^{1 2} 1 ባቴ አይኹድ ሰቨ ኧኹት ጥቅምኋ ምራፈድን? ዘገር አጉኦት ምርየናኒሴ? 2 ኧውረ አይኹድ ኧኹንት ኖኦራ ጥቅም ይንበርወሴይ ፤ ዋና ቡር ዘንጋኋ ጎይታ ቃርኋ አአይኹድ ሰቨ አደራ አውትነኋ ። ^{3 4} 3.ባቴ ተአይኹድ ሰቨ አታትሁነዋ በጎይታ አንታአሞርትሁኖዋ ኧጎይታ ሙርቴነድኋ ያአይወሴይ? 4. ስርም አያአይወዳ ! «በቃራኸ ኧቫአ ሙርቴ ትኸር በላጋራኸ በዘንጋ ተኧምኩሴ » ቧርሙ ኧጣፊይመኸ ሰቨ እንእ ዋራይወኝ ቢኸር ጎይታ ኧታአመረዳናአር ። ^{5 6} 5.ኢናይ ባጢር ኧጎይታ ፅድቅ ጌከረ ያቲሽ በኸረ ፤ ባቴ ምር ንቫርነሴ? ጎይታ ኧቫጢንራ ሟሪ ቢቀጣንረ ቂጢይየ አፈርድካ ይዋሪሴይ? እመኸ ኧዋርትኛሰቨ ይርምነኸ። 6. ቢኸርቨ ጎይታ በቂጢይ ኢፈርድካ አንካ ፤ዋኸ ቢኸር ጎይታ በዋአለም ሰቨ ኧተኸ ይፈርድ ባንደ? ^{7 8} 7 ቢኸር ኢያይ ሐሰተኛ ኧሁት ኧጎይታ ኧውረአር ባቶሽት ኧክብርኋ ድባሸ ያቲሺ በኸረ አካ ኧቫጢረተኝኸ ባረ ቢያ ይፈርድቪዳ ኧቨራፈድን? በዋርት ይክራከርካ ይኸነዳ ሰቨ ይበርሴ ይኽሴይ። 8. አታት ሰቨ «ወኼነድ ንረኽቨኔ ሙጥጣር ነናነ »ባኹም አይዎንረኸ ኤፖምታ ይኮሽስንረ ፤ባቴ በኹኖዋ ቂጢየ ፍርድ ይትፈንድዎቴ ። ^{9 10} 9 ባቴ ምር ንቫነ? ኢና ተአይኹዳ ሰቨ ተአረማዊቭ ሰቨ ንረእነ ኧዋርትኒ? አኸረዳ ፤ ኧይኹድ ሰቨ ሆርሙ አረማዊ ሰቨ እንእ ባጥረተኝ ኧኸርዋመኸ ቤተርኹ ኤኤትኩም ።10 ዋኸ ቧርሙ ኧጣፊመኸ ፤ « እማት ስን ጻዲቅ ሰቨ ኤንዳ፤ ^{11 12} 11 ይቬስርካአር ኤንዳ፤ ጎይታ ይሲካአር እማት ኤንዳ ፤ 12 እንሞኋ ኧጎይታ ሜያ ገፈረታ ፤ዛፐተ ወኼ ሜና ዬቨካአር እማት ስን ኤንዳ ^{13 14} 13 ኧሰቨ ይጎጆዋ ሙጥጣአአር ይዝሬኮዳ አፊሁኖዋ ኧወገማኸ ኧትከፈደዳናአር በአነድኹኖዋ ይቂማሙርዋ ፤ ይዝሮኪዳ ዘንጋ እንእ ኧሳአር ጭሬ መርዝነኸአር ፤ 14 አፉኹኖዋ ሙጥጥ ቂናወ ሜናወ ፤ ^{15 16 17 18} 15 ኧግርሁኖዋ ኧሰቨ ደቨ ይኹኢ ይትራወካናአር ፤ 16 በመያመኹኖዋ ኢፋዲ መከራምን ። 