^{1 2 3} 1. ባቴ ምር ንነዴ ኧጎይታ ጠጋ ይደብስንረኸ ባጢር ትኔቨነ ንበኔ? 2. እሸኸሽ አይኽር ፤ኢና ኧቫጢር በሞድነ ባቴ ኧተኸ ኤኝተነ ተዋቴ በኹዳ ንበነሴ? 3. ተኢየሱስ ክርስቶስመጋ እማት ንኸኔ ኧጠመቅነ ፥ተውድሞኋ እማት ንኽነመኸ ኧጠምቅነኸ አቲኺርዋታዌ? ^{4 5} 4. እመኸቭ ክርስቶስ በአባኋ ክብር ተውንድ ኧትረሳመኸ ፤ኢናቭ እመኸ ውያ ሰቨ ኺንተነ ንረቨነኸ በጥምቀትኋ ሞድነታ ተሁዳመጋ ተዌከነ ። 5. ተኹዳ እማት ኸነታ ኸሁዳይ ሙድ በሻከድነ ኹዳቭ ተውንድ ኧትረሳመኸ ኢናቭ ተኹዳ እማት ኸነ ተውድ ንትረሳነኸ ኧትኼረዳናአር ። ^{6 7} 6. ተዋቴ ኧቫጢር ባሬያ አንኸነኸ ኧቫጢር ሰቭነድንራ የኧየኸ ጉሲየ አመንራ ተክርስቶስመጋ ኧሰኧረመኸ ኒኺነ ።7. ኧወንደ ሰቨ ተቫጢርኋ ነጣ ዋዓ ። ^{8 9} 8. ተክርስቶስመጋ በወንድነ ተኹዳምጋ ንረቭነመኸ ናአምነ ። 9. ክርስቶስ ትውድ ኧተረሳ ፥ኧውሬተኛ አይወድመኸ ኒኺነ ፥ሙድ ተዋቴ በኹዳ ፎር ሙድ ደረግ አይረቭርኩዳ ። ^{10 11} 10. ሁዳ በወደ ግዚየ እእማትግዚየ ኧቫጢር ሞደ ፥ዘንጋ ጭን በአያ ኧቦርትኋ ኧጎይታ ክብር ይረቨር ።11. እመኸቭ ኧቫጢር ኧዎቱሁዋመኸ ፥ዘንጋ ጭን በክርስዮስ ኢየሱስአ ጋድ ኧጎይታ አያቭ ኧኸርኹዋኸ ገጋኹዋ መዝርዋ ^{12 13 14} 12. እመኸ ኧውጥጥ ቴሜኛትኋ ዬቪ ብሲኢካ በሰራሁዋ ፎር ባጢር ይረግስወኸ አቶኖኔስስስ ።13 እመኸቭ ሚሲያሁዋ ኧውሼእ ግቭር ኤኝተኹዋታ ኧቫጢር አታቴኤኑዋ ፥ይረካሞኋ ተውንድ ተቫቴርሁምታ አያ ኸረ ይረቭርካ ሰቨኸ ኦኖምታ ገጋኹዋ ኧጎይታ አተኧኑዋ፥ሰቨነዳኹ ኧጽድቅ ግቭርኦኖምታኧጎይታ እተኦናው ።14. ዋካ አሁዋ ትረውርታ ተጠጋ በገዳ ባኻሬ ተቂጫ በገዳ አኸርሁዋይ ባጢር ይገዛሁዋይ አይኸነዳ። ^{15 16} 15. አካ ምር ንቫርነ ተቂጫ በገዳ ታይኸር ተጠጋ በገዳ በኹንትንራ ባጢር ነናነዌ? ባኣይ ስርም አይኸርካናአር! 16. ገግማ ሁዋ ኧቫሬያመኸ ኤፐሁምታ ትታቴኤንውታ ፥ትቴኤዘዥነዳ ሁዳቭ፥እመኸቭ ኧውድሜ ይወስካ ኧባጢርሜ ወይ ኧጽድቅሜ ያሰራካ ሁዳ ትታአዘዥዋይ ባሬያ ኧኸርኹዋኸ አትኺርታዌ? ^{17 18} 17. ዘንጋ ጭን አሁዋ ኢኢፊቲ ኧቫጢር ባሬያ ኧነፐርሁአር ቢኸር ኧቴቨናሁዋ ትምርት በውራ ኺናሁዋ ትቴኤዘዥታአር በኹታሁዋ ኧጎይታ ሽኩር ኧኽር፥18. ተቫጢር ነጣ ዋአሁምታ ኧጽድቅ ባሬያ ከርሁም ። ^{19 20 21} 19. ኢያ ኧዋኸ ሰቨ ቢገቫአኩዳ ቋንቋ ኧዝሬኪ አንዳ ተቄጠ አሳባሁዋ ኧትረሳን ፥ኢኢፊቲ ሚሲያሁዋ እንእ ያጤናካካ ሜና ኧባጢር አገልጋይ ኤፐኹም ታትኢኒዊዮመኸ እመኸ ዋአካ ሚሲያሁዋ እንእ ይቀደሽዋኸ ኧጽድቅ አገልጋይ ኦኖም አተኦኑዋ። 20. አኹዋ ኧዋ ኢፊቲ ኣቫጢር ባሬያ በረፐርሁከ ግዚየ ኧጽድቅ ሜና ቴዋይ ባሲኢዋታ። 21.ባቴ በኽም ግዚየ ምር ጥቅም ነከሁም? ቲያቅቭጭካአር ኤኛአር አት ጥቅም አነከሁዋታ ፥እም ባጢር ኧቀጥዎኋ ሙድን ። ^{22 23} 22. ዋአካ ጭን ተቫጢር ባርነድ ነጣ ዋአኹም ኧጎይታ አገልጋይ በሁታሁዋ ቅዱስ ኸርሁም ፥ቅዱስ ኧሁታሁዋ ኧቀጥወ ኧዘላአለም አያ ኺንተዊ ኦቦርትን ።23ኧቫጢር ደሞዝ ሙድን ፥ኧጎይትታ ስጦታ ጭን በጌታንራ በኢየሱስ ክርስቶስ አጋድ ኧዘላለም አያ ስስኧኹርትን።