ቆሮንቶስ ኡንሣ 16

1 ታካም ፉር ጫራግናናንቴ ሐይጰንታካ ጋለትያ አብያተክርስቲና ሐንጰይ ዎናንቴ ኪእማደኖ ትዛዝካ ሐማንቴና ብሬን ኮም ፑኡሽ ዎደ፡፡ 2 ብሬን ይናንቴ ፑሽጰደኖ እንታ ደንካ እናአይኖ ቃደኖ ደን ኮጋሬ የሣዎንካም ይያፈይና ብሬና ሊክ ሐያንቴ ሳምንታሳ ሮራ ብራስካ ዎናዎን እደንቴ ኬዌዴ፡፡ 3 እናአያ ባካካ ይት የካማደና ኤናናንቴ ይንካ ኬም ይሣጰያ ደብዳቤን እማንቴ የእማደና ኮደናካም የሩሳሌምዘራ የናንቴ ኬየስኪሳካናንቴ ኬም አይሣዶ፡፡ 4 እሣ ያአ ከዛግሣያ ደና እለማ ኪንካ የአና ኬያአደ፡፡ 5 መቄደንያካ አሣጋደኖ ኮሽጲምንታካ መቆደንያ እስኪና ቤሬ እንታ የዛራ ሬ ናአና እናአደ፡፡ 6 አያአይን ራቅንዛራ ራቅ ሐንታካም ኮዴ እሣያ ዩንካም እም የኬሊሼካናንቴ የንካ ሐማንቴ ካፋና እካፋደ ወይካም ሦራንካም የለማኪንካ ካፋና እካፋደ፡፡ 7 ታሀ ራካ ይቴ ሣጋሣጋ ኬም ጎበኛናንቴ ዘግማም እንታ ጌጰ ኪፋቅደደና ሮሮጎድጵ የለማኪንካ ደሀናንቴ ቃቦ እሣ ደዲዮና፡፡ 8 የርካለፉር በአሊንሣ የሳካዛራ ኤፍሦንግደር ካፋና እካፋደ፡፡ 9 ሐያንቴካም ዎድማን ጌጰንሣ ካም ሙሊጰፎን ቡሊጲድ ዎድማስም ናሽድምናካም ኤድ ምርግዎን አለማኪንካ ዳይድና፡፡ 10 ጢሞቴዎስ የካላ ኪናአደና ኪለማኪንካ ኪኩርትጲማ ኪደርቄካናንቴ ሐይማቴ ኖካም እግያ ባርያሣ ዎድማንናም አሽካያና፡፡ 11 አጋታካ ሐውምካም በውማም ፃሊንካ እዛራ ማታቴ ኬኔካናንቴ ኪሚ ኬሊሽማቴ ኪሣ ማታም ካም እርያናለማ ኪንካ ካለንቴና ዎደ፡፡ 12 ዎርያ አጵሎስሣ ካም ዎርያለማ ኪንካ የዛራ ናአናንቴ ኪም ካሎን ምስኪድና እንታ ኖካም ፉር ታሀ ናኣንንቴ ዘጋድማም ኪንንቴ ኮአግና ናአናኪናአይ፡፡ 13 ፉካለ ደማቴ እምናትን የሣካ ዎቻጰንቴ ደማቴ ፃሊዎዶማቴ ዎቻጲማቴ፡፡ 14 የአሽካደን ራ ፋይለ ናሽማካ አሽኪማቴ፡፡ 15 እጢፋኖስሣ ምሮን ጋይና ካም ብራንካም አማኝ ኬደንታካ ጫራንግናም አግሊግለናንቴ ይም ኬኢማደን ይት ጴሣዶየው ዎርያናቶ ታሀ ኮካካም የም ምስካና አምስካደ፡፡ 16 ኪግያን ደናቤ ኪለማ ኪንካ ዎድማሮ ቀጀደናንቴ ካም ታዝማቴ፡፡ 17 እስጢፋስቤ በፈርደናጥስቤ በአካደቆስቤሣ ናአይድ ኬሣ እንታ ዎዝንጲና ሐይጰኳካም ይት ኮታ የደንታካ እሣ ጀገደናም ካም ያስድና ኬሄ፡፡ 18 እኖንካም የኖንካም ካንታን ምሣካም ቃጅሽድና አጋታካ ኤድ ኮንታ ሐምናም ጴሣጰይኖ ፃሊና ኮደይ፡፡ 19 አስያግደር ደና አብያተ ክርስቲያንጋይና ኤና የሣ ዎፎ ቻደድና አቅለቤ ጵርስቅለ አኖሮጎይሣ ደናም ባርዩን አኖን ጌጰንካ ዎፎ የሣ ጌጳካሐማቴ ኬእማደ፡፡ 20 ዎርያናቶ ፋይለ ውሊ ዎፎ የሣ ቻኬቻይ ታሀ ኬሄ ኪንካ ኪም ሱንቅቴና ኪሚኬጌስታ ኬደ፡፡ 21 ታሀ ጌሦን ከኮም አን እሣካ ፃፋደ እንታ ጳውሎስና፡፡ 22 22 ጌጳም ነሽማደ ይደናካም አሽጰኳ ጌጰዮ ንማ፡፡ 23 ጌጰ ኢየሱስሣ ፀጋኖ የለማ ኪንካ ኮዴ፡፡ 24 24 ናሽማኖ ኢየሱስ ክርስቶስ ጋይኖ የፋይል ውሊለማ ኪንካና ከደ አሜ፡፡