Titus 2

1 አኸ ጭን ተዉረ ትምርት ያትቻፕርካ ትምርት አትሞርት አነቨኸ ። 2 ብድሜሁኖዋ አታአህሪ ኧጎፎዋ ገማ ፤አታአር ቅነጨ አይቫር ኢረዉዋታ ክብርሁዋ ዩኡሮታ ጩፒ በሁር በርማጅነድ በፉሮሁት ኢትሄርታ ሰቭ ኢሆሩዋኸ ምህርኮዋ ። 3 እመኸ ብእድሜህና አታአህሪ ኧገፋ እሽቻ ፤ብእምነትህና ፍድግ ክብርህና ይእራኸ ኧቭ ሹቩ አያአፋኸ ዌ ያሰህርካ መጠጥ አይትወተቻኸ ምህርካቭ ። 4 ዴንግነድ አነቫታ እሽቻ ህና ምስመህናዪ ዴንጋመህና ኢረምጃመኸ አትሞርት ኢኸና። 5 ገግህና ተቩጥጥ ኢኢራኸ ንጡህ ኢኸራሜ ኧቪድህና አአር ያጫምጫኸ ዋቢ ኢኸራይ ኧቭስህና ኢታዘዣኸ ዬቫታ እመኸ ቦንኧትህና ኧጎይታ ቃር አይትቀነቭካ ። 6 እመኸቭ ዘርማሁኖዋ ገግኖዋ ተቩጥጥ አአር ዩኡሮዋኸ ምህርኮዋ ። 7 አኸቭ ወሄ ሜና ቦንኧት ብእንቭ ዘንጋ መሰሮ ህር ብታትመርኩዳ ትምርት ኧዉረ አአር ኧኸረ አአር ቡር ዘንጋ አአር ፤ 8 ቅነቸ ኤኖወ ወሄ ዘንጋ አዉድኮዋ ፤እመኸቭ ኢትራኮሽንሬ ኢሱኡታ ሰቭ ቢና ኢኢጅኮንረዳ ኢፋድ አአር ቲዎሁርኮንረዳ ኢቆዉጩዋሴ ። 9 ሜኘ አአራፓሪሁኖዋ ኢቴኤዘዡዋይ ብእንቭ ዘንጋ ሽርኮታ አአር ዬዉዋኸ ሙጥጥ አአር አይዦፑሩኸ ምህርኮዋ ። 10 ዋመሁኖዋ አይሰሩኡዋኸ ምህርኮዋ ፤ ኢረእካሞኋ ኢና ያተርፈንረዳ ኧጎይታ ትምርት ብእንቭ ዘን ያሆቡጂ እንእ ግዚየ ኧታአሞሩዋ ሰቭ ኧሁሩዋ ። 11 ጎይታ ሰቭ እንእ ያተርፍዳ ጠጋ አቴሸ ። 12 እም ጠጋ ባጢርነድ ኧዋ አለም ተመኛት ባንቴቭኔ ገግንራ ተቩጥጥ ቦኦሮት ጢየ አአር ቦንኣት ኧጎይታ ባሁብጅት በዋ ዘቨር ንረቭርኔ ኢና ያትመረንረ። 13 እም ኧትባረከ ተስፋንራ ንእየነ ፤ዋ ንእዬኔዳ ተስፋንራ ኑእ ጌታንራ ኢና አተነፈንረ ኢየሱስ ክርስቶስ በክብ ርቲዠፐርካ ኧታዥትኋ ኦኦሮትን ። 14 14 ክርስቶስ ተጥጥ አአር እንእ ያተፈንሬ፤ኧወሄ ና ጃደኘ ንኸርኔ ተቫጢር አቨጠረ ኧገግኋ ሰቭ ዬቨንሬ ኢና ቲቭር ገግኋ አዋአ አአይፐረ። 15 15 ባቴ ዋ ዘንጋ እንእ አትመር ተጎይታይ በቴኤፐርኸን ሙርአ ደረግ አትቁሟሙር ምህር ማንኝእ ሰቭ አይቅርጥኸ።