውሊም እስማቴ፡፡ 26 ፌን ኮሣ እሮጎ ደኖ ፋይለ ውሊ ጌጰገንትና፡፡ 27 ኤያ አምናድማ ቾቻሣናንቴ ያአናንቴ የዛግና ቃቦ የሣሣ እሮጎ ዋድማ ናአደን ፋለውሊም እስማቴ፡፡ 28 የርካለ ደንታ ሐማንቴና የቃባዶ ኬዳ ካለ ኮም የርን አንንካ አሽኪድናንቴ ኤማንቴና ኪደ ሀማሐማ ቃብምቴ የእስና ዎካም ፉር አጎንታ ሐሚቴ ቃብምቴካም እስማም፡፡ 29 ይንታ ሐማንቴ አጎም ቃባይኖ ኤድናሦሣ ቃቦኖ ከደይ ሐናንቴትማም ኮደይ ገዛምን እኖናም ኤድ ናሦካ ሐርናንቴ ሼደጴ፡፡ 30 ደአኖንካም ጎሽ እምቴ እሣያ እሣያ ይደናካም ባርያም ባርያም ካም እጎሸይን የርንካ ሐማንቴ ሐርናንቴ እም ሴሣጴ፡፡ 31 አጋታካ የእስናካም የውጭናካም ሐያንቴካም ፉር የር ውሊ ግደር የአሽካይና ግደር ፋይለ ባርያናንቴ ጎሽ እምቴ ሓማቴ፡፡ 32 አይሁድናንቴ ካ ግርኪናናንቴካም ወይካ ባርያ አኖንሣ ርጭ የትማኖ፡፡ 33 እንታ ኤድ ፋለም የርውሊግደር እዎዝንሣግያ ይትካ አጎንታ አሽኪማቴ ጴፉካ ኬጳቃይን ካሐማንነቴ እናንቴ ጥማያም ሦጎ ትማም ኪናንቴካም ከጣቅማይንታካና ንታ እቃባዳ፡፡