1 2 1.ባቴ በኤኛ ሰቨ ትፈርድካ አኸ ፤ ታሳብብወዳአር ኤኔነኸዳ በኤኛ ሰቨ ፎር ብትፈርድወዳ ዘንጋ እንእ ፤ ገጋኸ ትወቅስ ፈራጅ ኧኸርኸ እመኸ ቴቭ ።2 እመኧ ቢዬውታቭ ሰቨ ፎኦር ኧጎይታ ፍርድ ቂጢየ ኧዀረኸ ኒኺነ ። 3 4 3 እም ሙጥጥ ሜና ቤፖዋ ሰቨ ትፈርድካ አኸ ኧኹኖመኸ ብታአፋ ተጎይታ ፍርድ ትተርፍካአ ይቬስርኸዌ? 4 ወይ ኧጎይታ ወኼነድ ተቫጢራኸ ተዣቨር ኧቫረናኸ አኻርኸዳዌ? ኧጎይታ ወኼነድኋ አትቫጠጠ ኧፈነኸወ ኑእነድኋ ትቀርጥዌ? 5 6 7 5 አኧ ንሳኻ ባንጉኦታኸ ቱኧ ኺን በጡታኸ ኧጎይታ ማአት ቂጢየ ፍርድቨ ቢቫአወዳ ቀረ ቅጣታኸ ይደቭስቨኸ ቴቭ ። 6 ኹዳቭ አታትአታትሞኋ ኧቬናሞኋኸ ይኩዴ ። 7 በወኼ ሜና ተቅሟሞርሙ በሶጎውት ሽኩሪቲ ክብርቭ ኧዘላለም አያ ኺተዋ ይረውርዋይ ይሱታ ኹኖዋ እንእ ጎይታቨ ኧዘላለም አያ ኺተዋ ይረውርዋኸ ዬቭኮዋ ። 8 9 8 ዘንጋ ጭን ገግኹኖዋ ይሮምታ ሰቨ ኧውረአር ቼኦምታ ቡሼአር ቢትኼተርታ ሰቨ ኧጎያታ ፍድቪ መአት ይሰራዎቴ ። 9 ሙጥጣአር ቢዬውታ በቫኒም ሰቨ ፤አወተረ በአይኹድ ተኽም ቀጥወ በአዛብ ፎር መከራይ ጭንቀት ይሰራዎቴ ። 10 11 12 10 ዘንጋ ጭን ወኼ ሜና ዬውታ ኧቫኒሞኋ ቢኸር አአወተረኋ ኧአይኹድ ተኽም ኧአዛብ ክብርይ ሽኩርት ወገሬትቨ ይኸነ ፤ 11 ጎይታ ኧሰቨ ኢፍት ኤሽተ አአትሞኋ አያትቃካ ። 12 ኧጎይታ ቂጫ ታይረቭርኮዋ ባጢር ዬውታ ሰቨ እንእ ቂጫ አይቫር የኦይዋ ፤ቂጫ ታነኖም ባጢር ዬውታ ኹኖዋ በቂጫ ይትፈንድዎዋ ። 13 14 13 በጎይታ ኢፊቲ ኤቬጠርዋኹኖዋ ቂጫኹዳ ሰሞምታ ይቴኤዘዥታ ሁቶኖዋ ባኻሬ ቂጫ ሁዳ ሰሞምታ በቬና አያዎኦርዋ ሁኖዋ አሆርታ ። 14 አረማዊ ሰቨ ጎይታ በሙሴ አጋድ አቨኖዋ ቂጫ ቢረቭርኮም በኺንኹኖዋ በቂጫ ኹዳ ቴኤዘዙምታ ዬዋ በኸረ ገግኹንዋ ኧቂጫ ሰቭኖዋ ። 15 16 15 ቂጫ ይኢዝዝካአር እንእ በኺንኹኖዋ አነኸ ያቲሽ ፤ኺንሞኹኖዋ ይቀርጥኮዋ ፤ኺንኹኖዋ አታት ግዚየ ያቁሟሙርኮዋ ። እም ይኸሪ አንዳ ኢያ ብኒኢድኩዳ ወንጌል አጋድ ጎይታ በሰቨ ኺን ኧደኧራአር እንእ በክርስቶስ አጋድ ቢትፈንድወዳ ወቅት እንአር ሰቻይ ይኸርኬ ። 17 18 19 20 17 አኸ ጭን «አይኹድንኹ»ብትር ጎይታ ባቨን በሙሴ ቂጫ ታአመርካ ተጎይታ ታነነኸዳ ኢናውነድ ትትጋጌዝካ ፤18 ኧጎይታአር ኻርኹ ፤ቂጫሞኋ ተማርኹ ፈተርኹ ይፈዝካ ሁዳ ቤሰርኹ ስአሸኹን ትር ።19 ኧፎጭዋ ሁኖዋ መያ አቲሽ ፤በጠነቫ አነውታ ሁኖዋ ኡዋየንኹ ።20 አንትሟርዋ ሁኖዋ ይሂርዋኸ ኤቭ ኧካሃን ዴንጋ ኤትሟሪ ቂጫ እንእ ኧኺሪወዳአር አነኒ »ትሪ ። 21 22 21 ባቴ አኧ ኤኛ ሰቭ ብታስተምርካ ኹዳ አትማርካውዌ? አስርእ ባኸታ ትቲኢድ ገግማኸ ትሰርእዌ? 22 ተረከዅይ ሰቨ ውጅር አድሙጅዋ ትትር አኸ ጭን ውጅር ትደምድ ፤ ቅርኝኹነዋ ያጤኖኮ በቤተመቅደስ አነዳአር ጭን ትትራታ ። 23 24 23 አኸ ቂጫ እንእ ኤኺር ትትሪ ኧጎታ ቂጫ ትቲኢየቨ ኧጎይታ ትቀርጥ ። 24 « ባሁሚ በአይኹድ ሰበ ኧቫአ ኧጎይታ ሹው በአረማዊ ግት ይትቀንቨ » ቧርም ኧጣፊመኸ ኧረ ። 25 26 27 25 ዘገር ባጉኦት ያወድካ አንዳ ቂጫ ትቲኢዮዋ ፤ቂጫ ባኖኦዮታኹ ጭን ዘገር ታጎፔ ታናጎፔ ቂጢየን ። 26 ሰቨ ዘገር ታያጎኦኤ ቂጫ እንእ ቢይኢየ ኹዳቨ ዘገር ባያጎኤ ታጎፔ ቂጢየ አይትቬዘርካዌ? 27 አኸ ኧቂጫ መጣፍ ታነነኸ ዘገር ባጎበከሜ ቂጫ ጭን አኒኢየኸዳ ፤ስርም ዘገር አናጎፖኬ ቂጫ እንእ ይኢድካ ሰቨ ባኸ ይፈርድኬ ። 28 29 28 ባቴ ኧአይኹድ ሹው አነንዳ እንእ ኧአይኹድ ሰቨ አኸረዳ ፤ እመኸ ኧውረ ዘገር አጉኦት ኧቭሲየ ኦጭት አኸረዳ ።29 ኧውረቨ አይኹድ ኧኸረ ሰቨ ተከሲየሞኋ አይኹድ በኸረን ፤ዘገር አጉኦት በመንፈስ ቅዱስ ኧኺን ዘጎር ኦጉዎትን ባኻሬ በቂጫ መጣፍ በጣፊይ ኧቭሲየ ኦጭት አኸረዳ ፤ ኧዋኸ ሰቨ ሽኩርት ይቴኤፐርካ ትጎይታን ባንኸሬ ተሰቨ አኸረዳ ።