¹ 1.ኧሰማትኖ እመኸ ኧዝሬካ አንዳ ቂጫ ኒኺነ ዩታ ሰቨን ፥ቂጫ በሰቨ ፎር ዳኝነድ ይረቨርኩዳ ፥ሰቨ በአያ ታነ ስን ኧኸረኸ አትኺርታዌ? ^{2 3} 2. እመኸ አት አናገፓች ሚሽት ምስሻ በአያ ታነ ስን ተቭሻ ትረቭረ በአቂት ታአከደች ምስ ሁዳ ቢወድ ጭን ቡችር ምስ ታገቫይ ይኸና ።3. በዋ ኧቫአ ምስኹዳ ታይወንድ ኤኛ ምስ ብታገቫይ ቴኤኛ ሰቨ ውጅር ኧደመደች ባጢረተኘኒያ ምስኹዳ ጭን ቢወንድ አገባቸው አንቂት ይትፈታና ኤኛ ምስ ብታገአ ባጢር ኤነቫዳ ኧዋርትን ። ^{4 5} 4. ባቴ ኧሰማትኞ አሁም ዘንጋ እመኸምን ፥አኹም በክርስቶስ ምሲይ ኧኸርኹዋ በውድኋ ኧትቫቶርትኧኽ ተሙሴ ቂጫተቫቴርኹም ፥እመኸ ኧኸሬ ኧጎይታ ሜና ናጌኪኔ ትውንድ ተረሳነታ ኧክርስቶስ ዶበ ኸነ ። 5. በውጥጥአመንራ ከስ ታነነ በቂጫ ኧቫአ ሙጥጥ ቴሜኛት ጠበጠንረታ በቭሲየንራ ባጢር ያቴፕንረታ ኧውንድ ያሰራንረ ባንደ ። ⁶ 6. ዋአካ ጭን ኧዋኢፊቲ ጤፈረታ አከደ ተጠበጠንረ ተባጢር ሙድ ቴባተነታ ተቂጭ ቴጋፈነ ፤በዋ ኧቫአ ኢና በጉስ ቂጫ ታይኸር መንፈስ ቅድስ ባቨንረ በወያ መያ ኧጎይታ ሜና ኔቭኔኔ ። ^{7 8} 7.ባቴ ምር ንነዴ? ቂጭ በገግኋ ጣጢንዌ? ስርም አኸረዳ ፥ዘጋ ጭን በቂጫ አጋድ ታንኸረ ባጢር ምር ኧኸረኸ ባንኻርኋ ቂጭ ሁዳ አትሜኝ ባይሬ ቴሜኛት ምር ኧኸረኸ ኧውረ ባንሃርኋ ። 8. ባጢር ተሜኛትኋ እንዳም ቢያ ይትረሳሳኸ ኤፐ ተቂጫ በቫአ ትእዛዝ በኾውትኖኋ ፤ ቂጫ ቤነጋ ባጢር ኧወደዳናአር ። ^{9 10} 9. ኢያ ድረ ቂጫ ታንኺር ኢፊቲ አያቭ ባነኾ ፤ ቂጫ ቢቫአ ጭን ባጢር አያ ኸረቪ ። 10. እያቨ ቂጫ ባኋርትኛ በቫጢሪኛ ሞትኹ ፤ተቫጢሪኛ መጢተሁ አያ ኧረኽዌ አውኝ ትዛዝ ኢያ ሙድ አቫአቪ ። ^{11 12} 11. ባጢይር በቂጫ ትእዛዝ አጋድ መያ በኮውትኋ ቄቄታ በትእዛዝ ፈንደ ኧተረይ ። 12.ባቴ ቅጫሁዳ ገግሞኋ ቅዱስን ትዛዝሞኋ ቅዱስን፥ጽድቅሞኋ ወኼናአር ። ^{13 14} 13. ባቴ በወኼ በኸረ ዘንጋ ኢያ ሙድ አቫአቪ ኧዋርትንዌ? አኸረዳሽ ሙድሽ አቫአቪ ባጢርኒ አኸረዳ ባጢር በቫጢነድኋ ቲትኼር ስን ወኼ በኸረ ዘንጋ አጋድ ሙድ አቫአቨንረ ፥እመኸ ኧኸሬ ኧቫጢር ሙጥጥነድ ይትኼርካ አንዳ በቂጫ አጋድን። 14. ቂጫ ኹዳ ኧጎይታአር ኧከረኸ ኒሂነ ፥ እያ ጭን ኧባጢር ኧባሬያመኸ ያሲዮዳ ሰቨንኹ ። ^{15 16} 15. ኢያቭ ኧቭኩዳአር አንሂርካ ኤቭኩይ ኧሲካሁዳ አኔቭካ ፥ዘንጋ ጭን ኧጠራኩዳ አምሁዳ ኤቭ ። 16. ኦኖት ኤኔቪ ሁዳ ኤቭ በኸረ ፥ቂጫ ይካሁዳ ኧውረአር ኧኸረኸ ኧምሰክር ። ^{17 18} 17. እም ኤቭኩይ አንሲኩ ሁዳ ያቲቤዳ ኢያ ታንኸር ቢያ ከስ ይረቭርካ ባጢርን ። 18. ቢያ ኧዋርት ባጢረኛ በኸረ ፍጥረትኛ ወኼ ዘንጋ ኤነኸ ኤኺር ቢኸር ወኼአር ኤቪ ቴሜኛት አነኒ ዘጋ ጭን ኤቭኩይ አኸረንዳ ። ^{19 20 21} 19. አነምድኩ ሙጥጥ ዘንጋ ኤቭ ፥ኧረምድኩዳ ወኼ ዘንጋ አኔቭካ ። 20. አነምድኩ ሙጥጥ ዘንጋ ኤቭ በኸረ ዋኸ ያቲፔዳ ቢያ ይረቭርካ ባጢርን ባኻሬ ኢያ አኸርኋ ኧዋርትን ። 21. ባቴ ዋ ቂጫ ዬቨካአር ኧኸረኸ ሃርሁ ፥እመኸቭ ወኼአር ኤቪይ ትንሲኢካ ሙጥጥአር ቲያ አነ ። ^{22 23} 22. በኺርኛ በጎይታ ቂጫ ኧትቭራርእ ። 23.ዘንጋ ጭን በጅስማኛ ከስ ዬቭካ ኧቫጢር ቂጫ ኢያ ኢስረኛ ኤፐ አከደይ ፥ተቀልቢየኛ ቂጫ ይትዋካካ ኤኛ ቂጫ በጅስማኛ አዥ ። ^{24 25} 24. ኢያ ኧተኸ ኤቄጥሁ ሰቨንሁ ፥ ተዋ ኧውንድ ተቴቬ ሚሲየኛ ማን ያተርፈይ ይኽንሴ? 25. በጌታንራ በኢየሱስ አጋድ ሽኩርት ኧጎይታ ኧኽር። ባቴ ኢያ ገግመኛ በቀርቢየኛ ኧጎይታ ቂጫ ባሬያ ትንኸርካ ፥በአመርኛ ኧቫጢር ቂጫ ባሬያንሁ ።