17 ኧወገሬት መያ አይኺርታኖአር ፤ 18 ኺንኹኖዋ ጎይታ ኦፉረይት ኤኖዳናአር ^{19 20} 19 ኧቂጭ እዝዝ ያቲሽካ አንዳ በቂጭኹዳ ከስ አነውታ ሁኖዋ ኧሆርዋኸ ንኺነ ፤በዋ ኧቫአ ሰቨ ያሳብብወዳአር በኮርምታ አፊኹኖዋ ይጠጭዋ ፤ ኧአለም ሰቨ እንእ በጎይታ ፍርድ ከስ ይኾርቴ ። 20 ብእም ኧቫአ ኧቂጫ ሜና በኦዮት ማኒም ሰቨ በጎይታ ኢፊቲ ጻዲቅ ዪሪ አይኸርካ ፤እም ኧጎይት ቂጫ ያትሽካ አንዳ ሰቨ እንእ ባጢረተኝ ኧኸረደነኸ ። ^{21 22} 21 ዋአካ ጭን ጎይታ ሰቨ ያጸድቅወዳ መያ ኤኛአር ኧኸረኸ ኻነ ፤በሙሴ ቂጭቨ በነቢያት ተምስከረ ። 22 እም ኧጎይታ ጽድቅ ኧኸረ ኢየሱስ ክርስቶስ በኧዎርትን ይረኹዊዳ ጽድቅን ። ^{23 24} 23 እመኸ ኧኸረ ሰቨ እንእ ባጢር ኤፔ ጎይታ አቨን ክብር በኮርሙ ። 24 ቢኧርቭ እመኸ ዋጋ አይቫር ብጎይታ ጠጋ ተቫጢርኹኖዋ ይቬጥርዋይ ኢየሱስ ክርስቶስ ቴቄጠኖም ። ^{25 26} 25 ጎይታቨ ኢሱስ ክርስቶ ኽትቨ ኤፐታ አቴኤነቨን ፤በኹዳ ያአቭርካ እንእ በኹዳይ ሙድ ባጢርኹኖዋ አፍ ዩሪዮኸ ፤ጎይታ ዋድእንዳም ኤፕ ፤በፈራኺነድኋ ኧድረ ባጢር አነመ ታይቬዝር ኧጽድቅ መያ ባቶሽትን ። 26 በዋ ዘቨር ጎይታ ገግሞኋ ፃዲቅ ኧኹንትኋ ያቲሺ አንዳ በኢየሱስ ያአውርታኹኑ እንእ ያጸድቀኸ ያቲሽኔን ። ^{27 28} 27 ባቴ ንሻመኽኔኮድአር ስ ምር አነ? በአታአር ፤አንሻመኽነዳ ፤ አንሻመኽኔኮ አንዳ ኧቭራፈድን? ቂጫ ንኢየኔ ኧኸረደኔዌ? አኸረዳ ክርስቶስ በኦዎርትንራን ። 28 ሰቨ በቂጫ ሜና ታይኸር ክርስቶስ በኧዎርት ኧኸረኸ ኒኺነ ። ^{29 30} 29 ጎይታ እማት ኧአይሁድ ጎይታንዌ? ኧአረማዊ ሰቨ ጎይታ አኸረዳዌ? ኧውረ ኧአረማዌ ጎይታን ፤ 30 ጎይታ ኧአይኹድ ኸረ ኧአረማዊ ቢኸር ክርስቶስ በኧዎርትኹኖዋ ያጸድኮይ አንዳ እማት ኹዳን ። ³¹ 31 ባቴ ክርስቶስ በኦዎርትንራ ኧቫአ ቂጫ ንሸርነደይ? አኸረዳ ፤አቸቨ ቂጫ ሁዳ አትቬኤተነታ ንጠጥኔዴ ።