Titus 3

1 ሰቭ እንእ ኧመንግስትቪ ኧዳኘቭ ወሄነድ ኢቴኤዘዡዋኸ ኧወሄ ሜና እንእ ኢትረሾዋኸ ፤ 2 ኧቫንኝእም ሰቭ ሹቩ ንሸተዉዋ ሙጥጥ ዘንጋ ባይዝሮኩዋይ አትጤፕኮዋ እመኸቭ ተቭ ሁኖዋ ባይራኮሹዋይ ኧወገሬት ሰቭ ህይተዉዋ ተሰቭ እንእ በቩርአ ሂንሁኖዋ በቁርርነድ ያቲሽታ አአር ኧሁሩዋ ። 3 ኢና ኧዋ ኢፍ አቤሰርነ ጋዋ አንቴኤዘዝነ ናጀግርነዳ ኧትቄቀነ ኧረከነኸ ሁጅር ንደምድነዳዪ ኧገግንራ ሙጥጥ ተመኛት ኧቴቨነ በተንኮልቪ በምቀኝነድቭ ንረቭርነዳ ኢና ተገግን ንትራከስነዳ አአር ባነነደ። 4 ቢኸር አተነፈንረ ኧጎይታ ወሄነድ ንማጅነድ በታሸወ ቀረ፤ 5 ኢና ቤፐኔ ወሄ ሜና ታይኸር ፤በፋራይሂነድኋ አተነፈንረ፤አተነፈንረ ኧዉርኤተኘ በቶኦኝትቢ በታኦት፥በመንፈስ ቅዱሲ አጋድ ወያ በሁርትን ። 6 ጎይታ ባተነፈንረ በኢየሱስ ክርስቶስ አጋድ መንፍስኋ ሜንአ አቨንረ ። 7 እም ባቨንረ በሁዳ ጠጋ ፀደቅነ በተስፋ ንእዬኔዳ ኧዘላለም አያ ኸርነ ንረቭርኔ ደረድ ንዎርስነኔ። 8 8 እም ኤጂ ቃር ኧታአመረዳን አአር በጎይታ ያአቩርታ ሰቭ ኧወሄ ሜና ጃድ ዩሩዋ ዋዳ እንእ አትጬፕተኸ ቲኢድኮይ ኧሲእ ፤እም ዘንጋ ወሄን አአር እእንመኋ ያወድካን አአር ። 9 ዘንጋ ጭን ተጋዋ ዉርጀዪ ታይሂሪ ዘናቭ ተሙሴ ቂጫ ኧቫአ ቲትረሳካ መራክስ ሲህ ፤ዋ ዘንጋ እንእ አያወድ ቡሼእን አ። 10 መራክስ ያቫአካ ሰቭ አት ግዚየ ዌ ዉርእኤት ግዚየ በመከርኸን ቀጥወ አይትዠፐረ አአር በኸረ ተሁድቭ ሲህ። 11 ኧዋኸ ሰቭ መያ ኧገፈረ ባጢር ቦንኧት በገግኋ ኧፈንደኸ ኋሩዋ ። 12 አርጢሞን ዌ ቲኪቆስ አሄ ትንኬሽኩዳ አኸ ኧኒቆጵልዮኔ ከተማ ኢያይ ትቫአይ አትቫቅር ኢያ ኧዘርበኘ እንእ በህሜ ኧቸናይ አንጥሁወ ። 13 ቂጫ ኢሂርካ ዜማስቪ አጵሎስቭ መያሁኖዋ ያሩዋኸ ኧንአኮዋ ኧቀፐረወዋ አአር እንእ መንአኖዋ ። 14 14 ኢናሜ ሰቭ ምርት አይቫር አይሆሩዋኸ ያትኬሽኮታአአር ኢረሁዉዋይኧወሄ ሜና ጃድ ኧዋርት አትመርኮዋ ። 15 15 ቲያቭ እማትሜ አኖዉታ ሁኖዋ እንእመሁኖዋ ወሄምንሁዋ ዌ ይቩኩዋ ፤በክርስቶስ ቦኦዎርት ኧቫአ ኢረሙጅንረዳ እንዳም ወሄምንሁዋ ዌ ባርንረ ። ኧጎይታ ጠጋ ትእንማሁዋ ኧህር።