1 2 1.ማኒም ሰቨ በዳነድ አነውታ ሰቨ ኧትጎዦት አኖ ፤ ዳነድ ተጎይታይ ባኻሬ አይቫአካ ፥ዳኝ ኹኖዋ ም በጎይታ ተሾም ። 2. በዳኝ ኹኖዋ ፎር ያምጥካ በጎይታ ቂጫ ፎር አመጠ ኧዋርትን ፥እመኸ ዬውታ ኹኖዋ በገግኽኖዋ ፎር ፍርድ ያዎኦዋ ኧዋርትን ። 3 4 5 3. ዳኝ ሁኖዋ አትፎትሁኖዋ ሙጥጣአር ቢዬውታ ሁኖተን ባኻሬ ወኼአር ቢዬውታ ሁኖዋ አኸረዳ ።ዳኝ ሁኖዋ አትፈየኸ ቲሲኢ? እመኸ ወኼአር ኧና ሁዳቭ ባኸ ይሳርኩሴ ። 4. ሁኖም አኸ ወኼአር ዬዋይ ኧጎይታይ ሜንኝነዋ ። ዘንጋ ጭን ሙጥታአር ቢቴቭ ፍረይ ፥እመኸቭ ሴፍ አታአከደዳ ሙጥጣአር ዬቭካ ኹዳ ይቀጣይ ኧጎይታ ያጌክርካናአር ኧቫአት ግቭር ኸረ ።5. ባቴ ይቫአካ ቅጣት በፉረይት ታይከር ፣ኺንራ ታይወቅስንረ ኧዳኝ ኹነዋ ኧትጎዦት ወኼናአር ። 6 7 6. ግብር ትኮሽታ አንዳ ኧዋትነዳ ፥በዋ ሜና ኣወርዋ ኧጎይታ ሜነኝነዋ ።7. ኦጦጣኹዋ ይሰራወኹዋታአር አዋ ግብር በኸረ ግብር ቀረጥ በኸረ ቀረጥ ኳሹዋ ይፎይ አንዳ ፍሮይዋ ክብር ይዊ አንዳ ክብር አዋ ። 8 9 10 8. ገግተገግማኹዋ ተራወጅዋ ባኻሬ ኧአትሞኋ ሰቨት አይበርዎኹዋ ፤ ሰቨ ይረምድካ እንእ ቂጫ ዬቭ ። 9. « ተረከቭኸን ሰቨ እንእ ውጅር አድምድ»፤ አትእትር ፤ አስርእ ፤ አዝወኝ ፤ ዩታ ኤኛቭ ቂጫ ቢረውርዋ ፤ «ሰቨ እንእ ኧገግማኸኸ ኧና ንቨድ ቢይካ በዋ ቂጫ ከስ ተጥቫነረ ። 10. ንማጀ በሰቨ እንእ ሙጥጣአር አዬቭካ ፥ንማጀ ቂጫ ያርወዳን ። 11 12 11. ዘቨርኋ በዎስርት ዋኸ ኦኖዋ ፥ ተዊኢዳኹዋ ቃንዠ ትንኮዳ ግዚየ ዋአካን ፥ኧትርፉትንራ አአወተረ ታአመኔኮ ግዚየ ይረእ ዋአካ ኢናይ ቴኤነቨ ። 12. ጥነቫ ኹዳ ወረ ጋእ ይርወዳ ቴኤነቨ ፥ ባቴኧጠነቫ ሜና ናአነ ንቃሽነይታ እእዋየ ኧጋዝ ግቭር ንትኸተነ ። 13 14 13. በዋአና ናነምብኸ በጨር ንዥቯቨነ ። 14. ይረካሞኋ ጌታ ኢየሱስ ክርስቶስ ተኾደሪ ፥ቴሜኛታኹዋ ይቬናነኹዋኸይ ጭሟጨመኋ ይቬናነኸ ኧቨሰራኹዋ ጩሟጨ ቤየ አታዊ ።