^{1 2 3} አብራኻም በጎይታ አመረ 1. ባቴ ኧድረ ኧቨሰር አቦንራ ኧኸረ አብራኻም በዋ ዓለም ምር ነከቨ ንነ? 2. አብራኻም በሜና ኧፀደቃኣር ቢኸር ፤ይሻመኽወዳአር ይበርኩ ባደ ፤ዘንጋ ጭን ቢኸርቨ በጎይታ ኢፊቲ ይሻመኽወይ አይኸነዳ ። 3. መጣፍ ምር ይቭር? « አብራኻም በጎይታ አመረ ፤እምነትሞኋ ጽድቅ ኸረነታ ተቬዘረነ » ቧርም ፃፊይ ። ^{4 5} 4. ሜና ኤፐ ሰቨ ጭን ኤፐወ ከስ ይኮሽነ ባኻሬ እመኸ አይዊዳ 5. ሰቨ ወኼ ሜና ባይረቭርኩ ቢኸር ባጥረተኝ ብያጸድካ ጎይታ በአመረን እምነትኋ ጽድቅ ኸረ ይትቬዘነ ። ^{6 7 8} 6. ዳዊትቨ ጎይታ ወኼ ሜና አይቫር ያጸድኩዳ ሰቨ ኧተኸ ኧዳረዳናኣር ቲይር ዋኸ ባረ ። 7. «ኢፋቱኹኖዋ አፍ ኧዋሪዮዋ ባጢርኹኖዋ ኤቼኤውኖዋ ሰቨ ጎይታ ኧዳረኖታናአር ። 8. ጎይታ ባጢርኋ አቬዝርወ ሰቨ ኧዳረዳናአር ።» ^{9 10} 9. ባቴ ዳዊት ኧዝሬከን ዋደረት እማት ዘገር አጎፖዮዋ ኹኖተኒ? ወይ ዘገር አናጎፕዮዋ ኹኖተን? ኧውሬቸመሁኖተ ፤ «አብራኻም በጎይታ አአመረን እምነትሞኋ ጽድቅ ኸረ ቴቨዘረነ » ባንደ ። 10. አብራኻም እምነትኋ ጽድቅ ኧረነታ ኤትቬዘረነ መችራን? ዘገር ታያጎኤ ኢፊቲኔይ? ወይ ዘገር ባጎፔ ቀጥወን ዘገር ታያጎኤን ባኻሬ ባጎፔ ቀጥዋ አኸረዳ። ^{11 12} 11. አብራኻም ዘገር ታያጎኤ ኢፊቲ እምነትኋ ጽድቅ ኧረ ኤቲቬዘረነ መርኧት ይኸኔ ዘገር አጎፐይ ፤ኹዳቭ አገር አጉዎት መርኸት ቴኤፐረ ብእም ኧቯአ አብራኻም ዘገር ታያጎኦዮም ያአውርታ ኹኖዋ እምነትኹኖዋ ጽድቅ ኸረ ይቲቬዘኖኸ እንሞኋ አቦን። 12. እመኸ አብራኻም ዘገር ያጎኦዮታሁኖይ አቦን ፤ዘገር ያጎኦዮታ ኹኖይ አቦ ኧኸረው ዘገር ያጎኦዮይ ታይኸር ኹዳቭ ዘገር ትያጎኦይ በረፐረን እምነት ቦኦዎርትኹኖተ ^{13 14 15} 13. አብራኻም ተዘርሞኋ ፤ዓለም እንዳም ይወርሰኸ ጎይታ አቨን ተስፋ በኧዎርትኋ ኧነከቨን ጽድቅን ባኻሬ ቂጫ በኦዮት አኸረዳ ። 14. ተስፋ ይወርሽዋታ ሰቨ ይኢዮታአር በኾርዋ ፤አያጌክር ተስፋ ከንቱ ቢኸረ ባንደ። 15. ቂጫ ያቫአካ አንዳ ኧጎይታ ማአትን ፤ቂጫ ኤነ በኸረ ቂጫ በጣሽት በደል አይረቨርካ ። ^{16 17} 16. እም ተስፋ ኧሸከቨ በእምነትን እም ተስፋ አአብራሃስም ዘር እንእ ተጎይታይስ በጠጋ አዊመኸ ብእመዳ አጬገ ፤ እመዳ እማት ቂጫ ይትኼተርታ ሰቨ ታይኾርዋ አአብራኻሃመኸ ያአሙርታ ኹኖዋ እንዳም ብእም አይነት አብራሃም እንሞኋ አቦን ። 17. ዋዳ እንዳም ኧኸረ ኧአብራኻምን «አኸ ኧኖኦራ ሰቨ አቦ ኤፐከ »ባርሙ ጣፊይ ፤እአምተስፋ አአብራኻም አዊ ፤ኹዳቨ ኧዎጅዋ ኹኖዋ ቢረሳካ ኹዳ ኤናአር ይረቨረኸ ቢዬካ ጌታ ኧአመሬ ኧኸረደኔ። ^{18 19} 18. ኧአብራኻም ዘራኸ ኖኦራአር ኺንተ ትደብስኬ ቧርሙ ኤኤጂመኸ ኧኖኦራ ሰቨ አቨ ይኸረኧ አአመረን ተስፋ ስርም ተስፋ ባዬኳአር ባንደ ። 19. አብራኻም ኧቨኧ ዘቨር ባሪቅ ኧረፐሬ ኧኸሬ ሚሽትሞኋ ሳራ ዥገቫ ኧረፐረቺ ትከ ታቲኢኝ ገነዘች ባንደ ፤ ውሬቸመኹኖዋ ኧገኖዥዋኸ ቢኺር በእምነትኋ ተፓቨ ። ^{20 21 22} 20. ይረካሞኋ ጎይታ ኧትኸቨድ ባረታ ኤኤደናአር ዬቨመኸ በእምነት ተፓ ተሸከቨ ባኻሬ ሥርም አጥራጠረዳ ። 21. ጎይታቨ አቨን ተስፋ ዬመኸ በሙራ ኺንኋ ያአቭር ባንደ ። 22. ብእም ኧቫአ እብራኻሃም እምነትኋ ጽድቅ ኸረ ቴቬዘረነ ። ^{23 24 25} 23. ኧኽርታ «ጽድቅ ኸረታ ተቬዘረነ ኧዋሪ እማት ኧኹዳ ኧብራሃም ታይኸር 24. እመዳ ቲናምነጋ ጌታንራ ኢየሱስ ክርስቶስ ተውንድ ቢረሳካ ጌታ ናአምነዳ ኢና ኧኧወርትንራ ጽድቅ ይቲቬዘንረ ። 25. እም ጌታንራ ኢየሱስ ክርስቶስ ኧቫጢንራ አዎኦም አአይፖሪ ፤ኦተሪ ኢናቭ ያጸድቂ ተውንድ ተረሳ ።