^{1 2} 1. ተዋቴ ኢና ጽድቅ ኧረከቭነ በእምነት ኧኸሬ በጎታንራ በኢየሱስ ክርስቶስ አጋድ ተጎይታይ ወገሬት አነንረ ። 2. እመኸ በኢየሱስ አጋድ ዋኣካ ኧሸከቨኔኮ ጠጋይ በእምነት ንገቫኔ ኧረንረ ፤ኧጎይታ ክብር ተስፋ ቦኖት መትራርእ ይጠጥንረ ። ^{3 4 5} 3. እማት በዋዳ ታይኸር በመከራመንር ፈራኺነድ ይቨንረኸ ንኺነይ ኧኸሬ ይሽንረ ። 4. በፍሮኽት ኸትቁሟሞርት ብትቁሟርት ኸትፈተነ ጠባይ ብትፈተነ ጠባይትስፋ ይረኹዊ ። 5. እም ትስፋ ንቀቭጭኔኮኸ አዬቨንረዳ ጎይታቨ ባቨንረ በመንፈስ ቅዱስ ንማጅነድ በኺንራ ያድበስንረ ^{6 7} 6. አቸቨ በቂጭና ታነነ ግዚየኋ ቢስራወዳ ወቅትኋ ክርስቶስ ኧቫጢንራ ሞደንረ ። 7. ኧጻዲቅ ይወድካ ሰቨ ኧኾውት ቡሼኧኸ ያጀግር ኧሚራ ሰቨ ቲይር ይወንዲ ይሲካ ሰቨ ኧተኸ ይኸዊሴ ። ^{8 9} 8. ዘንጋ ጭን ኢና ባጢረተኝ በኸነሜ ክርስቶስ ኢና ቲይር ሞደ፥ እመዳቨ ጎይታ አነነዳ ኧገግኋይ ንማጅነድኋ ኢና ቲያቲሽኔ ። 9. ዋአካ በደቨኋ በጸደቅነጋ ይረካሞኋ በኹዳይ አጋድ ተጎይታ ማአት ኧተኸ አንተርፍነዳ ። ^{10 11} 10. ኧጎይታ ጠላት ኸነ ታነነ በትከ አጋድኋ ሙድ ተኹዳተቃቬጥነ ዋአካ ተኹዳቨ በትቃቨጥነጋ ይረካሞኋ አያ ትከኋይ አጋድ ኢና ንተርፍነ ። 11. እማት ዋዳ አኸረዳ ።ዘንጋ ጭን ዋአካ ኧትቔዌት በነከቭኔኮ በጌታንራ በኢየሱስ ክርስቶስ አጋድ በጎይታንራ ሃአቨነ መትራርእ ይጠጥንረ ። ^{12 13} 12. በኔአት ሰቨ ኧቫኣ ባጢር በአለም በነዳ ሰቨ እንእ ኧገፓመኸ፤ ሙድ በቫጢር አጋድ ገፓ ፤በዋ መያ ሙድ ኧሰቪ እንእ ማአ ብእም ኧቫኣ እንሞኋ ባጢር ኤፐ፤ 13. ኧሙሴ ቂጫ ቲሰራ ስን ባጢር በሰቨ ግት ባንደ ፤ቢኸር ቂጫ ታይቫ እፊቲ ባጢር ኧረ ባይቲቨዘርካ ። ^{14 15} 14. ቢኸር ኧአዳመኸ ቂጫ በጣሽት ባጢር ባኔፖዋ ሰቭ ስን ተአዳም ቆነሺይኧሙሴ ዘቨር ስን ሙድ በሰቨ እንእ ፎር ደረግ ነከቨ ፤አዳምቨ ተኹዳ ቀጥወ ኧቫአ ኧክርስቶስ መርኸትን። 15. ቢኸር ኧጎይታ ጠጋ ተሰቨ ባጢር ይረእ ፤በአት ሰቨ ባጢር ኖኦራኹና ይዎጅዋመኸ እመኸ በጎይታ ጠጋቨ በእማት በኢየሱስ ክርስቶስ አጋድ ኧረኮዊይ ኧቴፐ ሜና ኧኖኦራ ሰቪ ሰና ። ^{16 17} 16. አትቨ ኧጎይታ ጠጋ አአት ሰቨመኸ ኧብጢር ፍርድመኸ አኸርዳ፤ፍድሞኋ ኧአት ሰቨ ባጢር ቴኼተረታ ኩነኔ ኧቫኣ ጠጋ ጭን ኖኦራ ባጢር ቴኤተረ ጽድቅ አቫኣ ። 17. በአት ሰቨ ባጢር ኧቫአ ሙድ ብንሞዃ ቢቫኣ ኽመኸ በአት በኢየሱስ ክርስዮስ አጋድ ተጎይታ ኖኦራ ጠጋ ቴኤፖርሙ ኧጸደቁዋ እንዳም ኧውንድ ኤሞምታ ባቴ አያ ኾርሙ ኧዘላለም ይረውርዋ ። ^{18 19} 18. ባቴ በአት አዳም ባጢር ኧቫአ ኧውንድ ፍርድ በሰቨ እንእ ኧቫአመኸ ፥እእማት ኢኢየሱስ ክርስቶስ ኧጽድቅ ሜና ኖኦራኹኖዋ ተቅጣት ነጣ አዋአታ አያቨ ይኮዋ ። 19. በአዳም አንቴኤዞዥት ኧቫአ ኖኦራ ሰቨ ባጢረተኝ ኸኾርዋመኸ እመኸበአት በኢየሱስ ክርስቶስ ኧቴኤዞዥት ኧቫአ ኖኦራ ሰቨ ተቫጢርኹኖዋ ይቬጥርኮዋ ። ^{20 21} 20. ባጢር ይደብሲ ቂጫ ማአ? ቢኸርቭ ባጢር በደበሰ አኸረዳ ኧጎይትስጠጋ ኑኡያአር ናኧ ። 21. እመዳ ኧኸረ በውንድ ኧቫአ ባጢር ኧረገሰመኸ እመኸ በጌታ በኢየሱስ ክርስቶስ አጋድ ኧዘላለም አያቭ ይረሁዊኸ ኧጎይታ ጠጋይ ጽድቅ በኖት ይረግስኬ ።